airplanebooksbriefcase business cogs cross election entertainment fish house law lockmedicalpeopleselfservices socialtax

Utoqqalinersiat saniatigut isertitaqarneq

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Utoqqalinersiaqarnermi saniatigut sulinikkut isertitaqartoqarsinnaavoq. Taamaattoq utoqqalinersiat ikilisinneqartinnagit imaluunniit tamakkiisumik peerneqartinnagit, ukiumut isertitarisinnaasatut killissarititaasut aalajangersagaqarput.

Utoqqalinersiat ikilisinneqartarput killissarititaasut aalajangersakkat isertitanit qaangerneqaraangata, killissarititaasullu tassaapput:
• Utoqqalinersialik kisermaaq ukiumut 56.000 koruuninik isertitaqaruni utoqqalinersianut tapit ikilisinneqassapput
• Aappariit ukiumut katillugit 83.000 koruuninik isertitaqarunik utoqqalinersianut tapit ikilisinneqassapput
• Utoqqalinersialik ukiumut nammineq 224.699 koruuninik isertitaqaruni tunngaviusumik tunniunneqartartut ikilisinneqassapput

Utoqqalinersiat tamarmik peerneqartarput imaattoqassappat:
• Utoqqalinersialik ukiumut 224.699 koruuninik isertitaqartillugu kisermaanut utoqqalinersiamut tapit atorunnaassapput
• Aappariit ukiumut katillugit 223.659 koruuninik isertitaqartillugit aappariinnut utoqqalinersiamut tapit atorunnaassapput
• Utoqqalinersialik ukiumut nammineq 347.101 koruuninik isertitaqaruni tunngaviusumik tunniunneqartartut atorunnaassapput

Utoqqalinersiallip nammineq isertitaanit tunngaviusumik utoqqalinersiat taamaallaat ilanngarneqassapput, akerlianillu utoqqalinersiallit tapii ikilisinneqartarlutik aammalu aappaasup katillugit isertitai ilanngarneqaratarsinnaallutik.
Allaaserisat attuumassutillit