airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) pisortani oqartussaaffiuvoq naalakkersuinikkut aalajangikkanik maleruagassanik tunngaveqarluni aalisarnerup ingerlanneqartarnissaanik qularnaarinnittussaq. Port State Control-imik (PSC) taaneqartoq aalisarnermik nakkutilliinerup ilagaa, umiarsualivimmut tulaassinermi nakkutilliinerusoq.

PSC atuuppoq makku tulaanneranni:
• Aalisakkanik tunisassiat qerisut NEAFC-p imartat pillugit isumaqatigiissutaanneersunut tamanut (42 W-p kangiani)
• Aalisakkanik tunisassiat nunat tamalaat imartaanneersunut, NAFO-p imartat pillugit isumaqatigiissutaanneersunut tamanut (42 W-p kitaani)

Nunap allap aalisarnermut killeqarfiata iluani aalisaruit, nunap pineqartup oqartussaasuisa toqqagaanni umiarsualivimmut pisarisatit taamaallaat tulaassinnaavatit.

Nunat allamiut umiarsuaat, PSC-mut ilaasut, Nuummut taamaallaat tulaassisinnaapput.

Aalisarnermik nakkutilliisut suleqatiginissaannut pisussaaffeqarputit. Taama iliunngikkuit mianersoqqussummik tunineqarsinnaavutit, pisatit arsaarinnissutigineqarlutik imaluunniit politiinut nalunaarutigineqarsinnaavutit akiligassinneqarlutillu.
Akuersisussat nalunaarfigisassallu
Pisarisat tulaannerannik akuersisussat oqartussat tamatigut marluusarput:
• Naalagaaffiup Erfalasunut oqartussaasui pisarisat pillugit paasissutissanik uppernarsaasartut
• Naalagaaffiup Umiarsualivinnut oqartussaasui akuersisutut immaqalu tulaassanik nakkutilliisartutut

Kalaallit Nunaannut umiarsuit nunanit allaneersut Naalagaaffiup Umiarsualivinnut oqartussaasuattut aamma kalaallit umiarsuaannut, nunani allani umiarsualivinnut tulaassisunut Naalagaaffiup Erfalasunut oqartussaasuisut KANUAANA atuuppoq.

Pisat tulaanneranni nalunaaruteqarneq
Danmark-imi, Savalimmiuni, Island-imi Norge-miluunniit tulaassiguit, tulaassineq akunnernik 24-nik sioqqutsisumik nalunaaruteqarnissat utaqqisinnaavat. PSC-nik immersuiffissat atorlugit nalunaaruteqassaatit. Immersuiffissat assigiinngitsut marluupput, tamatumani nammineq pisarisatit tuniniarneritit imaluunniit angallatip allap pisarisai nuunneqarsimasut tuniniarneritit aallaaviussaaq.

Ilitsersuutit ukunaniittut malissavatit:
Northwest Atlantic Fisheries Organization (NAFO)

North East Atlantic Fisheries Commission (NEAFC)
Elektronikkimik immersorneqassapput. Eqqaamallugu piffissaalluartillugu (ajornanngippat nunamut allamukannginnerni sap. ak. ataatsimik sioqqutsillutit) NEAFC-mi atuisutut nalunaarsornissat.

Ilitsersuut uani takuuk

Umiarsualivimmut pisarisavit tulaanneqarfissaanni taliffigisanni Naalagaaffiup Umiarsualivinnut oqartussaasuinut immersuiffissat tunniutissavatit. Najugarisavit paasissutissartai, e-mail-it aamma fax-imut normut kiisalu umiarsualiviit akuerisaasut, NEAFC-p nittartagaanni takuneqarsinnaapput.

Naalagaaffiup Umiarsualivinnut oqartussaasui immersuiffissat Naalagaaffiup Erfalasunut oqartussaasuinut nassiuttarpaat, tassani immersugassat uppernarsarneqarsinnaapput Naalagaaffiullu Umiarsualivinnut oqartussaasuinut utertillugit, tamatuma kingorna tulaanneqartut tassannga akuerineqarsinnaapput akuerineqarnatilluunniit.
Allaaserisat attuumassutillit
Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl