Namminersorlutik Oqartussat suliffeqarfinni, pisortaqarfinnilu sulisut, innuttaasullu kaammattorpai angalassannginnerannik - Paasissutissat annertunerusut nun.gl-imi atuarsinnaavatit

Akissarsianit ilanngartuisalerit

Akissarsiat allagartai ukiumoortut nalunaarsorneri

Sulisitsisutut pisussanngortinneqarsinnaavutit sulisuppit akissarsiaanit ilanngartuissallutit.
Akissarsianit ilanngartuinerit siunertarisarpaat, sulisut pisortanut akiitsuminnik allanulluunniit akissarsiaminnik akilersuisinnaanissaat.

Sulisorisat isumaqaruni, pisortanut, Ini A/S-imut, Nukissiorfimmulluunniit akiitsoqarani, sulisorisat qinnuigisinnaavat Akiliisitsiniartarfimmut saaffiginneqqullugu.

Sulisitsisutut pisussaaffigaat akissarsianit ilanngaassuilernissat
Sulisitsisuullutit Akiliisitsiniartarfimmiit akissarsianik ilanngartueqqussut tigugukku ilanngartuilernissat akisussaaffigaat. 
Sulisitsisutut ilanngaassisalerneq aallartinngikkukku, ilaanngaatissaasimagaluartut suliffeqarfiutinnut toqqaannaq akiligassanngortinneqarsinnaapput.

 

Sulisumut tassunga akissarsianit ilanngartuiffigineqartussamutt sulisitsisuussaatit.

 

Akissarsianit ilanngartuineq Akiliisitsiniartarfimmut nalunaarutiginissaa pisussaaffigivat
Pisussaavutit qaammatikkaartumik akissarsianit nalunaarsuininni, akissarsianit ilanngartuussineq aamma nalunaarutigissallugu, taannalu sulisuit akissarsisimalereernerata qaammatip tulliuttup ulluisa 10-ani  kingusinnerpaamik pisarpoq.

Akissarsianit ilanngaatit qaammatit tamaasa sulisitsisut allattorsimaffianut nalunaarsortassavatit, akissarsianit ilanngartueqqussutip unitsinneqarnissaanik nalunaarfigineqarnissappit tungaanut.

Nipangersimasussaatitaaneq
Sulisorisavit akiitsui pillugit nipangersimasussaatitaavutit. Nipangersimasussaatitaaneq aamma akissarsianit ilanngartuussinermut atuuppoq.

 

Akissarsianit ilanngartuinerit ilinnut sulisitsisutut aningaasartuutitaqanngillat, iluanaarutitaqaratillu.

 

Sulisuit akissarsianit ilanngartuinissamut isumaqatigiissusiorniarlutit imminut sullississut "Akissarsianit ilanngartuisalerit" uuma quppernerup qulaani sungaartoq toortagaq tuussavat.
Akissarsianit ilanngartuisalerniaruit sulisutut ilisarnaatit (medarbejdersignatur) atussavat.

Malugiuk:
Akissarsianit ilanngaatit akileraarutit peereernerisa kingorna aatsaat kisinneqartassapput.

Uani takusinnaavat imminut sullississutikkut akissarsianit ilanngartuinissamut ilitsersuut.
Una toorlugu ”Akissarsianik ilanngaataasimasunik nalunaaruteqarnermut ilitsersuut” ammaruk

Sulisutut ilisarnaat
Sulisutut ilisarnaat pillugu NemID-ip nittartagaani atuarsinnaavat.
Una toorlugu sulisutut ilisarnaammut paasissutissat iserfigikkit (qupperneq nutaaq)

Sulisitsisutut sulisutut ilisarnaammik pigisaqanngikkuit, nammineerlutit inniminniisinnaavutit. 
Una toorlugu sulisutut ilisarnaammik piniarit (qupperneq nutaaq)

 

Akissarsianit ilanngatuinissamik pilersitsiguit, pisortatigut ataatsimoorussamik akiliisitsiniartarfiup systemiani imminik pilersinneqassaaq.

Akissarsianit ilanngaataasimasut qaammatit tamaasa sulisitsisut allattorsimaffianut nalunaarsortassavatit, akissarsianik ilanngartueqqussutip unitsinneqarnissaanik nalunaarfigineqarnissappit tungaanut.

 

Akissarsianit ilanngartuinissamut nalunaarummi Akileraartarnermut Aqutsisoqarfiup akiliisitsiniartarfianiit tigusanni pifissarititaq ersippoq.

Sulisitsisut allattorsimaffiannut akissarsianik ilanngaatinik qaammatit tamaasa nalunaarsuisassaatit akissarsianik ilanngartueqqussutip unitsinneqarnissaanik nalunaarfigineqarnissappit tungaanut.

 

Uanga allanneqarpoq: Akileraartarnermut Aqutsisoqarfik

Akileraartarnermut Aqutsisoqarfik
Postboks 1605
3900 Nuuk

Oqarasuaat: 34 50 00
Fax: 32 20 42
E-mail: tax@nanoq.gl
Nittartagaq: www.aka.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.