airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nunat avannarliit Atlantikumi suleqatigiiffiat (NORA)

Nunat avannarliit Atlantikumi suleqatigiiffiata (NORA) pingaarnertut anguniagaraa Savalimmiuni, Kalaallit Nunaanni, Island-imi kiisalu Norge-p kippasissuani avannarpasissuanilu sumiiffinni inuussutissarsiornikkut ineriartortitsinissaq. Suleqatigiinnermi allaffik pingaarneq Savalimmiuniippoq, nunallu sinnerini allaffeqartiterluni.


Tapiisarnermut tunngaviit
Nordisk Ministerråd-imiit aamma politikkimik pingaarnerusumik aalajangiisartumiit tapiissutit aqunneqarput. Ilisimatitsissutitut oqaatigineqassaaq NORA tapiisarnermut makkuninnga tunngaveqarmat:

  • NORA-p nalinginnaasumik suliniutinut aningaasartuutit tamarmiusut 50%-ii aningaasalersorpai
  • Suliniummut ataatsimut aningaasaliissutit nalinginnaasumik ukiumut 50.000 kr.-it 500.000 kr.-illu akornanniittarput
  • Suleqatigiit toqqarneqartarput NORA-lu alaatsinaattussamik toqqaasinnaavoq
  • Angusaajunnartut tamanit takuneqarsinnaapput


Qinnuteqarneq
NORA-p qinnuteqaatit ataavartumik suliarai ukiumullu ataasiarluni qinnuteqartitsisarluni. NORA-p qinnuteqaatinik suliaqarnera tamanut ammavoq.

NORA-mit tapiissutinik qinnuteqarniaruit qinnuteqaasiussaatit. Qinnuteqaat imaqassaaq:

  • Suliniutip tamakkiisumik allaaserinissaa
  • Suliffeqarfiit peqataasulluunniit allat nalunaarnissaat
  • Suliniummut anguniakkat angusarissangasallu (siunissaqassuseq)
  • Anguniakkap angunissaanut periusissaq (siunissamut pilersaarut)
  • Aningaasatigut missingersuut aningaasaliinissamullu pilersaarut


Paasissutissat amerlanerusut
NORA pillugu sukumiinerusumik nittartagaanni www.nora.fo -mi atuarsinnaavat.

Allaaserisat attuumassutillit