Imminut sullississutinut iserniaruit NemID suli isissutissatut atussavat.

Suliffeqarfiutilimmut MitID – Peqatigiiffiit aamma peqatigiiffiit kajumissutsimik ingerlatsisut

Suliffeqarfiutilimmut MitID suliffeqarfinnut, oqartussanut peqatigiiffinnullu pisortani imminut sullitarinissamut aaqqiissutaavoq isumannaatsoq ullutsinnullu naleqqunnerusoq.

Suliffeqarfiutilimmut MitID tassaavoq:

  • suliffeqarfinnut, peqatigiiffinnut oqartussanullu pisortani digitalimik suliffeqarfiit aaqqiissutaat
  • atuisut, atuuffiit pisinnaatitaaffiillu aqussallugit ajornaallisaasoq
  • NemID-mi sulisut atsiornerat taarsiullugu atugassaq – NemID-mi sulisut atsiorneri aamma Atuisutut ingerlatsisut Virk-imit aaqqiissummi ataatsimoortumi MitID-mi katersorneqarput.
  • sulisut nutaat pilersissallugit ajornaallisaasoq. Aamma sulisut pisortani imminut sullitarinissamut aaqqiissutinut pisinnaatitaaffeqalernissaannik ajornaallisaasoq.

Sulisoqarussi imaluunniit peqatigiiffimmi suliaqartoqarussi suliffeqarfiutigisarsi sinnerlugu digitalimik suliaqartartussamik – assersuutigalugu Allagarsiat Digitaliusut atuarnissaannut imaluunniit pisortani imminut sullitariniarluni aaqqiissutinut allanut iserniaraanni – suliffeqarfittut imaluunniit peqatigiiffittut Suliffeqarfiutilimmut MitID-mik peqartariaqarpusi.

Malugiuk
Suliffeqarfiuteqaruit imaluunniit assersuutigalugu peqatigiiffiuteqaruit, aamma suliffeqarfiutigisat sinnerlugu digitalimik imminut sullitarinissamut aaqqiissutinut isersinnaasunik sulisoqanngikkuit imaluunniit peqatigiiffimmi suliaqartussaqanngikkuit, Suliffeqarfiutilimmut MitID-p piginissaa pisariaqanngilaq, matumanili ‘Suliffeqarfiutilimmut inuttut MitID’ atorsinnaallugu.

Suliffeqarfiutigisavit Suliffeqarfiutilimmut MitID-mut atassusertinniarnera pitinnagu aqutsisoq Virk-imi CVR-imut nalunaarsortinnissaa eqqaamassavat – linki alla quppernermi allami ammassaaq:

Virk-imi paasissutissat atuakkit (qupperneq qallunaatuujuvoq)

Alloriarfissaq siulleq tassaavoq Suliffeqarfiutilimmut MitID pisariaqartinnerissi nalilissallugu. Inuup ataatsip pisortani imminut sullitariniarluni aaqqiissutinut iserluni allagarsiat digitaliusut peqatigiiffik sinnerlugu atuartarnissaat naammagigussiuk, peqatigiiffik Suliffeqarfiutilimmut MitID-mut atassusertinneqarnissaa pisariaqanngilaq.

Akerlianik CVR-imi nalunaarsuiffimmi peqatigiiffissi nalunaarsortissinnaavarsi kingornalu peqatigiiffik sinnerlugu iliuuseqarsinnaasutut toqqagaasoq MitID nammineq inuttut atukkani atorlugu isersinnaalluni.

Peqatigiiffiit arlallit MitID nammineq inuttut atugaq atorlugu inuussutissarsiutilinnut tunngasunik atuisinnaapput – ilissili aalajangissavarsi.

MitID inuttut inuussutissarsiuteqarnermut paasissutissat atuarniarlugit una tooruk (qupperneq qallunaatuujuvoq)

Suliffeqarfiutissinni aqutsisuusoq taannaavoq Suliffeqarfiutilimmut MitID-mut atassusiisussaq. Anmelderitut taaneqartoq assersuutigalugu suliffeqarfimmi ingerlatsisoq atassusertinnissamut piareersaanissamut ikiuussinnaavoq. Atassusertinneq digitalimik ingerlanneqassaaq.

Digitalimik atassusertinnermi periutsit marluk atorlugit ingerlanneqarsinnaavoq:

  • Aqutsisutut inissisimasup MitID nammineq pigisani atorlugu atassusernissaq aallartissavaa. Isereernerup kingorna aqutsisup suliffeqarfik atassusertinniagaq toqqassavaa.

  • Anmelderitut taaneqartup assersuutigalugu suliffeqarfimmi ingerlatsisup ikkussinissaq aamma atassusertinnissaq piareersalereersinnaavaa. Tamatuma kingorna aqutsisup kisimi anmelderip toqqagai akuerisinnaavai.

Suliffeqarfiit amerlanerpaat Suliffeqarfiutilimmut MitID-mut digitalimik isumaminik atassusernissaat pisinnaavoq. Ilaatigullu piumasaqaataavoq virk.dk-mi CVR-imi suliffeqarfimmut aqutsisup nalunaarsorsimanissaa.

Suliffeqarfiit ilaat isumaminnik atassusernissaat pisinnaanngilaq, suliffeqarfiullu Suliffeqarfiutilimmut MitID-mut atassusertinnani uppernarsaatinik nassiussinissaq pisariaqarluni. Suliarineqarnera ulluni suliffiusuni qulini sivisussuseqarsinnaavoq. Oqartussaasut amerlasuut namminneerlutik tamatuminnga suliaqarnissaat naatsorsuutigisinnaavaat.

Aqutsisumut piumasaqaatit
aqutsisutut suliffeqarfiup aqutsisoqarfiani ilaasortaasariaqarputit (CVR-imiit allatigulluunniit uppernarsaanikkut) assersuutigalugu piginnittuullutit, pisortaqatigiinni ilaasortaallutit imaluunniit siulittaasuullutit.

Atassusertinniarnermi ingerlatsisinnaasumik (suliffeqarfimmi ingerlatsisinnaasumik) suliffeqarfissinni Suliffeqarfiutilimmut MitID-mi atassusertinniarnermi ikkussisussamik isumaginnittussamik toqqaassaatit.

Malugiuk
NemID-mi sulisutut atsiorsinnaanerit nuussagussigit, suliffeqarfiutigisarsi Suliffeqarfiutilimmut MitID-mut atassuserniartillugu, maannakkut NemID-mi ingerlatsisuusoq Nets-imiit linkimik mailikkut allagarsissaaq.

Suliffeqarfiutilimmut MitID-mik peqatigiiffissi pisaarnissaanut piareersarneq isumassarsiatsialaavoq.

Piareersarnissinni makku isumagisinnaavasi:

Peqatigiiffiutinni iliuuseqarsinnaasutut inuttassaq nalunaarsortiguk
Peqatigiiffissinni inuit amerlanerit pisortani imminut sullitarinissamut aaqqiissutinut isertassasut nalilerussiuk, Suliffeqarfiutilimmut MitID-mut atassusertariaqassaasi.

Suliffeqarfiutilimmut MitID-mut atuinissaq toqqarussiuk, peqatigiiffissinni atuisussamik (assersuutigalugu siulittaasoq, siulersuisuni ilaasortaq alla aningaaserisorluunniit) Suliffeqarfiutilimmut MitID-mut peqatigiiffissi atassusertissavarsi. Iliuuseqarsinnaasoq virk.dk-mi CVR-imi nalunaarsortikkussiuk, atassusertinneq isumaminik pissaaq. Taamaattumik CVR-imi iliuuseqarsinnaasoq nalunaarsortissallugu pitsaasuusinnaavoq:

Una tooruk Peqatigiiffimmi iliuuseqarsinnaasoq Virk-imi nalunaarsorniarlugu (qupperneq qallunaatuujuvoq)

CVR-imi peqatigiiffimmi iliuuseqarsinnaasoq nalunaarsorsimanngikkussiuk, Suliffeqarfiutilimmut MitID-mut atassuserniarnermi peqatigiiffimmi iliuuseqarsinnaasup peqatigiiffimmut attuumassuteqarneranut uppernarsaat ilanngutissavarsi. Uppernarsaat tassaasinnaavoq ataatsimeersuarnermit imaluunniit siulersuisut ataatsimiinnerannit imaqarniliaq. Uppernarsaatit taama ittut scannereerlugit piareersimatinneqarsinnaapput ikkunniarneri ajornaannerussammata.

Peqatigiiffissinni iliuuseqarsinnaasoq CVR-imi nalunaarsorsimanngippat, uppernarsaatissatut piumasaqaataasoq pillugu paasissutissat atuakkit (peqatigiiffimmut kode 110 imaluunniit 115 misissoruk):

Uppernarsaateqarnissamut piumasaqaatit pillugit paasissutissat atuarniarlugit una tooruk

Tamatuma saniatigut imaaliorsinnaavusi:

  • Ingerlatsisinnaasut sulisullu atsiorsinnaasut eqqarsaatigalugit torersaanikkut.
    Suliffeqarfiutilimmut MitID-mut atassuserussi ingerlatsisinnaasut sulisullu atsiorsinnaasut pisariaqartitasi kisimik nuunneqassapput. NemID-mi ingerlatsisinnaasutut kikkut inissisimanersut uunga iseriarlusi www.medarbejdersignatur.dk takusinnaavasi.
  • Suliffeqarfik imaluunniit peqatigiiffik sinnerlugu pisortani imminut sullitarinissamut aaqqiissutinut sulisusi/peqatigiiffimmi inuttasi qanoq isertassanersut aalajangersiuk.

    Qanorluunniit aalajangeraluarussi inuttut data-t suliffeqarfiup data-niit immikkoortinneqassapput:
  1. Sulisut/peqatigiiffimmi inuttat MitID-tut atuisutullu ID-tut atugassaat namminneq pitik atorlugit ingerlatsisinnaapput. Taamaallaat suliffeqarfimmiit aamma sulisut imaluunniit peqatigiiffimmi inuttat ataasiakkaat akuersinissaat pisariaqarpoq.

  2. Sulisut/peqatigiiffimmi inuttat MitID immikkut ittoq inuussutissarsiuteqarnermut taamaallaat tunngatillugu atorsinnaavaattaaq. Atuisutut ID immikkut ittoq atorneqassaaq, aamma

A. MitID appi inuttut atortagaq atorneqarsinnaalluni. Taamaalilluni MitID appimi inuttut suliffeqarfiutilittullu atuisuuneq atorneqarsinnaapput.
B. imaluunniit assersuutigalugu sulinermut atatillugu oqarasuaammi MitID nutaaq. Taamaalillutit MitID appi inuttut aamma suliffeqarfiutilimmut MitID appi pigissavatit.

  • Suliffeqarfiutilimmut MitID-mut atassusertinnginnermi aqutsisutut inissisimasusi pillugit paasissutissat CVR-imi nutarterlutik nalunaarsorsimanissaat qulakkiissallugu.

CVR-imi nalunaarsorfimmi aqutsisut nutarterniarlugit una tooruk (qupperneq qallunaatuuinnaavoq)

CVR-imi nalunaarsuiffimmi aqutsisunik ilanngussinissamut ajornartorsiuteqarussi Virk attavigisiuk:

Aqutsisumik nalunaarsuinermut atatillugu Virk attavigiuk (qupperneq qallunaatuuinnaavoq)

CVR-imi nalunaarsuiffimmi suliffeqarfissinniit aqutsisut nalunaarsorsinnaanngikkussigit Suliffeqarfiutilimmut MitID-mi atassuserniarnermi aqutsisup suliffeqarfimmut attuumassuteqarnera assersuutigalugu ataatsimeersuarnermiit imaluunniit siulersuisut ataatsimiinneranniit imaqarniliaq uppernarsaatitut ikkutissavarsi.

Uppernarsaatit taama ittut scannereerlugit pigineqarsinnaapput ikkunniarneri ajornannginnerussapput.

Aqutsisup suliffeqarfimmut attuumassuteqarneranut takussutissatut uppernarsaat piumasaqaataasoq pillugu paasissutissat allat atuakkit:

Uppernarsaateqarnissamut piumasaqaat pillugu paasissutissat takuniarlugit una tooruk

Piareersarneq
Suliffeqarfiutilimmut MitID-mut atassusertinneq naammassiniarlugu makku piareersimatissavatit:

  • Kinassusaa ilisimassavat: Suliffeqarfiutilimmut MitID-mi suliffeqarfimmik ingerlatsisussatut atuisup aqqa, e-mailia aamma inuuia (inuttut normua aamma oqarasuaataata normua pisariaqanngillat). Suliffeqarfimmi ingerlatsisoq ilaatigut Suliffeqarfiutilimmut MitID pillugu suliffeqarfimmi ikkussinissamut akisussaaffeqarpoq.
  • Illit mailit suliffeqarfimmut attuumassuteqassaaq.
  • Iserniarlutit MitID namminneq inuttut atukkat atussavat. MitID inuttut atukkat taamaallaat kinaassutsivit uppernarsarnissaanut aamma Suliffeqarfiutilimmut MitID-mut atassusertinnerup akuerinissaanut atorneqassaaq allanullu siammarterneqarnaviarani.

Una tuussavat ilitsersuut ammarniarlugu uunga tunngasoq aqutsisumut atassusernissaq (PDA-fil)

Suliffeqarfiutilimmut MitID-mut atassuserniarluni una tuussavat

Aallartinnginnermi
Suliffeqarfiup Suliffeqarfiutilimmut MitID-mut atassusertinnissaa piareersarniarlugu anmelderitut ilitsersuutit uku atussavatit.

Atassusertinniarneq naammassiniarlugu suliffeqarfimmi aqutsisup atassusertinneq kingorna akuerissavaa.
Aqutsisoq suliffeqarfimmi aqutsisunut ilaasortaanini uppernarsarsinnaassavaa, ass. piginnittuunermigut, pisortaqatigiinni ilaasortaanermigut, siulittaasuunermigut.

Aqutsisup suliffeqarfimmut attuumassuteqarnerata akueriniarnera suliarisassaavoq suliffiillu ullut qulit tungaannut sivisussuseqarsinnaalluni – uppernarsaatinik peqannginnermi sivisunerusinnaalluni.

Atassusertinniarnermittaaq ingerlatsisussamik (suliffeqarfimmi ingerlatsisussamik) Suliffeqarfiutilimmut MitID-mi suliffeqarfiup ikkunniarneranik isumaginnittussamik toqqaassaatit.

Malugiuk
Aqutsisup CVR-imi nalunaarsuiffimmi atuuffia inuttullu normua nalunaarsorsimappata aqutsisup suliffeqarfimmut attuumassuteqarnerata akueriniarnerata suliarisassaanera pinngitsoortinneqarsinnaavoq.

Piareersarneq

  • Kinassusaa ilisimassavat: Suliffeqarfiutilimmut MitID-mi suliffeqarfimmik ingerlatsisussatut atuisup aqqa, e-mailia aamma inuuia (inuttut normua aamma oqarasuaataata normua pisariaqanngillat). Suliffeqarfimmi ingerlatsisoq ilaatigut Suliffeqarfiutilimmut MitID pillugu suliffeqarfimmi ikkussinissamut akisussaaffeqarpoq.
  • Aqutsisup suliffeqarfimmut attuumassuteqarnera uppernarsassallugu pisariaqartinneqarsinnaavoq, ass. atorfinitsitaanermut isumaqatigiissutip assilinera, ataatsimeersuarnermit imaqarniliaq atorneqarsinnaasoq, uppernarsaat assitalik imaluunniit akissarsiat allagartaat.
  • Atassusertinnissamut isumaqatigiissutip nassiunneraniit (uppernarsaatitut ilanngunneqartoq naammassinnippat) aqutsisup akueriniarnera ulluni suliffiusuni qulini sivisussuseqarsinnaavoq.
  • Iserniaruit MitID nammineq inuttut atukkat atussavat. MitID inuttut atukkat kinaassutsivit uppernarsarnissaanut taamaallaat atorneqassaaq allanullu siammarterneqarnaviarani.

Anmelderip atassusernissaanut ilitsersuut ammarniarlugu una tooruk (PDA-fil)

Suliffeqarfiutilimmut MitID-mut atassuserniarlutit una tooruk

Suliffeqarfiutilimmut MitID-mut atassusertereersimagussi maanna iseriaannaavusi.

Suliffeqarfiutilimmut MitID-mut atassusertereersimagussi ingerlatsisinnaasut atuisullu isersinnaapput. Suliffeqarfiutilimmut MitID-mi atuisuutisi suliffeqarfiutigisarsi sinnerlugu ilaatigut MitID atorlugu isersinnaapput.

Suliffeqarfiutilimmut MitID-mut iserit

Malugiuk
Aqutsisutut Suliffeqarfiutilimmut MitID-mut atassusertereersimaussi aatsaat Suliffeqarfiutilimmut MitID-mut isersinnaavutit.

Uannga allanneqarpoq: Digitalimik Sullissinermut Aqutsisoqarfik

Digitalimik Sullissinermut Aqutsisoqarfik
Postboks 1078
3900 Nuuk

Oqarasuaat. (+299) 34 50 00
E-mail: digitalisering@nanoq.gl
Nittartagaq: digitalimik.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.