airplanebooksbriefcase business cogs cross election entertainment fish house law lockmedicalpeopleselfservices socialtax
Nalinginnaasumik paasissutissiineq

Nunatsinniit Danmarkimut angalatillutit uumasunit nerisassiassanik nassataqassallutit inuinnartut periarfissaqarputit, taakkununnga ilanngullugit uumasut piniagassat aalisakkallu nammineq pisarisimasat.

Kalaallit Nunaanniit Danmarkimut inuttut nammineq nerisassiassat imatut annertutigisut nassatarineqarlutillu nassiunneqarsinnaapput:
• Neqit, neqit tunisassiat, immuit immunnillu tunisassiat 10 kg
• Aalisakkat aamma aalisakkanit tunisassiat qanoq annertutigissanersut pillugit aalajangersagaanngillat
• Tunisassiat allat 10 kg (soorlu manniit, honningi aamma illuttut qaleruallit soorlu uillut)

Nerisassiassat eqqunniarneqartut nammineq angalanermi nassatarisanut ilanngullugit poortorneqarsimassapput, imaluunniit Kalaallit Nunaanniit inunnut aalajangersimasunut nassiussatut allattorneqarsimassallutik.

 

Piumasaqaatit

Uumasunik nerisassiassanik Danmarkimut eqqussinermi imaluunniit nassiussinermi piumasaqaatit ataanni makku atuutsinneqarput:
• Inuttut nerisassiassanik Danmarkimi suliffeqarfinnut tunisassiarineqartussanik nassiussinissamut pisinnaatitaanngilatit
• Nassiussat tamarmik inunnut nassiussaasariaqarput
• Taamatut nassiussarsisup nassiussarsiani inunnut allanut tuniniarlugillu tunissutigisinnaanngilai
• Nassiussarsiat tamarmik nammineerluni nerisassatut atorneqarsinnaatitaapput
• Nerisassiassat Kalaallit Nunaanneersuussapput

Nerisassiassat uumasuneersut inunnit arlalinnit atugassiassanngorlugit najugaqarfimmut ataatsimut nassiunneqarsinnaapput, makku malinneqarpata:
• Nassiussat suuneri allattorneqarsimassapput, taavalu kikkut sumilu najugallit nassiussiffiginiarneqarnersut aamma ersarissumik allattorneqarsimassallutik, aamma immikkut poortoqqinneqarsimassapput nassiussat sorliit kimut nassiunneqarsimanersut ersarissarlugit
• Inuup qulaani taaneqartutut nassiussiffiginiarneqartup nammineerluni poortugaq allanngortinnagu puuiarneqarsimanngitsoq aassaavaa, aamma nassiussarsisut allat poortugassarsiassartik nammineerlutik najugaqarfimmut pineqartumut aassallugit
• Nassiussarsiat tamarmik immikkoortiterlugit poortorneqarsimassapput, qulaanilu taaneqartut naapertorlugit uumasut ataasiakkaat annertussusissaat qaangernagit poortorneqarsimasariaqarlutik
• Nassiussarsiat tamarmik Danmarkimut tikinngitsut suli, allassimasumi tigusisussatut allaqqasup Danmarkimi killeqarfiup uumasup nakorsaa ilisimatissavai. Siumut ilisimatitsereernermi kikkorpiaat poortukkap iluaniittut oqimaassuseqarlutillu suunersut allattorneqarsimassapput. Paasissutissat pineqartup poortukkap nassiunneqarneranut atatillugu allattuiffimmut allattorneqarsimassapput (ilitsersuut pillugu immikkoortoq takuuk)
• Nerisassiassat tuniniarneqaqqusaanngillat imaluunniit tunissutitut tunniunneqaqqusaanngillat, nammineq atugassatut naatsorsuutigineqartussaapput
• Nerisassiassat Kalaallit Nunaanneersuussapput

 

Ilitsersuut

Nunatsinni uumasunik nerisassianik inuit namminneq atugassaannik inuit peqatigiiffiillu eqqussisarnerat pillugu Danmarkimi Fødevarestyrelsenimit ilitsersuusiaqarpoq.

Ilitsersuummi ilanngussaq 3-mi siumut ilisimatitsereernissamut immersuiffissaq takuneqarsinnaavoq, taannalu peqatigiiffinnut nassiussisarnermi atorneqartassaaq. Immersuiffiup atorneqartarnissaa piumasaqaataavoq.

Ilitsersuut aajuk

Malugiuk, ilitsersuut danskisuinnaq allaqqammat.

 

Uumasut ilaat CITES malillugu malittarisassaqarput

Uumasunik nerisassiassanik eqqussinermut immikkut ittumik atuuttunik malittarisassaqarpoq, taakkulu CITES-imi malittarisassanut ilaatinneqarput. CITES tassaavoq uumasut nujuartat naasullu illersorniarlugit isumaqatigiissut.

Uumasut qilalukkat qernertat, aarrut, niisarnat, eqalussuarnat, europami nimerissat taavalu nannut nerisassiassatut Danmarkimut eqquteqqusaanngillat.

Taamatut inerteqquteqarneq nerisassiassat angalalluni nassatatut, Danmarkimi inummut najugaqartumut nassiussatut imaluunniit peqatigiiffimmut nassiussatut pineqaraluarpat atuuppoq. Inerteqquteqarnermi immikkut akuersissummik piniarneq periarfissaanngilaq.

Neqimik imaluunniit qilalukkap qaqortap mattaanik Nunattalu Kitaanit tikaagullimmik eqqussiniaruit, CITES-imi akuersissut eqqaamassavat.

CITES-imi malittarisassat pillugit paasisaqarnerorusukkuit uunga attaveqarsinnaavutit:

Pinngortitamut, Avatangiisinut Ilisimatusarnermullu Naalakkersuisoqarfik
Imaneq 1A-801
Postboks 909
3900 Nuuk
Tlf. +299 34 50 00
E-mail: CITES@nanoq.gl

Naturstyrelsen i Danmark
Att.: CITES-sektionen
Haraldsgade 53
2100 København Ø
Tlf. +45 72 54 24 23
E-mail: cites@nst.dk 

Fødevarestyrelsen (FVST)
Stationsparken 31-33
2600 Glostrup
Tlf.: +45 72 27 69 00
Hjemmeside: www.foedevarestyrelsen.dk

Killeqarfimmi uumasut nakorsaat attavigiuk
Danmarkimi killeqarfiup uumasut nakorsaata attaveqarfiginissaanut paasissutissat:

Grænsekontrolstedet i Kastrup Lufthavn
Kystvejen 16
2770 Kastrup
Tlf.: +45 32 46 00 99 / +45 72 27 64 50
Mail: 208@fvst.dk

Grænsekontrolstedet i Aalborg (havn)
Sofiendalsvej 90
9220 Aalborg
Tlf.: +45 72 27 50 00 / +45 72 27 50 04
Mail: aalborgfallesgransen@fvst.dk
Inatsisit
Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: uumasut@nanoq.gl

Aallaqqaasiutigalugu qinnuigissavassi Uumasut Nakorsaqarfia Inuussutissalerinermullu Oqartussaqarfik-mut saaffiginnissutit tamarmik uunga nassiunneqassasut uumasut@nanoq.gl
Ilulissani Uumasut Nakorsaqarfia Inuussutissalerinermullu Oqartussaqarfik
Postboks 280
3952 Ilulissat

Uumasut nakorsaat
Sanne Eline Wennerberg
Oqarasuaat: (+299) 94 30 42
Fax: (+299) 94 30 43
E-mail: sawe@nanoq.gl
Nuummi Uumasut Nakorsaqarfia Inuussutissalerinermullu Oqartussaqarfik

Uumasut nakorsaattut pisortaq
Asbjørn Brandt
Oqarasuaat: (+299) 34 53 23
E-mail: asbr@nanoq.gl

Uumasut nakorsaat
Jennifer Andersen
Oqarasuaat: (+299) 34 56 52
E-mail: jena@nanoq.gl

Uumasut nakorsaat
Stella Ege Kristensen
Oqarasuaat: (+299) 34 53 90
E-mail: sekr@nanoq.gl

Bromatolog
Jens Svendsen
Oqarasuaat: (+299) 34 53 76
E-mail: jmsv@nanoq.gl
Qaqortumi Uumasut Nakorsaqarfia Inuussutissalerinermullu Oqartussaqarfik
Postboks 169
3920 Qaqortoq

Uumasut nakorsaat
Lajos Zoltan Muzs
Oqarasuaat: (+299) 64 22 38
Fax: (+299) 64 13 06
E-mail: lazm@nanoq.gl