Imminut sullississut atassusigaq: Nukissiorfinnut atuilernermik atuiunnaarnermillu nalunaarneq ajorallarpoq. Aaqqinnissaa sulissutigineqarpoq. Qujanaq naammagittarlusi utaqqinissinnut. - In. sullissivik.gl

Qeqqussanik katersuinissamut/katersinis samut akuersissummik qinnuteqarit

Illit inuussutissarsiortutut qeqqussanik katersuinissamik kissaateqaruit, katersuinissamut akuersissummik peqartussaavutit.

Katersuinissamut akuersissummik peqarnissarnut:

  • Inuussutissarsiornermik ingerlatsisuussaatit
  • Qeqqussanik katersuinissamut/katersinissamut akuersissummik qinnuteqaammik nassiussissaatit

Malugiuk
Qeqqussanik katersuinissamut/katersinissamut akuersissut ukioq ataaseq atuuppoq.

Taamaattumik piffissap akuersissuteqarfiusup naanerani qeqqussanik katersuinissamut/katersinissamut akuersissummik nutaamik qinnuteqassaatit.

Qeqqussanik katersuinissamut/katersinissamut akuersissummik qinnuteqarneq akeqanngilaq.

Qinnuteqaatit makkuninnga paasissutissartaqartoq mailikkut nassiutissavat:

  • Suliffeqarfiup aqqa aamma cvr. normua
  • Oqarasuaatip normua aamma mailadresse
  • Sumiiffia imaluunniit sumiiffik qeqqussanik katersuiffiusussaq/katersiviusussaq
  • Ukiup qanoq ilinerani katersuinissaq/katersinissaq kissaatigineqarpa
  • Periaasissaq aamma katersuinermi/katersinermi atortut
  • Qeqqussat suussusaat sorliit katersornissaat kissaatigineqarpa
  • Suna siunertaava – tunisassiorneq, avammut nioqquteqarneq imaluunniit allat

Qinnuteqaatit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiutissavat mail: pan@nanoq.gl

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup qinnuteqaat eqqortumik immersorneqarsimasoq tiguppagu, suliassaq ilinnut tunngasoq suliassanik suliarinnittartumut tunniunneqassaaq, tassanilu qinnuteqaatit misissorneqassaaq.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup qinnuteqaatit kinaassusersiunngitsumik tunngavissarititaasut aallaavigalugit nalilersussavaa, soorlu:

  • Sumiiffimmi tassani qanga kingullermik katersuisoqarsimanersoq
  • Sumiiffimmi tassani piffissaq taanna allanik suliaqartoqarpa
  • Qeqqussanik katersuinermut periaaseq akuerisaava piujuartitsiviullunilu

Qinnuteqaatit akuerineqassappat, qeqqussanik katersuinissamut akuersissummik ukiumut ataatsimut atuuttumik, aammalu nalunaarusiornissamik piumasaqaatitalimmik, tunineqassaatit.

Qinnuteqaatit itigartinneqarpat, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmiit mailimik nassiussivigineqassaatit.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik naliliippat qinnuteqaatit amigaateqartoq, paasissutissat annertunerusut apeqqutigineqassapput.

Paasissutissat ilassutaasut nassiutereerukkit, suliassaq ilinnut tunngasoq suliassanik suliarinnittartumit misissorneqassaaq.

Sukkulluunniit qeqqussanik katersuinissamut/katersinissamut akuersissummik qinnuteqarsinnaavutit.

Aalajangiineq pillugu maalaaruteqarnerit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut mailikkut allallutit tunniutissavat.

Maalaaruteqarnerit allaganngorlugu maalaaruteqarniarnernik tunngavilersuuteqassaaq.

Maalaarutit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi suliarineqassaaq aammalu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmiit mailikkut aalajangiineq tigussavat.

Uannga allanneqarpoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Postboks 161
3900 Nuuk

E-mail: pan@nanoq.gl
Oqarasuaat: (+299) 34 50 00
Nittartagaq: www.naalakkersuisut.gl
Suliffeqarfiutilimmut

sullissivik.gl-imut tikilluarit

Sullissivik Suliffeqarfiutilimmut isilerputit. Innuttaasumut nuunniaruit, qulaani ‘Innuttaasumut’ toqqassavat.