airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Atit immikkoortinneqartarput siuliaqutitut, akunnequtitut aamma kinguliaqutitut. Arlalinnik atinik siuliaquteqarsinnaavutit akunnequteqarlutillu, ataasiinnarmilli kinguliaquteqarsinnaallutit.

Kalaallit Nunaanni najugaqaruit atillu allanngortikkusullugu oqaluffiup allaffianut imaluunniit Naalagaaffiup Sinniisoqarfianut saaffiginnissinnaavutit. Sumut saaffiginninnissannut apeqqutaavoq atinni siuliaqutit, akunnequtit imaluunniit kinguliaqutit allanngortinniarnerit/tit.

Danmarkimi najugaqaruit qinnuteqaatit inunnut allattorsimaffiusumut (palasimut imaluunniit palasip ikiortaanut) najukkami palaseqarfimmut nassiutissavat. Qinnuteqaat nammineerluni digitaliusumik borger.dk aqqutigalugu suliarineqassaaq.

 

Siuliaqutit

Kalaallit Nunaanni ingunngorsimaguit
Siuliaqummik allannguiniaruit, peersiniaruit imaluunniit ilassuteqarniaruit najugarisanni oqaluffiup allaffianut saaffiginnissaatit.

Kalaallit Nunaanni inunngorsimanngikkuit
Siuliaqummik allannguiniaruit, peersiniaruit imaluunniit ilassuteqarniaruit Naalagaaffiup Sinniisoqarfianut saaffiginnissaatit.

 

Akunnequtit

Kalaallit Nunaanni ingunngorsimaguit
Akunneqummik peersiniaruit imaluunniit angajoqqaavit arlaata akunnequtaa kinguliaqutaaluunniit akunnequtigilerusukkukku, najugarisanni oqaluffiup allaffianut saaffiginnissaatit.

Allamik nutaamik akunnequtitaarusukkuit Naalagaaffiup Sinniisoqarfianut saaffiginnissaatit.

Kalaallit Nunaanni inunngorsimanngikkuit
Akunneqummik allannguiniaruit, peersiniaruit imaluunniit ilassuteqarniaruit Naalagaaffiup Sinniisoqarfianut saaffiginnissaatit.

 

Kinguliaqutit

Kalaallit Nunaanni ingunngorsimaguit
Angajoqqaavit angajoqqaarsiavilluunniit arlaata kinguliaqutaa, siornatigut pigereersimasat pigileqqikkusukkukku najugarisanni oqaluffiup allaffianut saaffiginnissaatit.

Kalaallit Nunaanni inunngorsimanngikkuit
Kinguliaqutit allanngortikkusukku Naalagaaffiup Sinniisoqarfianut saaffiginnissaatit.

 

Katinnermi atinik allannguineq

Kalaallit Nunaanni katissimagaanni
Katereernermi aapparisap kinguliaqutaa pigilerusukkaanni taamaalillunilu aappariittut assigiimmik kinguliaqutitaarluni, taava susassaqarfik katinnermik isumaginnittoq saaffigineqassaaq. Tamanna aamma atuuppoq, katereernermi aapparisap kinguliaqutaa pigilersimasaq peerusukkaanni siornatigullu kinguliaqutigisimasaq pigileqqikkusukkaanni.

Aapparisarlu kinguliaqutit tamaasa ataatsimut pigilerusukkaanni, taava kittoraaserlugit ataatsimoortillugit pigilerneqarsinnaapput. Tamanna kissaatigigaanni Naalagaaffiup Sinniisoqarfia saaffigineqassaaq.

Aapparisap akunnequtaa pigilerneqarsinnaanngilaq, akunnequtitut imaluunniit kinguliaqutitut - aammattaaq aapparisap kinguliaqutaa akunnequtitut pigilerneqarsinnaanngilaq.

Nunami allami katissimagaanni
Aapparisap kinguliaqutaa pigilerumagaanni, taamaalilluni assigiimmik kinguliaquteqalerluni, imaluunniit aappariittut kinguliat kittoraaserlugit tamaasa pigilerumagaanni, taava Naalagaaffiup Sinniisoqarfianut saaffiginnittoqassaaq.

 

Qinnuteqarneq

Atit allanngortinniarlugu najugarisanni oqaluffiup allaffianut saaffiginnikkuit inunngorsimanermut, kuisinnermut, atertaarnermulluunniit allagartaq uppernarsaatitut nassassavat, taava immersugassannik tunineqassaatit.

Naalagaaffiup Sinniisua aqqutigalugu atit allanngortinniarukku immersugassaq aalajangersimasoq immersussavat.

Atermik allannguinissamut immersuiffissaq