Takornarialerinissamut immikkut akuersissuteqarnissamut qinnuteqarit

Takornarialerinermut suliffeqarfiuteqarnissamut immikkut akuersissuteqarnissamut qinnuteqarnissaq uani nittartakkami qinnutigineqarsinnaavoq.

Takornarialerinermut suliffeqarfiuteqarnissamut immikkut akuersissut takornarialerisup, piffissami aaliangersimasumi takornarissanut, inatsisinik unioqqutitsinani misigisassarsiortitsinissamik siunertalimmik neqerooruteqarnissaanik periarfissiisuuvoq.

Takornarialerisut Kalaallit Nunaanni misigisassanik takornarissanut neqerooruteqartut tamarmik, tulliuttunillu neqerooruteqartartut

• Unnuinertaqanngitsumik ulluinnarlugu angalanissamik aamma,
• Ullut arlerlugit angalanissamik

Inuussutissarsiornermut Aatsitassanullu Naalakkersuisoqarfimmit takornarialerinissamut licenseqassapput.

Qinnuteqarfissap quppernermi uaniittup immersorneratigut, takornarialerinissamut licensimik qinnuteqarneq pissaaq.

Takornarialerisup niuernermik tunngavilimmik takornarissanut misigisassanik unioqqutitsinngitsumik neqerooruteqarsinnaaneranut, takornarialerinissamut licensi uppernarsaataavoq.

Akuersissuteqarnissamut piumasaqaatit naammassineqanngippata, immikkut akuersissummik qinnuteqarnissaq periarfissaavoq.

Immikkut akuersissutit immikkuullarissuni kisimi iliuuserineqartarpoq, tassani pinngitsaaliissummik taarsiissutitalimmik pigisanik piginnikkunnaarsitsineq pineqarmat, piffissamilu aaliangersimasumi ukiuni marlunni sivisussuseqartarluni.

Takornarialerisutut suliffeqarfiutillit, kisimiittutut imaluunniit suliffeqarfiutitut piginneqatigiinnit ingerlanneqartoq, qinnuteqarsinnaapput, tassani suliffeqarfiup takornarialerinermut akuersissummi piumasaqaatit naammassisinnaanngippagit.

Piumasaqaatit ataani allanneqartut immikkut akuerineqarsinnaapput:

• Inuk Kalaallit Nunaanni inuit allattorsimaffianni nalunaarsoqqallunilu najugaqartoq, aamma tamakkiisumik akileraaruteqartartoq
• Suliffeqarfik kalaallit Nunaanniittoq
• Suliffeqarfimmik piginnittut taasisinnaatitaasullu minnerpaamik 2/3-ii toqqaannartumik imaluunniit toqqaannanngitsumik Kalaallit Nunaanni inuit allattorsimaffiani nalunaarsoqqanissamut piumasaqaatinut naammassinnissimassapput, kiisalu tamakkiisumik akileraaruteqartartuullutik
• Isumannaallisaanermut pilersaarutit
• Inuussutissarsiuteqarnermut qularnaveeqqut

Malugiuk:

• Suliffeqarfik ukiumut kaaviaartitai 50.000 koruunit ataappagit, takornarialerisutut akuersissuteqarnissaq piumasaqaataanngilaq.
• Takornarialerisutut angallassisoqarani, angallassineq, aamma Kalaallit Nunaanni, takornarialerisutut akuersissuteqarnissamut piumasaqaateqanngilaq.

Takornarialerinissamut licensimik qinnuteqarneq, tunineqarnerluunniit akeqanngilaq.

Akuersissuteqarnissamut piumasaqaatit naammassineqanngippata, immikkut akuersissummik qinnuteqarnissaq periarfissaavoq.

Takornarialerisutut suliffeqarfimmut immikkut akuersissummik qinnuteqarusukkuit, imminnut sullinnerup ataani ”takornarialerinissamut licensimik qinnuteqarit” nittartakkap qulaaniittoq tuugassaq toorlugu qinnuteqarsinnaavutit.

Qinnuteqarnermi ilanngussassat ataani allaqqasut kakkiunneqassapput (uploaderneqassapput):

• Isumannaallisaanermut pilersaarutit
• Inuussutissarsiuteqarnermut qularnaveeqqummut uppernarsaat

Qinnuteqaammut ilanngussami qinnuteqartoq ilaatigut ataani allaqqasunik nassuiaateqarlunilu uppernarsaassaaq:

• Suut aamma sumiinnersut takornarialerisutut neqeroorutigineqartut nassuiaatigalugit
• Ukiup qanoq ilinerani, piffissat (ulloq) aamma ukiup qanoq ilinerani misigisassat suut neqeroorutigineqarnersut
• Tikeraartussat suminngaanneerfii ilanngullugit amerlassusai katillugit (ukioq kingulleq ilanngullugu)
• Kalaallit Nunaanni kaaviaartitat piviusunngortinneqarsimasunut uppernarsaat (ukioq kingulleq ilanngullugu), suliffeqarfik kiffartuussutinik/nioqqutinik pisiffigisimasap takussutissartaanik tunniussineq
• Kalaallit suliffeqarlutik qinnuteqartumit akissarsiaqartinneqarsimasut atorneqartut aamma amerlassusaat, inummut akileraaruteqartumut akiliinerit katillugit ilanngunneqassapput
• Akileraarutit, akitsuutit, akissarsianit akileraarutit allat, il.il. tunniunneqassapput
• Sammisassat inuiaqatigiinnut iluaqutaasussaat suut naammassineqarnikuuppat (assersuutigalugu ilinniagaqarneq, piginnaasanik siuarsaaneq, inuttassanik/pigisanik angallassineq, il.il.)
• Ukiunut tulliuttunut pilersaarutit tunniunneqassapput
• Takornariartunut kiffartuussinermut ingerlatsinissamut inatsit naapertorlugu suut suliarineqarsimappat (DMO’nik (Destination Management Organisation), kommuninik, inuiaqatigiinni innuttaasunik, suleqatigisinnaasanik, il.il. oqaloqateqartoqarpa?)
• Pilersaarut piffissat ilanngullugit, qanoq qaqugulu, immikkut akuersissuteqarnissaq pisariaqartinneqarunnaassasoq pillugu nassuiaat

Qinnuteqartoq iliuusissat piumasaqaatinut naammassinnissinnaannginneri pillugit nassuiaateqarlunilu uppernarsaateqassaaq.

Malugiuk: MitID atorlugu iseruit, digitalimik qinnuteqaatit nassiussinnaavat.

MitID piginngikkukku qinnuteqaammut immersugassaq immersoriarlugu uani nittartakkami nassiunneqarsinnaavoq – onlinikkut imaluunniit downloaderiarlugu immersorlugu, kingornalu qinnuteqaat immersornikoq uppernarsaatit allat ilanngullugit isiin@nanoq.gl-imut nassiunneqassapput.

Naalakkersuisoqarfiup qinnuteqaatit tiguguniuk, Inuussutissarnermut immikkkoortoqarfimmi suliaq suliarineqassaaq.

Piffissat ilaanni Naalakkersuisoqarfik sivisunerusumik suliamik suliarinnissinnaavoq, taamaattumik siusissukkut qinnuteqarnissaq innersuussutigineqarluni.

Qinnuteqarnissamut immersugassami maili ilisimatitsiissutigineqartoq akissuteqarnermi aamma immikkut akuersissuteqarnermi atorneqartarpoq.

Suliffeqarfimmi allannguuteqarpat, tamanna Naalakkersuisoqarfimmut piaarnerpaamik ilisimatitsissutigineqassaaq.

Allannguutit nalunaarutigineqartussat tassaapput:

• CVR allanngorpat
• Piginnittuunermut tunngasut allanngorpata
• Sullissinerit allanngorpata
• Isumannaallisaanermi pilersaarutit allanngorpata
• Sillimmasiissutit allanngorpata
• Aningaasanut tunngasut annertuumik allanngorpara

Taakkunani ataaseq, arlallilluunniit allanngorpata Naalakkersuisoqarfik ilisimatissallugu pisussaaffigaat.

Ukioq kaajallallugu qinnuteqartoqarsinnaavoq.

Qinnuteqarnermut atatillugu Naalakkersuisoqarfiup aalajangiussaa maalaarutigineqarnissamut periarfissaqanngilaq.

Pissutsit pillugit aalajangiussaq inatsisartut inatsisaat naapertorlugu aalajangiunneqarsimasoq, illua-tungiliuttumut nalunaarutigineqarneraniit, qaammatit arfinillit qaangiutsinnagit eqqartuussivimmut suliassanngortinneqarsinnaavoq.