airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Sukkanerusumik pitsaanerusumillu sullinneqarnissaq qulakkeerumallugu pingaaruteqarpoq, paasissutissat nutaanerpaat Aalisarnermut Piniarnermullu Naalakkersuisoqarfimmut tunniussimasarnissaat. Taamaammat aalisarnermut akuersissutit pigeriikkat allanngorpat, Naalakkersuisoqarfimmut nalunaarutigissavat.

Tamatuma kingunerisaanik qinnuteqarnissamut immersuiffissaq immersussavat nassiullugulu imaattoqassappat:
• Suliffeqarfik aalisariulluunniit pillugu paasissutissat allanngorpata
• Akuersissummi aalisariummik ilassutissaqarniaruit imaluunniit piigaqarniaruit

Qaleralinnut saarullinnullu tunngatillugu umiatsiaaqqanut akuersissutit atuunneri 2016-imiit qaammatinik pingasunik 2017-imi 1. januar-imiit 31. marts tungaanut sivitsorneqarput.

Umiatsiaaqqanut akuersissutinut qinnuteqartarnerit 1. februar 2017-imiit kommuninit akisussaaffigineqalissapput. Taamaammat qaleralinniarnissamut, saarullinniarnissamut, nipisanniarnissamut kapisilinniarnissamullu kommunerisanni innuttaasunut sullissivimmut imaluunniit inuussutissarsiornermut siunnersortimut saaffiginninnikkut aalisarnermut akuersissummik qinnuteqassaatit. 2016-imi umiatsiaaqqamut akuersissummik, assersuutigalugu qaleralinniarnissamut, saarullinniarnissamut, nipisanniarnissamut imaluunniit kapisilinniarnissamut peqaruit, akuersissummik atulersitsinissaq ingerlaannaq pisinnaavat. 2016-imi assigiinnik akuersissutinik peqarsimanngikkaluaruilluunniit, aalisakkanut assigiinngitsut pineqartunut sisamanut tunngatillugu umiatsiaaqqamut akuersissummik qinnuteqarsinnaavutittaaq. Qinnuteqaatinni taamaallaat Imarsiornermik ilinniagaqarsimanerit allakkatigut uppernarsaannassavat.

Kommunimut toqqaannartumik 2017-imi umiatsiaaqqamut akuersissummik qinnuteqarniaruit 2016-imi assinganik akuersissummik peqassaatit. Akuersissummik nutaamik qinnuteqarniaruit, qinnuteqaatit kommunimit Aalisarnermut Piniarnermullu Naalakkersuisoqarfimmut ingerlateqqinneqassaaq.

Aalisariutinut 6 meter-inik anginerusunut akuersissutinik qinnuteqaatit Aalisarnermut Piniarnermullu Naalakkersuisoqarfimmut suli qinnutigineqartassapput.
Qinnuteqarneq
Qinnuteqarnermi immersukkami ilaatigut makku ilanngutissavatit:
• Akuersissutivit normua aalisariutillu
• Akuersissummi suut allanngortikkusunneritit
• Akuersissutinni suna allanngortikkusunnerlugu tunngavilersuut

Eqqaamallugu ilanngussassat attuumassuteqartut tamaasa ilanngutissagakkit, soorlu:
• Sumiuunermut uppernarsaat
• Angalasarnermut uppernarsaat
• Umiatsiamik piginnittuunermut uppernarsaat
• Suliffeqarfiup nalunaarsorneqarnera

Allakkani allaqqasuni kingullerni qinnuteqaatip immersornissaanut ilitsersuuteqarpoq.

Qinnuteqaatit Aalisarnermut Piniarnermullu Naalakkersuisoqarfimmut nassiutissavat: apn@nanoq.gl

Suliffeqarfinni imaluunniit illit akuersissummik peqartutut akuersissutini tamatigut allannguuteqartoqartillugu, qinnuteqarnissamut immersuiffik nutaaq nassiuttassavat.
Naammagittaalliuuteqartarneq
Isumaqaruit pissusissamisuunngitsumik itigartinneqarsimallutit, taava naammagittaalliuuteqarsinnaavutit uunga apn@nanoq.gl.
Allaaserisat attuumassutillit