Kapisilinniarneq

1. Inuussutissarsiutigalugu kapisilinniarnissamut ingerlatsinissamut aalisarsinnaanermut imaluunniit sunngiffimmi kapisilinniarlutit aalisarnissamut akuersissuteqartuaannassaatit, aalisakkanut pisassiissutaasunut killilersuiffigineqartunulluunniit aalisarniaruit.

2. Aalisariutinut malittarisassat malissavatit:

• Aalisariutit 6 meterinik naanneruppat, taanna inuussutissarsiutigalugu angallatitut akuerisaasimassaaq.
• Nutaatut qinnuteqartuuguit 6 meteri sinnerlugu aalisariutit naalagaaffimmut atassuteqarnermik uppernarsaateqassaaq uuttuutaanullu allagartaqarluni, taakku aalisarsinnaanermut akuersissummut qinnuteqarnermi ilaatillugit nassiunneqassallutik.
• Aalisarninnut angallat alla nutaaq ilanngussimagukku naalagaaffimmut atassuteqarnermik uppernarsaat uuttuutaanullu allagartaq aalisarsinnaanermut akuersissummut qinnuteqarnermi ilaatillugit nassiunneqassapput.
• Kapisilinniarnermi angallat annerpaamik 12,8 meterimik (42 fod) takissuseqassaaq.

3. Aalisariaatsinut malittarisassat malissavatit:

• Inuussutissarsiutigalugu aalisartuuguit:
  • Qarsorsaq imaluunniit aalisaat (qissattaat) atorlugu
    aamma qassusersorlutit minnerpaamik 140 mm-ik nigartalinnik
    kapisilinniarsinnaavutit.
  • Angallatit 6 meteri tikillugu imaluunniit 12,8 meteri (42 fod) tikillugu
    takissuseqassaaq.
  • Qassutit kapisilinniutit 2000-inik nigartallit, nigartaa tasillugu minnerpaamik
    140 mm-iussapput.

• Sunngiffimmi aalisartuuguit:
  • Qissataat, qassutit aamma aalisaat (qissattat) atorlugit
    kapisilinniarsinnaavutit.
  • Qassutit kapisilinniutit ataatsit 2000-inik nigartallit, nigartaa
    tasillugu minnerpaamik 140 mm-iussapput.

4. Kapisilittatit tamarmik Kalaallit Nunaanni Aalisarsinnaanermut Akuersissutinik Nakkutilliivimmut (KANUAANA) nalunaarutigineqartassapput.. Tamanna aamma sunngiffimmi aalisartunut atuuppoq.

Aalisakkat allat aalisarnerannut maleruagassat uani atuarsinnaavatit

 

Aalisarsinnaanermut qinnuteqaat kommunimi isumagineqartarpoq/suliarineqartarpoq.

Inuussutissarsiutigalugu sunngiffinniluunniit kapisilinniarnissannut akuersissummik qinnuteqarniarutit illit kommuninnut saaffiginnissaatit.

Kapisilinniarnissamut qinnuteqaativit APNN-imut nassiunneqassaa kommunevit isumagissavaa.

Sinerissami qanittumi kapisilinniarnissamut qinnuteqaat aajuk

2019-imi kapisilinniarnissamut akuersissummik pissagaanni 2018-imi pisaminnik aamma susaarsimagaluaraannilluunniit nalunaaruteqarsimasut kisimik akuersissummik tunineqarsinnaapput. Tamanna atuuppoq inuussutissarsiutigalugu sunngiffimmilu akuersissutinut pisimasunut.

Aalisarsinnaanermut akuersissut pillugu annertunerusumik uani atusinnaavutit

Illit (inuussutissarsiutigalugu sunngiffimmiluunniit aalisartuuguit) pisatit GFLK@nanoq.gl-imut nalunaarutigissavatit. Pisaqarsimanngikkaluaruilluunniit.

Kapisilittatit tamarmik Kalaallit Nunaanni Aalisarsinnaanermut Akuersissutinik Nakkutilliivimmut (KANUAANA) qassusiareernerit aalisaammik qissattaammilluunniit pisaqarneernerit tamaasa kapisilittat nalunaarutigineqartassapput.. Tamanna inuussutissarsiutigalugu aalisartunut sunngiffimmilu aalisartunut atuuppoq.

Una toorlugu nittartagaq aqqutigalugu uani toqqaannartumik nalunaaruteqarit.

Kapisilinnik pisanut immersuiffik uani nanisinnaavat, aniseriarlugu immersorsinnaasat.

 

Aalisarneq 1. september aallartissaaq kingusinnerpaamillu 31. oktober unilluni.

Imaluunniit: Kapisilinniarsinnaatitaaneq uniaarsinnaasarpoq, piffissaq sioqqullugu pisassiissutit tamakkerlugit aalisarneqareersimagaangata.

31. oktoberi sioqqullugu pisassiissutit tamakkerlugit aalisarneqarsimappata, aalisarneq ingerlaannaq unitsinneqassaaq tusagassiutitigullu nalunaarutigineqarluni.

• Sunngiffimmi aalisartuuguit:
  • Nammineq atugassannik/pissannik kapisilinniarsinnaavutit.

• Inuussutissarsiutigalugu aalisartuuguit:
  • Pisatit Kalaalimineerniarfinnut tunisinnaavatit.

Tunngaveqanngitsumik itigartitaasimasutut isumaqaraanni apnn@nanoq.gl-imut naammagittaalliortoqarsinnaavoq.