airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Erninermi ullormusianik qinnuteqarit
Erninermi ullormusiat aningaasaqarnikkut ikiorsiissutaapput, angajoqqaat erninermut atatillugu sulinngiffeqarnerminnut pissarsiarisinnaasaat. Angajoqqaanngortussaaguit pisortaniillu piffissami siusinnerusukkut ikiorsiiffigineqarnak, erninermi ullormusiaqarneq pillugu malittarisassanut ilaavutit.

Piumasaqaatit
Erninermi ullormusianik pisartagaqarsinnaavutit
  • Kalaallit Nunaanni najugaqartutut inuit allattorsimaffianni nalunaarsorsimaguit
  • sapaatit akunneri kingulliit 13-it ingerlaneranni minnerpaamik akunneq ataaseq sulisimaguit
  • sulinngiffeqarnerup nalaani sulisitsisunnit akissarsiaqanngikkuit

Namminersortuuguit, ilinniartuullutit naartunerilluunniit pissutigalugu napparsimasutut nalunaaqqaguit, maleruagassat immikkut ittut atuutissapput (allaaserisaq attuumassutilik takuuk)

Ima qinnuteqassaatit
Erninermi ullormusianik pisartagaqalernissaq qinnuteqaatiginiarukku, najukkanni innuttaasunut sullissivimmut imaluunniit nunaqarfimmi allaffimmut saaffiginnissaatit. Pappiaqqat uppernarsaatit assigiinngitsut nassassagakkit eqqaamagiuk.

Arnat – anaanaasut nassiutissavaat nassarlugilluunniit
  • qinnuteqaatitut immersugassaq immersugaq
  • ernisussiortumit naartunermut uppernarsaat
  • sapaatit akunnerini 13-ini kingullerni akissarsiavit allagartaat
  • akileraartarnermut allagartat
  • konto-it normua
  • sulinngiffeqarnerup nalaani sulisitsisunnit akissarsiaqartitaannginnissamut uppernarsaat

Angutit – ataataasut nassiutissavaat nassarlugilluunniit:
  • qinnuteqaatitut immersugassaq immersugaq
  • sapaatit akunnerini 13-ini kingullerni akissarsiavit allagartaat
  • akileraartarnermut allagartat
  • konto-it normua
  • ataatassarsiuussinermut immersugassaq politiineersoq immersugaq, meeqqap anaanaanut katissimanngikkuit
  • sulinngiffeqarnerup nalaani sulisitsisunnit akissarsiaqartitaannginnissamut uppernarsaat

Meeqqamut inatsisigoortumik ataataguit, erninermi ullormiusianik pisartagaqarnissamik qinnuteqarsinnaavutit – naak meeraq aamma ilinni najugaqanngikkaluartoq. Taamaattoq sapaatit akunnerini pingasuni pisartagaqarnissamut pisinnaatitaaffeqarputit.

Ulloq qinnuteqarnissamut killigititaq
Suliunnaarnerup kingorna qaammatit tallimat qaangiutsinnagit qinnuteqassagavit eqqaamassavat. Ernivissatullu naatsorsuutigineqartoq minnerpaamik sapaatit akunnerinik 13-inik sioqqullugu sulisitsusut aamma nalunaarfigissagakku eqqaamagiuk.

Angajoqqaarsiassanut angajoqqaavissiartaassanullu
Angajoqqaarsiat angajoqqaaviusutuulli pisinnaatitaaffeqarput. Taamaattoq ernivissatut naatsorsuutigineqartoq sioqqullugu sapaatit akunnerini marlunni sulinngiffeqarnissaq ilanngunnagu. Matumani angajoqqaarsianngortunut maleruagassat allat atuupput:
  • Meeraq Kalaallit Nunaanneersoq meeravissiartaarigukku, meeqqap tigunissaa sioqqullugu sapaatip akunnera ataaseq sulinngiffeqarnissamut pisinnaatitaaffeqarputit
  • Meeraq Kalaallit Nunaata avataaneersoq meeravissiartaarigukku, meeqqap tigunissaa sioqqullugu sapaatit akunnerini pingasuni sulinngiffeqarnissamut pisinnaatitaaffeqarputit

Sapaatip akunnerani ataatsimi aamma pingasuni sulinngiffeqarnissaq pillugu maleruagassat, meeraq ilisarisimareersimanngikkukku taamaallaat atuupput.

Angajoqqaarsiaagallartut erninermi ullormusianik pisartagaqarnissamik aamma qinnuteqarsinnaapput. Erninermi ullormusiat pisartagarilernissaat angajoqqaarsiaagallartutut qinnutiginiarukkit, kommunerisat attaveqarfigissavat.

Malugiuk
Pisortanit siornatigulli ikiorsiiffigineqartaruit, erninermi ullormusianik pisartagaqarsinnaanngilatit.

Qinnuteqaatinnut aalajangiineq allaganngugaq tunngavilersuummik ilaqartoq pissarsiarissallugu pisinnaatitaaffeqarputit.
Allaaserisat attuumassutillit