Naammagittaalliuutit allagaassaaq.
Naammagittaalliuutit allakkatigut imaluunniit e-mailikkut nassiussinnaavat.
Tusagassiornermi ileqqorissaarnissamik maligassiissutit unioqqutillugit saqqummiisoqarsimanerani naammagittaalliuutit tusagassiorfimmut toqqaannaq imaluunniit Kalaallit Nunaanni Tusagassiutit pillugit Aaliangiisartut nassiussinnaavat.
Kalaallit Nunaata Radioanut (KNR) naammagittaalliuutit taakkununnga toqqaannaq nassiunneqaqqaartassaaq.
Tamatigut erseqqissartassavat suna naammagittaalliuutiginerlugu.
Kikkut naammagittaalliorsinnaappat?
• Inuit ataasiakkaat
• Suliffeqarfiit
• Peqatigiiffiit
• Kattuffiit allallu
tamanut ammasumik sakkortuumik isornartorsiorfigineqarsimasut imaluunniit assuarineqarsimasut tusagassiuutit pillugit Aaliangiisartunut naammagittaalliorsinnaapput, inatsisitigut soqutigisaqarpat.
Inatsisitigut soqutigisaq tassaavoq, toqqaannartumik toqqaannanngitsumilluunniit eqqartorneqarsimaguit
• aviisimut ilanngutassiami
• radiukkut tv-ikkullu
• assikkut
Naammagittaalliorsinnaanngilatit sammineqartumi taamaallaat sammisamut imaluunniit politikkimut tunngasumik soqutigisaqaruit.
Tusagassiorfiit sorliit naammagittaallutigisinnaavigit?
• Naalagaaffiup iluani tusagassiorfiit naqitat (radio, tv)
• elektronikkikkut tusagassiorfiit (atuakkiat nalliuteqqittartut, assit assigisaalluunniit saqqummiunneqartut)
• nipikkut assikkulluunnit programmit (soorlu Kalaallit Nunaata Radioa (KNR))
Suliat sorliit naammagittaalliutigisinnaavigit?
Suliat naammagittaalliutigisinnaavatit tusagassiornermi ileqqorissaarnissamik maligassiissutit unioqqutillugit saqqummiisoqarsimappat, imaluunniit nammineq isummat saqqummiuttariaqarsorigukku.
Tusagassiuutit pillugit Aaliangiisartunut naammagittaalliutit allaganngorlugit apuunneqassapput.
Isumaqaruit sulianut isummersinnaallutit akissuteqarnissamik qinnuteqaat allaganngorlugu tusagassiorfimmut nassiunneqaqqaassaaq.
Tusagassiorfiup qinuteqaatit itigartissaguniuk imaluunniit tusagassiorfimmit akissut naammaginartinngikkukku, Kalaallit Nunaanni Tusagassiuutit pillugit Aaliangiisartunut
naammagittaalliuteqarsinnaavutit.
Tusagassiuutit pillugit Aaliangiisartut aamma namminneerlutik tusagassiornermi ileqqorissaarnissamik maligassiissutit unioqqutillugit saqqummiisoqarsimanerani suliarisinnaavaat.