Kalaallit Nunaanni Uumasunut Nakorsaqarfik Inuussutissalerinermullu Oqartussaaffik

Kalaallit Nunaanni Uumasunut Nakorsaqarnermut Inuussutissalerinermullu Oqartussaaffik (UNIO) tassaapput Namminersorlutik Oqartussat ataanni nunami nerisassat isumannaatsuunissaannut, uumasunut nakorsaqarnikkut upalungaarsimanissamut aamma uumasut atugarissaarnissaannut pingaarnertut akisussaasut.

Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfik Namminersorluni Oqartussat aamma Danmarkimi Nerisassanut, Nunalerinermut Aalisarnermullu ministeriaqarfiup akornanni avinneqarsimavoq.
Danmarkimi Fødevarestyrelsen qullersatut oqartussaasuuvoq, suliffeqarfinnik neqilerisunut aalisakkerisunullu akuersissuteqartarneq nakkutilliinerlu eqqarsaatigalugit, tassungalu ilanngullugit nunanut allanut niuernissaq siunertaralugu akuerineqarsimasut umiarsuit suliffissuaatigisut.

Uumasut nakorsaqarnerup inuussutissalerinermullu tungaasigut Namminersorlutik Oqartussat aamma Fødevarestyrelsenip akisussaaffinnik avitsisimaneranut tunngasut uani atuarsinnaavatit:
Fødevarestyrelsen i Grønland

Inuussutissanut tunngasut:

• Inuussutissanik tunisassiorfiit aammalu pingaarnertut tunisassiortartut: Nunatsinni namminermi tunineqartussanik inuussutissanik tunisassiornissamut akuersissuteqartarneq, ilitsersuisarneq nakkutilliisarnerlu. Suliffeqarfeqarfimmik inuussutissaleriffiusumik aallartitsissaguit ingerlataqalissaguilluunniit UNIO attavigiuk.
• Inuussutissanik isumannaatsuutitsinissaq: Inuussutissat utertinneqartussat pillugit upalungaarsimaneq innuttaasunillu paasisitsiniaasarnerit. Nappaatinik inuussutissatigoortunik atugaasoqalersillugu tunillaassuunnerup aallaavianik paasiniaaneq.
• Neqinik misissuineq: Neqinik nakkutilliineq – neqinik tamanik nunatsinni tuniniaavinnut naatsorsuunneqartunik toqoraavinni neqinik nakkutilliineq. Kalaalimineerniarfinni tuniniarneqartunik neqinik nakkutilliisoqartanngilaq.
• Inuussutissanik killeqarfinni nakkutilliisarneq Angallatinik nunanik allaneersunik aalisakkanik aalisakkanillu tunisassianik EU-mut eqqussiniarlutik kissaateqartunik killeqarfimmi nakkutilliineq.
  

Uumasut nakorsaqarnermut tunngasut:

• Uumasut atugarissaarnissaat: Nakkutilliineq ilitsersuinerlu. Tamanna uumasunut tamanut atuuppoq, pingaartumik qimmeqarfiusuni qimminik qimuttunik aamma uumasuutinik taamatullu Kalaallit Nunaanni tamarmi uumasunik illumiutanik nakkutilliinermi.
• Uumasunik illersuineq: Uumasunik pisariaqanngitsumik naalliutsitaasunik imaluunniit paarineqanngitsunik illersorneqarsinnaasumik pineqanngitsunik, taava UNIO-mut nalunaarutiginnissinnaavutit.
• Passussinikkut nakorsaasersuinikkulluunniit ikiuunneq qimmit qimuttut, savat qimmii nunalerinermilu uumasutit eqqarsaatigalugit.

Malugissavat uumasuutigisat UNIO-mit uumasut nakorsaannit suliarineqarnissaat neqeroorutigineqarsinnaanngimmat.

• Uumasunik napparsimanaveersaartitsineq: Kommunini kapuuisartut perlorernermik, parvovirusinik qimmillu nappaataanillu akiuissutissanik atuinissamut ilinniartinneqarneri ilitsersorneqartarneri ilanngullugit.
• Nappaatinut tunngatillugu uumasut nakorsaqarnikkut upalungaarsimaneq: Uumasuutit nappaataannik nalunaarutigineqartussaasunik nakkutilliineq nunanilu tamalaani oqartussanut assigiinngitsunut nalunaarusiortarneq.
• Uumasut nappaataat: Uumasut nappaataannik inunnut tunillaassorsinnaasunik (nappaatit uumasuniit inunnut tunillaassinnaasut) soorlu perlerornermik nakkutiginninneq, nalunaarutiginnittarneq akiuiniarnerlu.
  Perlerornermik pasitsaassaqarluni nalunaarutiginnittarnermut tunngasut uani atuakkit

Innuttaasunik sullissineq:

• Inuussutissanik nunanut allanut annissisarneq: Inuussutissanik nunanut allanut annissisarneq – Danmarkimi kalaallit napparsimasut angerlarsimaffiinut inuussutissanik annissisarneq pillugu Fødevarestyrelsen suleqatigalugu paasisitsiniaaneq.
• Uumasut nakorsaqarnermut inuussutissalerinermullu tunngasunik paasisitsiniaasarneq: Tassunga ilaatigut ilanngullugit uumasunik nassataqarluni nunanut allanut nunatsinnullu angalasinnaaneq inuussutissanillu annissuisarnermut tunngasut.