airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nutaarsiassaanerata misissornera
Nioqqutissiaq nioqqutissialluunniit ilisarnaataa allat pisinnaatitaaffigeriigaat soorlu kisimi pigisarisatut, atugassatut nioqqutissalluunniit ilisarnaataatut illersugaalluni, nioqqutissiarigukku pilerisaarutigalugulu allat pisinnaatitaaffi ajoqusissavatit. Tamanna akisullunilu ajornakusoorsinnaavoq. Nioqqutissiaq niuerfimmiit peertariaqalersinnaavat imaluunniit ilinnut atorsinnaatitaanngisannik ilisarnaatillit tamaasa igittariaqassavatit.

Kisimi piginnittussaasumut atugassatulluunniit ilusiliinerup illersugaanerannut aporaatinnginnissaq qulakkeersinnaavat nioqqutissiap ineriartorteqqinnginnerani nutaarsiassaanera misissortikkukku. Pitsaaqutaavortaaq siusinnerusukkut ineriartorsimanerit ingerlateqqissinnaasatit ilisimalissagakkit.

Nutaarsiassaaneranik misissuineq kisimi piginnittuunerup allaaserineqarneranik aaqqissuulluakkamik misissuineruvoq, nassaarisap ineriartortinniarneqarnerataluunniit allaaserinera tunngavigalugu.

Illit nammineq internet-imi paasissutissat ujarlerfigisinnaavatit. Kisianni aamma Patent- og Varemærkestyrelsen patentbureau-illuunniit allat nutaarsiassanik misissuitissinnaavatit.

Patent- og Varemærkestyrelsen-ip nioqqutissat ilisarnaataat misissorsinnaavai malunnarsisillugu isikkoq, ilisarnaat oqaaserluunniit ilisarnaat ilisarnaataareersunut aporaannersoq.


Malugiuk
Nassaat tamarmik kisimi piginnittutut nalunaarsugaasanngillat, taamaammallu aamma paasiniaaffissat allat ujartariaqarpatit soorlu paasissutissiiviit suliamut tunngarpiartut nioqqutissanullu katalog-it.

Nioqqutissat ilisarnaatai tamarmik nalunaarsugaanngimmata, kisiannili illersugaasinnaallutik, atorneqarluareeramik, misissuigaluaruilluunniit nioqqutissap ilisarnaataanut atoreersumut tunuaannartariaqarsinnaavutit.
Allaaserisat attuumassutillit