airplanebooksbriefcase business cogs cross election entertainment fish house law lockmedicalpeopleselfservices socialtax

Najugaqarfigisami radio-qarfinnut aamma tv-eqarfinnut tunngaviusumik tapiissutit

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Tunngaviusumik tapiissutit najugaqarfigisami radio-qarfinnit tv-eqarfinniillu Nunatsinni Tusagassiuutilerisut Kattuffiannut (NTK-mut) qinnutigineqarsinnaapput.

Tapiissutit najugaqarfigisami radio-qarfiit tv-eqarfiillu ingerlanneqarnerannut atatillugu tunniunneqartarput.

Piumasaqaatit

Tunngaviusumik tapiissuteqarfigineqarnissamik qinnuteqarniaraanni, taava

  • Najugaqarfigisami radio aamma tv-eqarfiusariaqarpoq.
  • Atuussinnaasumik aallakaatitsisinnaanermut akuersissummik peqartoqartariaqarpoq.
  • Radio-kkut tv-iikkulluunniit aallakaatitassianik aallakaatitsisoqartassaaq.

Aningaasat tunniunneqarnissaannut piumasaqaatit
Atugassiissutitut tapiissutit ukioq naallugu atuuttarput qaammatillu pingasukkaarlugit tunniunneqartarlutik. Tapiissutit tunniunneqarnissaat pisinnaajumagussiuk, imaaliussaasi:

  • Siorna ukioq ullorsiuteqarfiusoq pillugu ukiumoortumik nalunaarusiaq siulersuisunit tamarmiusunit atsiorneqarsimasoq NTK-mut nassiutissavarsi. Ukiumoortumik nalunaarusiaq kingusinnerpaamik 1. juni NTK-p tigoreersimassavaa.
  • Aallakaatitassiat aallakaatinniakkasi pillugit nalunaarusiaq NTK-mut nassiutissavarsi. Qaammatit tamaasa nalunaarusiaq kingusinnerpaamik qaammatit ulluisa tallimaanni NTK-p tigoreertassavaa.
  • Ukiup siuliani ukiumoortumik naatsorsuutit siulersuisunit tamanit akuerineqarsimasoq atsiorneqarsimasorlu NTK-mut nassiutissavarsi. Ukiumoortumik naatsorsuutit kingusinnerpaamik 1. juni NTK-p tigoreertassavaa.

Ukiup siuliani Namminersorlutik Oqartussanit 150.000 koruunninik imaluunniit amerlanerusunik tapiissutinik pissarsisimagussi, naatsorsuutit kukkunersiuisumit nalunaarsorneqarsimasumit imaluunniit naalagaaffimmit akuerisaasumit kukkunersiorneqarsimassapput.

Ukiup siuliani Namminersorlutik Oqartussanit 150.000 koruunninit ikinnerusunik tapiissutinik pissarsisimagussi, naatsorsuutit kukkunersiuisorisamit imaluunniit kukkunersiuisumit nalunaarsorneqarsimasumit kukkunersiorneqarsimassapput.

Kukkunersiuisut nalunaarutaat siulersuisunit tamarmiusunit atsiorneqarsimassapput ukiumoortumillu naatsorsuutinut ilanngunneqarsimassallutik.

Malugiuk
Qinnuteqartut amerlassusaat aallaavigalugu tunngaviusumik tapiissutit amerlassusaat aalajangerneqartarput.
Aallakaatitassiat ingerlanneqarneranni allannguutit nalunaarutiginissaat eqqaamassavat.

Qinnuteqarneq

Najugaqarfigisami radio-qarfiugussi tv-eqarfiugussiluunniit tunngaviusumik tapiiffigineqarnissamik qinnuteqarniarussi uku immersussavasi:

  1. Immersugassaq
  2. Ukiumut ullorsiuteqarfiusumut tapiissutit atorneqarfissaannut aningaasaqarnermut missingersuutit.
  3. Ukiut siuliini Namminersorlutik Oqartussanit tapiissutinik 150.000 kr.-inik imaluunniit taakkuninnga amerlanerusunik tigusaqarsimagussi, ukiumut ullorsiuteqarfiusumut tapiissutit atorneqarfissaannut anguniakkatut iliuusissatullu pilersaarutit

Missingersuutit aamma anguniakkatut iliuusissatullu pilersaarutit siulersuisut siulittaasuannit kiisalu ikinnerpaamik siulersuisunut ilaasortanit marlunnit atsiorneqarsimassapput.

Periutsit
Naatsorsuutigissavat qinnuteqaatit kingusinnerpaamik 15. januar akineqarnissaa.
Killiliussat
Qinnuteqarnissamut piffissaliussaavoq 5. januar ukiut tamaasa.
Naammagittaalliutit
Qinnuteqarfigisavit aalajangersimanerat eqqorsorinngikkukku Ilinniartitaanermut, Kultureqarnermut Ilageeqarnermullu Naalakkersuisoqarfimmut e-mailimut ikin@nanoq.gl -mut allagaqarlutit naammagittaalliorsinnaavutit.
Ilinniartitaanermut, Kultureqarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl