Tunisassiorfimmut tapiissuteqarnissamut qinnuteqarit

Nunaqarfimmi isorliunerusumiluunniit tunisassiorfimmiit inuussutissarsiortutut Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmit tapiisoqarnissaanut qinnuteqarsinnaavutit.

Tunisassiorfimmi aalisarnerup piniarnerullu, kiisalu tunitsivimmut tunisititsinerup iluani suliffissaqartitsiniutinik suliassanillu siuarsaanissamut qulakkeerinissamullu siunertaqarfiusunut tapiiffigineqarnissamik qinnuteqarsinnaavutit.

 

Ingerlatseqatigiiffiup tapiissuteqarfissatut qinnuteqaassutavit piumasaqaatit uku naammassissavai:

  • Ingerlatseqatigiiffik Kalaallit Nunaanni angerlarsimaffeqassaaq
  • Ingerlatseqatigiiffiup pigisani nalillit tamakkiisumik atorsinnaassavai, taamaalillunilu akiliisarnermik unitsitsisimassanngilaq, akiliisinnaajunnaarsimassanngilaq imaluunniit pissutsinik nallersuunneqarsinnaasunik atugaqassanngilaq.

Kiffartuussinissamut isumaqatigiissut, tunisassiorfimmut tapiissuteqartoqarnera tunngavigalugu isumaqatigiissutigineqartoq piumasaqaatinik nalinginnaasunik aammalu suliffeqarfimmut piumasaqaatinik arlalinnik imaqarpoq, taakkununngalu ilaapput:

  • Suliap siumut ingerlanera pillugu akuttoqatigiinnik nalunaarusiornissamut pisussaaffeqarneq
  • Piffissami isumaqatigiissuteqarfiusumi suliffeqarfiup ukiumoortumik naatsorsuutaanik nassiussisarnissamut pisussaaffeqarneq
  • Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup qinnuteqaat aamma/imaluunniit kiffartuussinissamut isumaqatigiissut pillugu saaffiginnissutaa pillugu akissuteqarnissamut pisussaaffeqarneq
  • Isumaqatigiissummi aalajangersakkanik naleqqussaanissamut piumasaqaateqarneq
  • Kiffartuussinissamut isumaqatigiissut sumiginnarneqarsimappat il.il. imaluunniit suliffeqarfik akiliisinnaajunnaarpat taamaatitsinissamut piumasaqaatit.

 

Aningaasartuutinut uppernarsarneqarsimasunut, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmit akuerineqartunut tapiiffigineqarnissamik qinnuteqarsinnaavutit. Aningaasartuutit isumaqatigiissummi piumasaqaataasut avataaniippata aammalu aningaasaliissutit tamarmiusut 2,2 mio. koruuniuppata aningaasartuutinut matussusiiffigineqarsinnaanngilatit.

Tunisassiorfimmut tapiissutissanik qinnuteqarneq akeqanngilaq.

 

Qinnuteqaatit mail-ikkut imaluunniit allakkatigut qinnuteqarnermut immersukkannik ilaqartillugu ukulu paasissutissiissutigalugit nassiutissavat:

  • Suliffeqarfiup aqqa, najugaa attaveqarfissallu pillugit paasissutissat
  • Suliffeqarfiup CVR-normua
  • Naatsorsuutinik imaluunniit suliffeqarfinnut nutaanut suliassanut pilersaarummik tamakkiisumik nassiussineq
  • Siulersuisut piginnittullu pillugit paasissutissat pissarsiarineqarsinnaasut
  • Piffissamut isumaqatigiissuteqarfissatut qinnuteqaateqaatigineqartumut missingersuutit

Una toorlugu qinnuteqarnissamut immersugassaq aajuk

 

Qinnuteqarnermut immersukkat ilanngussanik attuumassutilinnik ilaqartillugu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiutissavat.

  • Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup qinnuteqaat eqqortumik immersorneqarsimasoq tiguguniuk, piffissaliussap naanerani suliaq ilinnut tunngasoq suliarineqassaaq.
  • Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik imminut pisinnaatippoq, paasissutissanut tapiliussassanik qinnuteqartumut allamulluunniit pissarsiniassalluni. Paasissutissat taamaattut qinnuteqaatip suliarineqarneranut tamarmiusumut ilaatinneqassapput.

Tunngavissat uku qinnuteqaatinnik naliliinermut atorneqassapput. Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik suliamik suliarinninnermini tunniussinissamut piumasaqaatit tunngavigalugit pointilersuissaaq.

Qinnuteqaatit tunniussinissamut piumasaqaatinik naammattumik naammassinniffiusutut naliliiffigineqarpat, aningaasanut inatsimmi kontomiit aningaasaliissutissaqartoqarpat tapiiffigineqassaatit.

Tunniussinissamut piumasaqaataapput:

  • Suliassap suussusia annertussusialu
  • Tunitsivimmi saniatigut sulisussatut naatsorsuutigineqartut amerlassusii
  • Qinnuteqartup misilittagai immikkullu piginnaasai
  • Tunisassiorfimmi suliat annertussusii
  • Nunaqarfimmi/illoqarfimmi pineqartumi suliffissaqartitsiniarnermi periarfissanik allanik peqarnersoq pillugu naliliineq.

Qinnuteqaatinnut tapiissuteqartoqassappat, suliassat isumaqatigiissummi allassimasut qinnuteqartumit akilerneqarnerannut uppernarsaammik nassiussininni tapiissutissat ingerlatseqatigiiffimmut akilerneqassapput.

 

Qinnuteqaatinnik nassiussinissanut ullut killissarititat tassaapput:

  • 28. februaari
  • 31. maaji
  • 31. aggusti
  • 31. oktobari

Qaammammi tullinnguuttumi qinnuteqaatit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmit suliarineqassaaq.

 

Tunisassiorfimmut tapiissutinik qinnuteqaammut nassiussannut atatillugu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup aalajangiinerata maalaarutiginissaanut pisinnaatitaaffeqarputit.

Maalaarummik nassiussissaguit maalaarutit mail pan@nanoq.gl aqqutigalugu nassiutissavat.

Maalaarutinni aalajangiineq pillugu maalaaruteqarninnut tunngavilersuut allassavat.

 

Uannga allanneqarpoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Postboks 161
3900 Nuuk

E-mail: pan@nanoq.gl
Oqarasuaat: (+299) 34 50 00
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.