airplanebooksbriefcase business cogs cross election entertainment fish house law lockmedicalpeopleselfservices socialtax

Inuussutissarsiutigalugu piniarnermut allagartaq qinnutigiuk nutarterluguluunniit

Imminut sullinneq aallartiguk
Nalinginnaasumik paasissutissiineq
Kikkulluunniit piniarusuttut piniarnermut allagartaqartussaapput. Pisatit tamaasa imaluunniit pisavit ilaasa tuniniarneranit inuussuteqarniaruit, inuussutissarsiutigalugu piniarnermut allagartaqaqqaassaatit. Inuussutissarsiutigalugu piniarnermut allagartaqartillutit piniagassat pisassiissutitallit, assersuutigalugu umimmaat, tuttut, nannut arferillu piniarnissaannut piniarnissamut akuersissummik qinnuteqarsinnaatitaavutit. Allagartaq atorluguttaaq timmissanik tuniniaanissamut pisinnaatitaaffeqarputit, aamma uumasut ilaannut tunngatillugu inuussutissarsiutigalugu piniarnermut allagartat atorlugu piniarnermi piffissat sivitsortinneqarsinnaapput.

Illit kisivit inuussutissarsiutigalugu piniarnermut allagartat atorsinnaavat. Piniariartinnak inuussutissarsiutigalugu piniarnermut allagartat akileqqaassavat. Allagartap tigumminissaanut pisussaaffeqarputit, tassungalu ilanngullugu piniarnermut aalisarnermullu nakkutilliisup naalakkiutigippagu akiliisimanermut allagartaq imaluunniit uppernarsaat nassatarissallugu.

Allagartaqarnikkut pisavit nalunaarutigisarnissaanut pisussaaffeqarputit. Pisavit qanoq qaqugulu nalunaarutigisinnaanerlugit Ingerlatseriaaseq ataanni takusinnaavatit.

Piniariarfiit qaqugulu piniartoqassanersoq takuneqarsinnaapput uani www.nunagis.gl.

Aalisarnermut Piniarnermullu Naalakkersuisoqarfimmit (APNN) pisuussutit uumassusilinnut tunngatillugu piniarnermut atuinermullu malittarisassat aqunneqarput.
Piumasaqaatit
Inuussutissarsiutigalugu piniarnermut allagartamik pissarsiniaruit piumasaqaatit naammassisariaqakkatit makkuupput:
  • Qinnuteqarnerup nalaani aqqaneq-marlunnik (12) ukioqalereersimassaatit
  • Inuit allattorsimaffiatigut ukiuni kingullerni marlunni Kalaallit Nunaanni najugaqarsimassaatit
  • Ukiuni kingullerni marlunni Kalaallit Nunaanni akileraarnissamut pisussaaffeqarsimassaatit
  • Aallaaviatigut ilanngaatit ilanngaatiginagit isertitat katillugit ikinnerpaamik affai pisanit, piniarnermit imaluunniit aalisarnermiissapput. Pisut immikkut ittuni maleruagassamit tassannga immikkut akuerineqarnissamut qinnuteqarsinnaavutit, assersuutigalugu inuussutissarsiutigalugu piniarnermut allagartamik qinnuteqarninni aatsaat siullermeerlutit ukioq siullermut qinnuteqarsimaguit. Akiliuteqarluni piniarnermit isertitat pisanit, piniarnermit imaluunniit aalisarnermit isertitatut isigineqassapput. Ilisimatusarluni suliniutini atorfinitsitaanermit aamma takornariaqarnermit kiisalu qinikkatut sulinermit inuussutissarsiuteqarnermilu kattuffinni / peqatigiiffinni siulersuisuni sulinermit isertitat katillugit ilanngaatit ilanngaatigereernagit isertitannit naatsorsuinermi ilaatinneqassanngillat

Isumaginninnermi suliffeqarfiit isumaginninnermi perorsaanikkut sulinerminnut pisassatut piniagassatullu periutsip atornerani inuussutissarsiutigalugu piniarnermut allagartamittaaq qinnuteqarsinnaapput.

Piniarnermut allagartat annaaratarsinnaavat:
  • Piniarnermut inatsit ilisimaaralugu arlaleriarlutit unioqqutissimagukku
  • Piniarnermi akisussaassuseqanngitsumik sakkortuumik iliuuseqarsimaguit
  • Piniarnermi inummik ajoqusiisimaguit
Akigititat
Inuussutissarsiutigalugu piniarnermut allagartaq 250 koruuninik akeqarpoq. Inuussutissarsiutigalugu piniarnermut allagartat atuutilissaaq aatsaat girokorti akilerukku.

Piniarnermut allagartavit akilersimaneranut uppernarsaatitut akiliisimanermut allagartap inaalinnissaa eqqaamassavat. Allagartap nittartakkatigut aningaaserivimmut akilernissaa pitsaasuusarpoq, taamaalillutit tassanngaanniit allagartaq anisittuaannarsinnaagakku.

Allakkerisarfikkut allagartaq akilersimagukku, allagartarlu annaallugu, ataasiaqqillutit akileeqqittariaqassaatit, pissutigalugu allakkerisarfikkut sullinneqarneq aamma akileqqissagakku.
Qinnuteqarneq
Ukiup piniarfiusup kingullermit piniarfiusup siulianit pisavit nalunaarutigineratigut inuussutissarsiutigalugu piniarnermut allagartat nutarsarsinnaavat piniarfiusumullu tullianut inuussutissarsiornermut piniarnermut allagartat nutarsarlugu.

Inuussutissarsiutigalugu piniarnermut allagartaqanngikkuit imaluunniit allagartat piniarfiusumi kingullermut atuussimappat imaluunniit taassuma siulianut atuussimappat inuussutissarsiutigalugu piniarnermut allagartamik qinnuteqarsinnaavutit.

Taakku tamaasa sullissivik.gl-ikkut toqqaannartumik imminut sullinnikkut suliarineqarsinnaapput imaluunniit najukkanni innuttaasunut sullissivimmut imaluunniit nunaqarfimmi kommunip allaffianut saaffiginnissuteqarnikkut suliarineqarsinnaallutik.

Maluginiagassarivat ukiumut immersuiffik nassiutinngikkukku taamaalillunilu pisatit nalunaarutiginngitsoorlugit, piniarnermut allagartat nutarsarsinnaanngilat. Piniarnermut allagartat siuliani atuutilersimasoq akilersimanngikkukku, aamma tamatuma akilernissaa pisariaqarpoq.

NemID-mik peqaruit
Sullissivik.gl-ikkut toqqaannartumik imminut sullinnikkut piniaruit, NemID atortariaqarpat. NemID atorsinnaasat netbankimut atortakkavit assigissavaa.

Paasissutissat allat atuakkit NemID-millu inniminniillutit

Imminut sullinniaruit una tuussavat

Piumasaqaatinik immikkut ittumik nittartakkatigut qinnuteqarsinnaanngilatit. Immikkut ittumik akuerineqarnissamut qinnuteqaateqarniaruit, najugarisanni kommunimut saaffiginnissaatit.

NemID-mik peqanngikkuit
NemID-mik atuisuunngikkuit qinnuteqarnissamut immersuiffissaq immersussavat, najukkanni innuttaasunut sullissivimmit imaluunniit nunaqarfimmi kommunip allaffianit stempelerneqartussaq akuersissutigineqartussarlu. Paasissutissat ilinnut tunngasut kommunimit misissorneqareerpata, qinnuteqaat Aalisarnermut Piniarnermullu Naalakkersuisoqarfimmut ingerlateqqinneqassaaq.

Inuussutissarsiutigalugu piniarnermut allagartamut qinnuteqarnissamut immersuiffissaq

Aamma immersuiffissaq najukkanni innuttaasunut sullissivimmi imaluunniit nunaqarfimmi kommunip allaffiani pissarsiarisinnaavat.
Ingerlatseriaaseq
Qinnuteqaatit Aalisarnermut Piniarnermullu Naalakkersuisoqarfimmut nassiunneqannginnerini, paasissutissat ilinnut tunngasut eqqortuunersut kommunimit misissorneqaqqaassapput qinnuteqaallu najukkami piniarnermut aalisarnermullu peqatigiiffimmut tusarniaassutigalugu.

Inuussutissarsiutigalugu piniarnermut allagartamik pissarsinissamut piumasaqaatit naammassisimagukkit, girokorti aamma paasissutissatut quppersagaq “Piniarneq” ilinnut nassiunneqassapput. Quppersakkamiipput qaqugu piniarnerit pissanersut aammalu Namminersorlutik Oqartussanit paasissutissat, aammalu pisat nalunaarutiginissaannut ukiumut immersuiffissaq. Ukiumi pineqartumi 15. oktober sioqqullugu pisavit nalunaarutiginissaannut pisussaaffeqarputit.

Tassa imaappoq, ukioq kingulleq 1. oktober ukioq mannalu 30. september akornanni pisarisimasatit, ukioq manna 1. oktober kingusinnerpaamillu 15. oktober nalunaarutigereersimassallugit.

Periutsit marluupput:
  • NemID-mik atuisunut: Toqqaannartumik sullissivik.gl-ikkut
  • NemID-mik atuisuunngitsunut: Ukiumut immersugassap immersorsimasap Aalisarnermut Piniarnermullu Naalakkersuisoqarfimmi Pisanut Piniarnermullu Immikkoortortamut nassiunneqassaaq

Pisatit nalunaarutigisinnaavatittaaq ukiumut immersorsimasavit nassiunnerisigut uunga:
Fax: (+299) 34 53 40
E-mail: jagtbeviser@nanoq.gl
Inuussutissarsiutigalugu piniarnermut allagartap sunngiffimmi piniarnermut allagartamut allanngortinnissaa
Inuussutissarsiutigalugu piniarnermut allagartat sunngiffimmi piniarnermut allagartanngortissinnaavat toqqaannartumik sullissivik.gl-ikkut. Sunngiffimmi piniarnermut allagartamut allanngortinniarlugu:
  • Pisatit Inuussutissarsiutigalugu piniarnermut allagartatigut aamma Pisat nalunaarutigineratigut nalunaarutigissavatit. Malugiuk, inuussutissarsiutigalugu piniarnermut allagartavit nutarsarnissaa pisariaqanngimmat
  • Tamatuma kingorna imminut sullinnikkut Sunngiffimmi piniarnermut allagartakkut sunngiffimmi piniarnermut allagartamik nutaamik qinnuteqassaatit

Imminut sullinniaruit una tuussavat
Piffissaliussat
Ukioq kaajallallugu inuussutissarsiutigalugu piniarnermut allagartamik nutaamik qinnuteqarsinnaavutit. Taamaattorli maluginiassavat:
  • Aasaanerani umimmanniarnissamut tuttunniarnissamullu piniarniaruit, piumasaqaammut immikkut akuersissutitaqartoqanngippat, inuussutissarsiutigalugu piniarnermut allagartat 1. maj nallertinnagu akilereersimassagakku
  • Ukiumut piniarfiusoq aallartittartoq 1. oktober taavalu ulloq tassanngaanniit inuussutissarsiutigalugu piniarnermut allagartat atuutilertussaavoq
  • Pisatit 15. oktober sioqqullugu nalunaarutigissagakkit. Pisatit naalakkersuisoqarfimmit nalunaarsorneqareerpata, ukiumut piniarfiusumut tullermut atuuttussamik inuussutissarsiutigalugu piniarnermut allagartamik namminerisamik nassitsissaatit. Pisatit nalunaarutigisimanngikkukkit piniarnermut allagartat nutarterneqarsinnaanngilaq
Naammagittaalliuteqarneq
Inuussutissarsiutigalugu piniarnermut allagartamik qinnuteqarsimaguit itigartitaallutillu, naammagittaalliutiginissaanut periarfissaqarputit. Naammagittaalliuteqarsinnaavutit isumaqaruit eqqunngitsumik tunngaveqarluni itigartitsisoqarsimappat, aammalu qinnuteqaatit pillugu nutaanik paasissutissanik saqqummertoqarsimappat.

Itigartitsissutigineqartoq naammagittaalliutiginiarukku, ukiup piniarfiusup naannginnerani taamaasiussaatit. Suliaq ilinnut tunngasoq pillugu, najukkanni KNAPP-mi aalisarnermut piniarnermut peqatigiiffimmit oqaaseqaammik pinissannut periarfissaqaruit, naammagittaalliutip nassiunnerani ilanngullugu nassiutissavat. Naammagittaalliuut Aalisarnermut Piniarnermullu Naalakkersuisoqarfimmut nassiutissavat.

Naalakkersuisoqarfimmit apeqqutissaqartoqarpat attavigineqassaatit. Suliaq ilinnut tunngasoq suliarineqareerpat, naammagittaalliutit pillugu akissutisissaatit.

Naalakkersuisoqarfimmit aalajangiunneqartoq naammaginngikkukku, suliaq ilinnut tunngasoq Ombudsmandeqarfimmut imaluunniit eqqartuussiveqarfinnut suliassanngortinnissaanut saqqummiussinnaavat.
Allaaserisat attuumassutillit
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Sullissivik Atammik
Atammik B-800
3912 Maniitsoq
Oqarasuaat: (+299) 81 85 44
Fax: (+299) 81 85 96
E-mail: atako@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Sullissivik Itilleq
Itilleq
3911 Sisimiut
Oqarasuaat: (+299) 86 96 77
Fax: (+299) 86 96 97
E-mail: itilleq@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Kangerlussuaq Sullissivik
Postbox 89
3910 Kangerlussuaq
Oqarasuaat: (+299) 84 12 77
Fax: (+299) 84 13 77
E-mail: kangerlussuaq@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Kangaamiut Sullissivik
Kangaamiut Kommunip Allaffia
Postboks 9
3912 Maniitsoq
Oqarasuaat: (+299) 81 94 20
Fax: (+299) 81 94 19
E-mail: kangko@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Maniitsoq Sullissivik
Kuuttartoq B1077
Postboks 100
3912 Maniitsoq
Oqarasuaat: (+299) 70 21 00
Fax: (+299) 70 21 77
E-mail: maniitsoq@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Sullissivik Napasoq
Napasoq Kommunip Allaffia
3912 Maniitsoq
Oqarasuaat : (+299) 81 86 44
Fax: (+299) 81 86 43
E-mail: atako@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Sarfannguit Sullissivik
Sarfannguit kommunip allaffia
3911 Sisimiut
Oqarasuaat: (+299) 86 95 15
Fax: (+299) 86 95 43
E-mail: sarfannguit@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Sisimiut Sullissivik
Makkorsip Aqq. 2
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: sisimiut@qeqqata.gl

Ammasarfii
Ataasinngorneq: 10:00 - 15:00
Marlunngorneq: 10:00 - 15:00
Pingasunngorneq: Matoqqavoq
Sisamanngorneq: 10:00 - 15:00
Tallimanngorneq: 10:00 - 15:00
Aalisarnermut Piniarnermullu Naalakkersuisoqarfik (APNN)
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 53 40
E-mail: jagtbeviser@nanoq.gl
Nittartagaq: www.naalakkersuisut.gl