airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Qitornavissiartaarnermi meeraq nammineq meerarisatut inatsisitigut tiguneqartarpoq.

Tamanna ilaatigut imatut isumaqartarpoq:
  • Meeraq kingornussisussanngortarpoq qitornavissiartaartunillu kingornunneqartarluni tunngaviatigullu angajoqqaajusut kingornussisussaajunnaarlutik
  • Angajoqqaajusut meeqqap pilersornissaa pisussaaffigiunnaartarpaat. Akerlianilli qitornavissiartaartut meeqqap pilersornissaa pisussaaffigilertarlugu
  • Qitornavissiartaartut meeqqamut angajoqqaatut oqartussaassuseqalersarput
  • Qitornavissiartaartut kinguliaqutaat kinguliaqutigilissallugu meeraq pisinnaatitaaffeqalersarpoq
Qitornavissiartaarnermi periutsit
Qitornavissiartaarnermi periutsit assigiinngitsut pingasuupput:
  • Qitornassamik qitornavissiartaarnermi qinnuteqaateqartup massakkut siusinnerusukkulluunniit aapparisami (imaluunniit nalunaarsukkatut aapparisami) qitornaa qitornavissiaaluunniit qitornavissiartaarisarpaa
  • Ilaquttamik qitornavissiartaarnermi qinnuteqaateqartoq meerarlu ilaqutariittut attuumassuteqavissuusarput. Pisarnertut qinnuteqaateqartup meeraq ernutarissavaa, qatanngutigalugu imaluunniit soraluaralugu (nukappiara/niviarsiararluunniit). Aamma tunngaviatigut ilaquttamik qitornavissiartaartoqartarpoq meerarsiaq ukiuni pingasuni paarisimasaq qitornavissiartaariumallugu qinnuteqaateqartoqarpat
  • Ilisarisimanngisamik qitornavissiartaarnermi meeraq qinnuteqaateqartorlu ilaqutariittut attuumassuteqavissuussanngillat

Aamma inersimasut qitornavissiartaarineqarsinnaapput.

Qinnuteqaateqannginnermi qitornavissiartaarnissamut periuseq sorleq piumanerlugu misissoqqissaarnissaa pingaaruteqarpoq.

Qitornavissiartaarnissamut periutsit assigiinngitsut Naalagaaffiup Sinniisoqarfiata nittartagaani atuarneqarsinnaapput
Piumasaqaatit
Qitornavissiartaarnissamut akuerineqassagaanni piumasaqaatit arlariiupput.

Piumasaqaatit Naalakaaffiup Sinniisoqarfiata nittartagaani takukkit
Qinnuteqarneq
Qitornavissiartaarnissamik qinnuteqassaguit qinnuteqaatitut immersuiffissaq immersussavat. Qitornavissiartaarnissamut periuseq sorleq pineqarnersoq apeqqutaatillugu qinnuteqaatitut immersuiffissaqarpoq.

Naalagaaffiup Sinniisoqarfiata nittartagaani qinnuteqarnissamut immersuiffissat aaneqarsinnaapput

Aamma immersuiffissat Kalaallit Nunaanni Naalagaaffiup Sinniisoqarfianut aaneqarsinnaapput imaluunniit Nuummiinngikkaanni politiinut aaneqarsinnaallutik.

Uppernarsaatit pisariallit tamaasa qinnuteqaammut ilanngunneqassapput. Uppernarsaatit sorliit ilanngunneqassanersut immersuiffissami allassimapput. Uppernarsaatit eqqortut tamaasa ilanngussimanngikkukkit suliaq ilinnut tunngasoq Naalagaaffiup Sinniisoqarfiata suliarisinnaanngilaa.

Qinnuteqaat uppernarsaatillu pisariallit Kalaallit Nunaanni Naalagaaffiup Sinniisoqarfianut imaluunniit Nuummiinngikkuit politiinut nassiutissavatit tunniukkiartorlugilluunniit.
Ingerlatseriaaseq
Qitornavissiartaarnissamik suliap ilinnut tunngasup suliarineqarnera sivisoorujussuusinnaanera malugeqquarput. Pingaartumik ataatassarsiuinermi apeqqutip paasineqarnissaa kommuniniillu paasissutissanik pissarsiniarneq suliamik suliarinninnermut sivitsorsaataasinnaavoq.

Qitornavissiartaarnissamut periutsip qanoq ittuunera apeqqutaalluni, Kalaallit Nunaanni Naalagaaffiup Sinniisoqarfianit suliaq ilinnut tunngasoq suliarissavaa.

Naalagaaffiup Sinniisoqarfiata sulianik suliarinnittarnera pillugu Naalagaaffiup Sinniisoqarfiata nittartagaani annertunerusumik paasisaqarsinnaavutit

Qinnuteqaatit akuersissutigineqassappat qitornavissiartaarneq pillugu akuersissummik tunineqassaatit tamatumalu kingorna qitornavissiartaarisaq illit qitornavigisattut inatsisitigut inissisimalissaaq. Qitornavissiartaartussatut akuersissutigineqarnissannik qinnuteqarsimaguit, qitornavissiartaarnissamut suliap suliarineqarnissaa sioqqullugu, qitornavissiartaarsinnaasutut akuerineqaqqaarsimassaatit.
Naammagittaalliuteqarneq
Piumasaqaatit naammassineqarsimanngitsutut sulianik suliarinnittartup nalilissappagit itigartitaassaatit.

Itigartitsineq pillugu naammagittaalliuut Ankestyrelsenimi Ilaqutareeqarnermut Immikkoortortaqarfimmut naammagittaalliutigineqarsinnaavoq. Itigartitsissutit ilaat Qitornavissiartaarnermik Aalajangiisartunut naammagittaalliutigisinnaavatit. Itigartitsineq pillugu sumut naammagittaalliuteqarsinnaanerit allakkani itigartitsissutini allassimasussaavoq.
Allaaserisat attuumassutillit
Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk

Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl