Akissarsiat allagartai ukiumoortut nalunaarsorneri

Akissarsiat allagartai ukiumoortut nalunaarsorneri

Una ilitsersuutaavoq akissarsiat allagartaanik ukiumoortunik immersuinermi atugassiaalluni. Ilitsersuut suliffeqarfiutilinnut malitassiaavoq.

Suliffeqarfiit tamanit sulisorisanut ukiup siuliani akissarsisitsisimasut, akissarsiat allagartaanik ukiumoortumik sanasussaatitaapput.

Sulisorisavit ataasiakkaat ukiup siuliani akissarsiarisimasaat, ukiup naanerani akissarsiat allagartaannik ukiumoortumik tunniussissaatit. Akissarsiat allagartaat allani taaneqarsinnaasarpoq ”Sulisunut isertitanut paasissutissaq” imaluunniit “A11”.

 

Akissarsiat allagartaat ukiumoortoq tunniunniarukku suliffeqarfiutiliussaatit ukiup siuliani sulisunut akissarsisitsinikoq aamma sulisitsisutut pisussaaffeqarputit Sulisitsisut Allattorsimaffianut ilanngunnissarnut.

Pisussaaffigivat sulisunut paasissutissiissutigissallugu, qanoq akissarsiat akileraarutillu ukiumi pineqartumi annertutigisimanersut.

Sulisitsisutut pisussaaffigaat naatsorsuutit suliarineqarnissaa, aningaasarsiat A-t aammalu akissarsiat A-t qanoq annertutigisimanersut nalunaarutigissallugit. Akissarsiat naatsorsorneri bilag-itut ukiuni 5-ani toqqorsimasuutigineqassapput, ukiup naanera ilanngullugu.

 

Akissarsiat allagartai ukiumoortut eqqortumik nalunaarsorukkit ilinnut aningaasartuuteqassanngilaq.

 

Digitalimik nalunaarsuineq
Akissarsiat allagartaanik ukiumoortumik nalunaarsuisinnaavutit imminut sullississut "Akissarsiat allagartai ukiumoortut nalunaarsukkit" uuma quppernerup qulaani sungaartoq toortagaq toorlugu.

Sulisoqaruit 20-inik sinnerlugilluunniit, digitalimik nalunaarsuutigissavatit.

Digitalimik A11 nalunaarsorsimasatit, takusinnaajuassavatit paasissutissat sulisitsisut allattorsimaffianut nalunaarsorsimasatit.

Ataani linkimi atuarsinnaavat digitalimik nalunaarsuinissamut ilitsersuut.

Una toorlugu ilitsersuut “Akissarsianik nalunaarsuinissamut ilitsersuut” aammaruk

Immersortakkatigut pappialakkut nalunaarsuineq
Immersuiffissaq pappialaq atorlugu akissarsiat allagartai ukiumoortut nalunaarsorniarukkit, uku immersussavatit, tunniullugillu:

  • A11: “20 -imi isertitanut paasissutissaq”
  • A10: “Akissarsiarititanut il. il. nalunaarut – 20 –imut”

Una toorlugu immersugassaq “A11 20 -imi isertitanut paasissutissaq” aammaruk. 
Una toorlugu immersugassaq A10: “Akissarsiarititanut il. il. nalunaarut – 20 –imut”aammaruk.

Akissarsiat allagartai ukiumoortut imatut tunniussinnaavatit:

  • Najukkanni Akileraaruseriffimmut saaffiginnillutit
  • sulinal@nanoq.gl-imut nassiullugit
  • fax nr. 346577-imut nassiullugit

 

Ukiumoortut akissarsiat allagartaat (A11) sulisorisimasat ataasiakkaanut suliarineqassaaq, imatullu imaqassaaq:

  • Paasissutissaq kina sulisuusimasoq: Cpr. Ateq najugarlu
  • Akileraarfiup kommunea
  • Suliffeqarfiup paasissutissartaa, cvr aammalu najugaq
  • Piffiup suussusaa
  • Aningaasarsiat A-t akissarsiat tunitsivinnullu akissarsiat
  • Akileraarutit A-t unerartinneqarsimasut
  • Akileraarutit A-t nunani allani soraarnerussutisiassat
  • Sulisunut akeqanngitsumik ajunngitsorsiat
  • Soraarnerusutisiassat paasissutissartai

Aallaavigeqquneqarpoq qaammatikkaartuni nassuiaat sukumiisuni nalunaarutigineqarsimasut, ukiumoortoq akissarsiat allagartaa suliarineqarnerani.

A11-imi immersugassat qanoq immersornissaanut ilitsersuut linki ataaniittumi nassaarisinnaavat. 
Una tooruk “A 11-p immersornissaanut ilitsersuut” ammarniarlugu

Akissarsiat allagartaat ukiumoortoq nutaaq atuuttoq pillugu ataani linkimi atuarsinnaavat. 
Una toorlugu “Akissarsiat allagartaat ukiumoortoq nutaaq, ukiumut 2018-imut ukiunilu aggersuni immersortagassaq pillugu sulisitsisunut namminersortunut paasissutissiineq” ammaruk

 

Ukiumoortuni akissarsiat allagartaa (A11) immersornerani akissarsiat, soraarnerusutisiallu akileraarutit A-t katinneri ukiumi akissarsiffimmi nalunaarutigineqassapput. Immersugassaq taanna A10-mik taaneqartarpoq. Immersugassaq immersoriarlugu ukiumoortuni akissarsiat allagartai ilanngullugit tunniunneqassapput, kingusinnerpaamik qaammat januari naatinnagu.

Ukiumoortuni akissarsiat allagartat qarasaasiakkut nalunaarutigineqarneq ajortut A10-mi nalunaarutigissavatit:

  • Suliffeqarfiup paasissutissartai, cvr ateq najugarlu
  • Branche
  • Kommune
  • Piginnittoq
  • Aningaasarsiat A-t katinneri A11 najoqqutaralugu, akileraarutinik ilangaatiginnginnerani
  • Akileraarutit A-t katinneri A11 nalunaarusiukkat malillugu
  • Akeqanngitsumik ajunngitsorsiat katinneri A11 nalunaarusiukkat malillugu
  • Sulisoqarnermut akitsuutit (AMA)
  • Ukiumik kipungasumik naatsorsuusiorfillit paasissutissat
  • Ukiumoortut akissarsiat allagartat qassiuneri (A11)
  • Atsiorneq ullorlu

Ilitsersuut atuarlugu Kalaallit Nunaanni akileraarutissat ilanngaatigineqarnerat, aningaasarsiat A-t, aningaasarsiat B-t il.il paasisaqarnerusinnaavutit. 
Una toorlugu “Kalaallit Nunaanni akileraarutissat ilanngaatigineqarnerat” ammarsinnaavat

Malugiuk:
Ukiumut pineqartumut (A10) akissarsiat soraarnerusutisiallu tamakkiisumik nalunaarsorneri, katiterneri akissarsiat allagartaani ukiumoortumi immersukkani sulisorisimasat najoqqutaralugit paasissutissat nassiunnerani assigiissammata.

Immersugassami nassuiaatitaqarpoq sorliit paasissutissat A10-mi qanoq naatsorsorneqarsinnaanersoq.

 

Ukiumoortut akissarsiat allagartat nassiunnerani akissarsiat soraarnerusutisiallu, sulisitsisut allattorsimaffiata tigusarpai. Nammineerluni akisartumik nalunaarfigineqassaatit allagaq mail nassiunneqartoq tiguneqarsimasoq, uunga allannikkut sulinal@nanoq.gl

Sulisitsisut Allattorsimaffiata nassiunneqartut paasissutissartai misissortarpai A10-mi nalunaarusiukkat najoqqutaralugit A11-lu assigiinnersut.

  • Kisitsisit assigiippata, nalunaarfigineqassangilatit
  • Kisitsisit assigiingippata, aaqqeqquneqarnissaanut nalunaarfigineqassaatit

Paasissutissat nassiunneqartut kingusinnerusukkut misissorneqaqqinneqarsinnaammata toqqorneqassapput.

Akileraartarnermut Aqutsisoqarfiup sulisitsisunik nakkutilliisoqarfimmiit paasissutissat imminut naleqqunnersut misissortarpaat.

 

Eqqunngitsunik Nalunaarutit 
Sulisitsisutut pisussaaffeqarputit akissarsiat allagartai ukiumoortut eqqortumik nalunaarutigisimanissaanut. Sulisitsisut Allattorsimaffiata akissarsiat allagartai ukiumoortut eqqunngitsumik suliarineqarsimappata itigartissinnaavaat.

Akileraartarnermut Aqutsisoqarfiup nalunaarsornerit kukkuneqartut takusinnaaguniuk, assersuutigalugu sulisoqarnermut ajunngitsorsiat kukkullugit nalunaarsorsimagitit, paasitinneqassaatit paasissutissat aaqqissagitit aammalu akileraartarnermut pillaatissiissummik akiligassinneqarlutit.

 

Akissarsiat allagartai ukiumoortut Akileraartarnermut Aqutsisoqarfimmut 2. Januarimiit, januarip naanissaanut nalunaarsorneqareersimassapput.

Suliffeqarfiit unissimappat, kingusinnerpaamik ullut 10-t akissarsititsiffiup kingulliup pereernerani nalunaarsuereersimassaatit.

 

Sulisitsisut inatsisit malillugit pisussaaffeqartitaammata akissarsiat allagartai ukiumoortut nalunaarutigissallugit, pisinnaatitaangilatit maalaarutigissallugu tamanna.

 

Uanga allanneqarpoq: Sulisitsisut Allattorsimaffiat

Akileraartarnermut Aqutsisoqarfik
Postboks 1605
3900 Nuuk

Oqarasuaat: 34 50 00
Fax: 32 20 42
E-mail: tax@nanoq.gl
Nittartagaq: www.aka.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00
Namminersorlutik Oqartussat, Akileraartarnermut Aqutsisoqarfik
Intaleeqqap Aqqutaa nr. 1
Postboks 1604
3900 Nuuk
Tlf.: (299) 34 50 00
Fax: (299) 34 65 77

Sulinal (Sulisitsisut Allattorsimaffiat)
Akileraarutit A-t, Akissarsiat allagartaat, Sulisitsisut nalunaarsuineri, akiligassinneqarnermi allagartat, Sulisitsisunut ilitsersuinerit.
Tlf.: (299) 34 60 81
E-mail: sulinal@nanoq.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.