Timersornermut tapiissut

Kommunerisannuinnaq aalajangersimasunik paasissutissaqarpoq.

Kommunerisat toqqaruk

Kommune Kujallermi timersortartut angalanerannut, timersortarfiit attartornerinut aamma sungiusaasut akissarsiassaannut tapiissutinik pisinnaavusi:

Timersortartut angalanerinut tapiissutit, meeqqanut inuusuttunullu 18-it inorlugit ukiulinnut billet-ip akiata 65 %-erisarpaa. Inersimasunut 18-it sinnerlugit ukiulinnut tapiissutit billet-ip akiata 50 %-erisarpaa
Timersortarfiup attartorneranut tapiissutit, meeqqanut inuusuttunullu 18-it inorlugit ukiulinnut atatillugu attartornermi 100 %-iusarpoq. Inersimasut 18-it sinnerlugit ukiulinnut atatillugu attartornermi tapiissutit 85 %-iusarpoq
Sungiusaasunut akissarsiassanut tapiissutit, amerlanngitsunik takussutissaannarmik aningaasartaqartarput

Timersornermut tapiissutit annertunerusumik paasisaqarfigiumagussigit, kommune attaveqarfigisinnaavarsi. Kina attaveqarfigissanerissi, kommunip sortaani najugaqarnissinnit aallaaveqassaaq:

Narsami eqqaaniluunniit najugaqarussi, kultureqarnermut aamma sunngiffimmut pisortaq attavigissavarsi
Qaqortumi eqqaaniluunniit najugaqarussi, timersornermut siunnersorti attaveqarfigissavarsi
Nanortalimmi eqqaaniluunniit najugaqarussi, sunngiffimmi pisortaq attaveqarfigissavarsi

Taakku tamarmik attaveqarfigineqarsinnaapput oqarasuaammut uunga 70 41 00.

Qinnuteqarneq
Timersoqatigiiffittut tapiissutinik qinnuteqarniarussi, qinnuteqarnermi immersugassaq immersussavarsi. Najukkassinni kultureqarnermut ingerlatsivimmi immersugassaq pissarsiarisinnaavarsi. Qinnuteqaatip sapinngisamik tuaviortumik suliarineqarnissaa angujumallugu, immersugassami immikkoortut tamaasa immersorneqarnissaat pingaaruteqarpoq. Eqqaamallugu ilanngullugit nassiutissagassigit:

Peqatigiiffiup ukiumoortumik naatsorsuutai akuerisat
Qinnuteqaatigineqartumut missingersuutit
Qinnuteqaatigineqartumut aningaasartuutit uppernarsaataat

Qinnuteqarnermi immersugassaq immersoreerussiuk, taanna tunniutissavarsi nassiulluguluunniit uunga:

Kommune Kujalleq
Kultureqarnermut sunngiffimmullu ingerlatsivik
Postboks 37
3921 Narsaq

Timersornermut tapiissut – kommuninit
Timersoqatigiiffiit amerlasuunik aningaasartuuteqarsinnaasarput, assersuutigalugu timersortarfiit attartornerinut aamma angalanernut. Timersoqatigiiffiit ilaasa aningaasartuutit taamaattut matussusernissaat ajornartorsiutigisinnaasarpaat, tassami isertittagaat nalinginnaasumik pingaaarnertut ilaasortat akiliutaannit pigajummata.

Kommunit timersorneq tapersersorusummassuk, timersoqatigiiffittut tapiiffigineqarnissamik kommunimut qinnuteqarsinnaavusi.
Kommunit timersornermut tapiissutaat uku tunniunneqarsinnaapput:

Kalaallit Nunaanni pissartanngorniutivinnernut peqataanissamut atatillugu timersortartut angalanissaannut tapiissutit
Timersortarfiit attartornerannut qaammatikkaartumik tapiissutitut
Ukiumoortumik sungiusaasunut tapiissutitut

Nalinginnaasumik aningaasartuutinut akilereerneqarsimasunut tapiissuteqarfineqarnissamik qinnuteqartoqarsinnaanngilaq. Tamatuma kingunerisaanik aningaasat atornissaat sioqqullugu piffissaalluarallartillugu tapiiffigineqarnissamik qinnuteqartoqarsinnaavoq.

Aningaasanik tunniussineq aamma aningaasaliineq
Kommunit ilaasa tapiissutit tunniuttarpaat aningaasartuutit ilissinniit suli akilerneqanngitsut. Pisut ilaanni qinnuteqaatigisarsi akuerineqariartoq tapiissutit tunniunneqarsinnaasarput, assersuutigalugu angalanermi aningaasartuutinut.

Kommunini allani tapiissutit aningaasaliinertut tunniunneqartarput. Tamatuma kingunerisaanik aningaasartuutit nammineerlusi matussusertussaavasi, aamma aatsaat kommune tapiissutinik tunniussisarpoq siunertamut aningaasat atorsimagisi uppernarsisinnaagaangassiuk. Assersuutigalugu inip attartornerani akiligassaq – tapiissutit tunniunneqarnissaat sioqqullugu. Nalinginnaasumik timersortarfiup akiligassaq ilissinnut kommunimullu nassiuttarpaa, matuma kingorna tapiissutit toqqaannartumik timersortarfimmut akiliutigisarlugit.

Malugiuk
Tapiissutit pissarsiasi tamakkerlugit atunngikkussigit, aningaasat sinneruttut kommunimut utertissavasi. Tamanna pisinnaavoq assersuutigalugu angalanissamut tapiissutinik pissarsisimagussi angalanngittoorlusilu imaluunniit timersortarfimmi akunnerit attartorneqartut atorsimanngikkussigit.

Tamatuma nassatarisaanik allannguuteqartoqarsimappat tapiissuteqarnermut sunniuteqartunik, kommunimut ilisimatitsinissamut pisussaatitaavusi.

Qinnuteqarneq pillugu apeqqutissaqarussi kommunerisarsi attavigissavarsi.

Inatsisit pillugit apeqqutissaqarussi, uunga attaveqassaasi:
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Oqarasuaat: (+299) 34 50 00
E-mail: ikin@nanoq.gl

Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl

Illoqarfigisat/Nunaqarfigisat toqqaruk

Alluitsup Paa Sullissivik
3922 Nanortalik
Oqarasuaat: 61 90 30
Fax: 61 90 77