airplanebooksbriefcase business cogs cross election entertainment fish house law lockmedicalpeopleselfservices socialtax

Kalaallit Nunaanni Uumasunut Nakorsaqarfik Inuussutissalerinermullu Oqartussaqarfik

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Kalaallit Nunaanni Uumasut Nakorsaqarfik Inuussutissalerinermullu Oqartussaqarfik (UNIO) Namminersorlutik Oqartussani oqartussaqarfiuvoq nunatsinni nerisassat isumannaatsuunissaannik, uumasut nakorsaqartinnerisigut upalungaarsimanermik uumasullu atugarissaarnissaanik pingaarnertigut akisussaaffeqartoq.

Nunatsinni uumasunut nakorsaqartitsinerup nerisassallu tungaasigut akisussaassuseqarneq Namminersorlutik Oqartussanit aamma Danmarkimi Miljø- og Fødevareministeria avillugu isumagineqarpoq.

Danmarkimi Fødevarestyrelseni suliffeqarfiit neqinik aalisakkanillu suliaqartut akuersissutinik tunineqarnissaat nakkutigineqarnissaallu pillugit qullersaalluni oqartussaaffiuvoq, oqartussaaffinnullu ilaallutik angallassuit suliffiusut avammut niuernissamut akuerineqarsimasut.

Uumasut nakorsaqarnerup nerisaqarnerullu tungaasigut Namminersorlutik Oqartussat aamma Fødevarestyrelsenip akisussaanerisa tungaatigut agguataarsimanerat pillugu allanik uani atuarsinnaavutit

UNIO-mit suliassaqarfiit makku isumagineqarput:
Suliffeqarfiit nerisassalerinermik suliaqartut tunisassiortullu nerisassanik nunatsinnut tunisassiortut – akuersissuteqartarneq, ilitsersuineq nakkutilliinerlu.

Toqoraaviit – neqi suugaluartulluunniit nunatsinni tunisassatut naatsorsuussat misissorneqarneri (kalaalimineerniarfinni tuniniagassat kisiisa pinnagit).

Nerisassat isumannaatsuunissaat – upalungaarsimaneq, assersuutigalugu nerisassat tunineqarsinnaajunnaartut pillugit atuisunut paasissutissiinerit. Nappaatinik nerisassat aqqutigalugit tunillaassuussinnaasunik sumiissusersiuinerit, taakkununnga ilaalluni nunat tamalaani susassaqartunut nalunaarusiortarneq.
• Uumasut atugarissaarnissaat uumasunillu illersuineq – nakkutilliineq ilitsersuinerlu. Qimuttoqarfinni qimuttunik, uumasunik illumiititanik aamma Nunarput tamakkerlugu uumasuutinik nakkutilliineq.

Inunnik peqqinnissaqarfinneersunik nakorsaatinillu ikiorteqarneq qimuttunut, qimminut savanik paarsisunut uumasuutinullu tunngatillugu ikiorteqarneq.
Malugissavat uumasuutigisat UNIO-mit suliaritissinnaanngimmat.

Uumasut nappaataannut upalungaarsimaneq – uumasut nappaataannik nalunaarutigineqartussaatitaasunik nunat tamalaani susassaqartunut assigiinngitsunut nakkutilliinermik nalunaarusiornermillu nalunaaruteqartarneq.

Zoonoser – zoonosinik (nappaatit uumasuniit inunnut tunillaassinnaasut) nakkutiginninneq, nalunaaruteqartarneq akiuiniarnerlu, soorlu trikinit perlerornerillu.

Inuit peqqissuunissaat – nerisaqarneq pillugu siunnersuisooqatigiinnut, nappaatit tunillaattartut pillugit ataatsimiititaliamut peqataaneq, Ship Sanitation Certificates-inik tunniussisartoq.

Peqqissutsimut uppernarsaatinik tammajuitsunullu uppernarsaatinik tunniussisarneq – UNIO Fødevarestyrelsenimit assersuutigalugu tammajuitsussanik annissuinermut atatillugu peqqissutsimut uppernarsaatinik tunniussinissamik piginnaatinneqarpoq.

Nerisassanik annissuinerit Fødevarestyrelsen suleqatigalugu Danmarkimi kalaallit napparsimasut angerlarsimaffiannut.

Innuttaasunik sullissinerit – uumasut nerisassallu tungaasigut paasissutissiisarneq, taakkununnga ilaallutik soorlu uumasunik ingiallorteqarneq nerisassanillu eqqussuineq annissuinerlu.

Killeqarfimmi nakkutilliineq – Aalisakkat, aalisakkat tunisassiat taakkulu perlukuinik tunisassiat pineqartillugit Kalaallit Nunaat EU-mut isaavinngorsimavoq nutaaq. Taamaattumik nunanit allaneersut umiarsuit EU-mut aalisakkanik aalakkallu tunisassianik tulaasserusuttut uumasut nakorsaanit misissuisoqartassaaq.

 

Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: uumasut@nanoq.gl

Aallaqqaasiutigalugu qinnuigissavassi Uumasut Nakorsaqarfia Inuussutissalerinermullu Oqartussaqarfik-mut saaffiginnissutit tamarmik uunga nassiunneqassasut uumasut@nanoq.gl
Ilulissani Uumasut Nakorsaqarfia Inuussutissalerinermullu Oqartussaqarfik
Postboks 280
3952 Ilulissat

Uumasut nakorsaat
Sanne Eline Wennerberg
Oqarasuaat: (+299) 94 30 42
Fax: (+299) 94 30 43
E-mail: sawe@nanoq.gl
Nuummi Uumasut Nakorsaqarfia Inuussutissalerinermullu Oqartussaqarfik

Uumasut nakorsaattut pisortaq
Asbjørn Brandt
Oqarasuaat: (+299) 34 53 23
E-mail: asbr@nanoq.gl

Uumasut nakorsaat
Jennifer Andersen
Oqarasuaat: (+299) 34 56 52
E-mail: jena@nanoq.gl

Uumasut nakorsaat
Stella Ege Kristensen
Oqarasuaat: (+299) 34 53 90
E-mail: sekr@nanoq.gl

Bromatolog
Jens Svendsen
Oqarasuaat: (+299) 34 53 76
E-mail: jmsv@nanoq.gl
Qaqortumi Uumasut Nakorsaqarfia Inuussutissalerinermullu Oqartussaqarfik
Postboks 169
3920 Qaqortoq

Uumasut nakorsaat
Lajos Zoltan Muzs
Oqarasuaat: (+299) 64 22 38
Fax: (+299) 64 13 06
E-mail: lazm@nanoq.gl