Nalunaaruteqartussaatitaaneq

Innuttaasut tamarmik nalunaaruteqartussaatitaapput. Tassa imaappoq illit innuttaasutut meeqqamik atugarliortumik pasitsaassaqaruit tamanna inunnik isumaginnittunut nalunaarutigissallugu pisussaavutit. Meeraq atugarliortoq tassaasinnaavoq annersagaasarsimasoq, sumiginnagaasarsimasoq imaluunniit kinguaassiuutitigut atornerlunneqarneranik pasitsaassimaneqartoq.
Nalunaaruteqartussaatitaaneq pilersinneqarpoq meeqqat ilaqutariillu namminneq akiorsinnaanngisaminnik ajornartorsiutillit ikiorniarlugit.

Sakkortusisamik nalunaaruteqartussaatitaaneq
Kikkulluunniit inuussutissarsiutigalugu meeqqanik inuusuttunillu sullitaqartut sakkortusisamik nalunaaruteqartussaatitaapput. Tassa kikkulluunniit meeqqat atuarfianni sulisut – ilinniartitsisut, pedelit asaasullu – pisussaapput meeqqat atugarliortut immikkut eqqumaffigissallugit inunnillu isumaginnittunut nalunaarutigissallugit.
Atuarfimmi aqutsisunit paasineqarpat meeqqamik atugarliortoqartoq, pisussaapput tamanna nalunaarutigissallugu. Nalunaarneq taama ittoq allakkiaassaaq paasissutissanillu assigiinngitsunik imaqassalluni, soorlu:

• Meeqqap aqqa inuuialu
• Angajoqqaat angajoqqaatulluunniit oqartussaassuseqartut aqqi
• Nalunaarnermi patsisaasoq
• Meeraq aatsaat siullermeerluni nalunaarutigineqarnersoq

Angajoqqaat tamarmik piumasaqarsinnaatitaapput qitornartik nalunaarutigineqarsimappat paasitinneqassallutik. Nalunaarutip meeqqap ikiorserneqarnissaanut naliliinermi tunngavigineqartussaavoq.