airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Tamanut atuuttut

Aalisareernervit qassusiareernerniluunniit tamatigut kapisilinnik pisatit nalunaarutigisassavatit. Uumap ilitsersuutip kapisilinnik pisanut immersuinissamut ikiorsinnaavaatit. .

Kapisilinniarneq matuppat nalunaaruteqarnissat eqqaamallugu, aamma kapisilinnik aalisariarsimanngikkuit pisaqarsimanngikkuilluunniit. Tamanna piumasaqaataavoq ukiup tulliani kapisilinniarnissamut akuersissummik pisinnaanermut.

Kapisilinnik pisatit nalunaarutiginissaanut makkunannga periarfissaqarputit:

  • Sullissivik.gl aqqutigalugu kapisilinnik pisanut immersuigit
  • Immersuiffik immersoreerpat qarasaasiamut oqarasuaammulluunniit angallattakkamut toqqoruk KANUAANA-mullu nassiullugu
  • Immersuiffik anisiguk, immersoriarlugulu KANUAANA-mut nassiullugu

Innuttaasunut sullissivimmi kommunilluunniit allaffiani nalunaaruteqarnermi ikiorneqarnissamut aamma periarfissaqarputit.

Una toorlugu nittartagaq aqqutigalugu uani toqqaannartumik nalunaaruteqarit.

Kapisilinnik pisanut immersuiffik uani nanisinnaavat, aniseriarlugu immersorsinnaasat.

Ilitsersuut manna atuareerlugu, Kapisilinnik pisanut immersuiffik pillugu ikiorneqarnissamik pisariaqartitsiguit, Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) attaveqarfigisinnaavat oqarasuaat +299 34 50 00.

 

Paasissutissat pinngitsoorneqarsinnaanngitsut

Kapisilinnik pisatit nalunaarutiginissaannut paasissutissat sorliit pisariaqarnersut ataani takusinnaavatit. Paasissutissat pinngitsoorneqarsinnaanngitsut nalunaarsoqqapput, aamma paasissutissat pisariaqartut nassuiaataat kiisalu sumi nassaarineqarsinnaanersut.

Akuersissutip normua:
Akuersissutip normua kapisilinnut akuersissummiittoq ilisimatitsissutigiuk. Akuersissummi takuneqarsinnaavoq.

Angallatip sorliunera:
Akissuteqarnissamut periarfissat arlaat krydsileruk.

Angallatip aqqa amma GR-normua:
Angallativit aqqa GR-normualu ilisimatitsissutigikkit. Angallat atorsimanngikkukku qaangiinnassavat.

Ulloq pisaqarfik:
Kapisilinnik pisaqarnerup ullua.

Tulaassiffik:
Kapisilinnik pisatit sumut assartornerlugit nalunaaruk. Illoqarfik nunaqarfilluunniit allaqqasut akornanni toqqaruk. Illoqarfik
nunaqarfilluunniit najukkat ilaanngippat, taava illoqarfik nunaqarfilluunniit qaninnerpaaq toqqaruk.

Piniutit sorliit:
Qassutit imaluunniit qissattaatit atornerlugit allaguk.

Piniutit amerlassusaat:
Qassutit imaluunniit oqummersat qassit atornerlugit allaguk.

Nal. akunnerisa amerlassusaat:
Qassutit qanoq sivisutigisumik ningisimaneri imaluunniit qissattaammik qanoq sivisutigisumik aalisarnerlutit allaguk.

Aalisarfik:
Kapisillit sumerpiaq pisarineqarneri paasissutissaavoq pingaaruteqartoq.

Aalisarfik sorlermi kapisilittatit pisarinerlugit “Aalisarfik pillugu ilitsersuummi” sukumiisumik nassuiarneqarpoq.

Suliarineqarnera:
Suliarineqarnera aalisakkap qanoq suliarineqarneranik nassuiaavoq. Soorlu erlaveerneqarsimappat niaquerneqarsimappallu
imaluunniit aalisagaq iluitsuutillugu.

Kapisilik niaquikkatut erlaviikkatullu allanneqarpat, oqimaassusaa tassaassaaq kapisilik niaquvigaq erlaviigarlu.

Oqimaassusaa kapisilik ilivitsuutillugu allanneqarpat, taava suliarineqarnerata nalaani allanneqassaaq aalisagaq ilivitsuutillugu.

Atorneqarnera:
Kalaaliaqqamut suliffeqarfimmulluunniit tunisaqaruit imaluunniit nammineq atugassarigukku allassavat.

Kapisillit qassit pisarineqarpat:
Kapisillit qassit pisarinerlugit allaguk.

Oqimaassusaat kiilunngorlugu:
Suliarineqarnera illit nalunaarutigisat malillugu oqimaassusaa uani allassavat. Assersuutigalugu suliarineqarneranut MHUI
allassimagukku, kapislillip niaqua atatillugu erlaveerlugu oqimaassusaa allassavat.

 

Tulaassiffik pillugu ilitsersuut

Tulaassiffik tassaavoq pisat sumut tulaanneqarneri. Tassa imaappoq, pisat sumut tulaanneqarpat. Tamanna pisaqarfimmut (aalisarfimmut) paarlaanneqassanngilaq, tassanimi kapisilittat pisarineqarput.

Pisat sumut tulaannerlugit akissagukku, illoqarfik nunaqarfilluunniit ataaniittoq toqqassavat, pisat nassarlugit tulaassiffigisaq qaninnerpaaq. Allaqqasut toqqagassat aamma internet aqqutigalugu immersuinermi saqqummissapput.

Illoqarfik/Nunaqarfik
Upernavik
Uummannaq
Ilulissat
Qeqertarsuaq
Aasiaat
Qasigiannguit
Kangaatsiaq
Sisimiut
Kangerlussuaq
Maniitsoq
Nuuk
Paamiut
Narsaq
Qaqortoq
Nanortalik
Tasiilaq
Ittoqqortoomiit

Aalisarfik pillugu ilitsersuut

Aalisarfik inissinnissaanut una ilitsersuutaavoq. Aalisarfik tassaavoq sumiiffik kapisilinnik pisaqarfik.

Kalaallit Nunaata sineriaa nuna asseqarpoq qulinik assigiingitsunik agguagaalluni: Kitaani arfineq-pingasut tunumilu marluk.

Nunap assingi tamarmik aalisarfinnut agguagaapput, nunap assinga issoqqaarissunik qallerneratigut.
Titarnerit ammukartut nalaanni naqinnerit atorlugit agguagaapput titarnerillu sanimukartut nalaanni kisitsisaallutik.
Nunap assingani sumiiffik nassaarigukku sanimut sinaani naqinnerit allaqqasut takussavatit. Taava sumiiffik nassaarisavit nalaaniit ammut naqqani nassaarissavatit kisitsisit. Naqinnerit kisitsisillu taakku ataatsimoortillugit tassaavoq aalisarfigisat.
Assersuut ataaniittoq aamma takuuk.

Ukunani nunap assiini aalisarfigisimasavit nalaa nassaarisinnaavat:
Her finder du det kort, til det område hvor du har fisket i nærheden af:

Nunap assinga 1-3 Upernavik, Uummannaq, Ilulissat, Qeqertasuaq
Nunap assinga 4 Aasiaat, Qasigiannguit, Kangaatsiaq, Sisimiut
Nunap assinga 5 Maniitsoq, Kapisillit
Nunap assinga 6 Nuuk
Nunap assinga 7 Paamiut, Narsaq, Narsarsuaq
Nunap assinga 8 Qaqortoq, Nanortalik
Nunap assinga 9-10 Tasiilaq, Ittoqqortoormiit

Malugiuk: Nunap assingi taamaallaat kapisilinniarnermi nalunaaruteqarnermi atorneqarsinnaapput aalisarnernilu allani atorneqarsinnaanngillat.

Aalisarfiit assitai:
Assersuummi Sermiliup qinnguani, Paamiut kujataata kangiani, pisaqartoqarpoq.
Assitaani aalisarfiusoq takuneqarsinnaavoq HF 037

Vejledningskort

Allannguutit

Kapisilinnik nalunaaruteqarnermi kukkullutit imaluunniit kukkusumik paasissutissiillutit paasigukku, KANUAANA attaveqarfigissavat.

 

Piffissaliussat

Aalisariareeruit qassusiareeruilluunniit kapisilinnik pisatit piaarnerpaamik nalunaarutigissavatit.

Nalunaaruteqarnissamut piffissaq kingulleq tassaavoq kapisilinniarnerup matunerata kingorna ullut 30-t.

Ukioq manna kapisilinniarsimanngikkuit pisaqarsimanngikkuilluunniit, eqqaamassavat tamanna aamma KANUAANA-mut nalunaarutigisussaagakku. Tamanna inatsisitigut piumasaqaataavoq piffissarlu eqqorlugu nalunaaruteqanngikkuit, 2021-mi kapisilinniarnissamut akuersissummik pisinnaanngilatit.

 

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.naalakkersuisut.gl
Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA)
Indaleeqqap Aqq. 3
Postboks 501
3900 Nuuk

Oqarasuaat: (+299) 34 50 00
Fax: (+299) 34 63 60
E-mail: gflk@nanoq.gl
Nittartagaq: www.naalakkersuisut.gl