airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Oqaluffimmi katinneq kommunip allaffiani katinnerup assigisaatut inatsisitigut atuuttarpoq. Oqaluffimmi katinneq naalagiarnertut ingerlanneqartarpoq, qaniuinermik, tussiarnermik, biibilimiit atuffassinernik, katitsitsinermik kiisalu pilluaqqusinermik ilaqutaqarluni. Oqaluffimmi katinneq kristumiusut upperisaqarnermut taamaalilluni aamma tunngavoq.

Katinneq najukkassinni oqaluffimmi palasissinnit ingerlanneqartarpoq. Katinneq ikinnerpaamik inunnik marlunnit uppernarsarneqassaaq, taakku katinnermut uppernarsaat atsiussavaat.

1. april 2016 aallarnerfigalugu anguteqatigiit arnaqatigiillu oqaluffimmi katinnissaat akuerisaalerpoq.
Piumasaqaatit
Oqaluffimmi katitinneqarsinnaajumagaanni:
  • Minnerpaamik ilissi arlarsi ilagiinni ilaasortaasariaqarpoq
  • 18-it inorlugit ukioqassanngilasi
  • Ilissi arlarsi marluullusiluunniit siusinnerusukkut katissimagussi, eqqartuussivimmit avinnermut uppernarsaammik pissarsissaasi
Katinneq sioqqullugu
Katitinneqarsinnaanissarsi sioqqullugu katinnermut uppernarsaat immersussavarsi, ullulerlugu atsiorlugulu.

Katinnermut uppernarsaat aajuk

Palaseqarfimmi katiffigisassassinniunngitsoq najugaqarussi, najukkassinni innuttaasunut sullissivimmut imaluunniit nunaqarfimmi allaffimmut katinnermi uppernarsaatip immersukkap nuutinnera tunniutissavarsi, matuma kingorna misilitsinnermut uppernarsaammik taakku sanaatissavaasi. Misilitsinnermut uppernarsaatip uppernarsassavaa, katinnissamut piumasaqaatit malikkisi atsiorneqarneratalu ulluanit qaammatit sisamat atuussinnaassuseqarpoq.

Katinnermut uppernarsaatip pinissaa sapaatit-akunnerinik sisamanik sioqqullugu, palaseqarfimmut katiffissassinni oqaluffiup allaffianut katinnissap ullussaa isumaqatigiissutiginiarlugu saaffiginnissaasi. Katinnissassinnik kissaateqarnissaq sioqqullugu piffissaalluarallartillugu saaffiginnittariaqarpusi.

Oqaluffiup allaffianut saaffiginnikkussi makku nassassavasi:
  • Ilissi kuisinnermut allagartassi imaluunniit ateqarnissinnut uppernarsaatissi assilineri
  • Ilissi arlassi avissimagussi, avinnermut uppernarsaatip assilinera
  • Katinnermut uppernarsaat. Uppernarsaatip sapaatit-akunneri sisamat sipporsimassanngilai
  • Misilitsinnermut uppernarsaat, palaseqarfimmi allami katinniarussi
Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk

Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl