airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Aningaasalersuinissamut periarfissat

Suliffeqarfik pilersinneqassatillugu apeqqut pingaartoq tassaasarpoq aningaasalersuinissamut periarfissat suunersut.

Apeqqutip taassuma akinissaanut apeqqutaavoq suliffeqarfik qanoq ittoq imaluunniit aningaasaleeriaaseq qanoq ittoq eqqarsaatigineritit. Taamaattumik siunnersorneqarluarnerussaatit najukkanni Inuussutissarsiornermik Allaffeqarfik attavigigukku, tassani sulisut aningaasaliinissamut periarfissat pitsaanerpaamik takutissinnaassammassuk.


Aningaaserivik
Niuernermik aallartitsinissamik isumataat imminut napatissinnaappat namminerlu aningaasaateqaruit, suliffeqarfivit aallartinnissaanut aningaaserivinnit taarsigassarsisinnaavutit akiligassarsisinnaallutillu.


Realkreditinstitut
Realkreditinstitut-it taarsigassarsisitsisinnaapput illuutinik, maskiinanik sanaassanillu nutaanik pisinermut. Institut-illi aningaasaliiffiginerusarpaat suliffeqarfiit pioreersut qaffakkiartortuartut ineriartoqqinnissamullu periarfissaqarluartut.


Najukkanni Inuussutissarsiornermik Allaffeqarfik aqqutigalugu aningaasalersuinissamut periarfissat

  • Aallartitsisunut aningaasalersueriaatsit
  • Nioqqutissat ineriartortinnerannut aningaasaliissutitigut tapiissutit
  • Inuussutissarsiummik ingerlatsinermut kittaartagaq
  • Avammut niuernissamut nutaanngorsaanissamullu kittaartagaq


Allaaserisani attuumassutilinni aningaasaliiffiusinnaasut allat allaaserineqarput. Erseqqissarneqassaaq allaaserisani attuumassutilinni allaaserisat tamakkiisuunngimmata. Taamaattumik isumassarsiatsialaassaaq aningaasaliisinnaasut allat suuneri annertunerusumik paasisaqarusukkaanni najukkanni Inuussutissarsiornermik Allaffeqarfimmut saaffiginnikkuit.

Allaaserisat attuumassutillit