airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Film-iliorneq akisusinnaagajuttarpoq – tamanna piviusulersaarutinik aamma takorluukkanik film-iliornermut atuuppoq. Kulturikkut suliniuteqarneq Namminersorlutik Oqartussat tapersersorneqassasoq kissaatigimmassuk, matumani Kalaallit Nunaanni film-iliortarneq ilanngullugu, film-iliornissamut tapiissutinik Namminersorlutik Oqartussanut qinnuteqarnissamut periarfissaqarputit.

Namminersorlutik Oqartussat pingaarnertut kalaallit film-iliaannut tapiissuteqartarput makkununnga tunngasunut
• takorluukkersaarutinut
• piviusulersaarusiat, eqqumiitsuliortutut immikkut ersersitsisut pingaarnerutillugit
• nalinginnaasumik piviusulersaarusiat


Malugiuk
Kulturikkut tapiissuteqartarnermi aaqqissuussanit arlalinnit suliniummut ataatsimut tapiiffigineqarnissamik qinnuteqarsinnaavutit. Allaaserisani attuumassuteqartuni tamanna pillugu annertunerusumik atuagaqarsinnaavutit.

 

Piumasaqaatit
Aningaasat qinnutigineqarsinnaapput nunatsinni najugaqartunit, pingaarnertut akissarsiutigalugu filmiliortartunit. Filmiliornermik ingerlatsisoq nunatsinni najugalik suleqateqarsinnaavoq nunat avannarlerniit nunat allaniilluunniit.
Qinnuteqarneq

Filmiliornissamik suliniummut tapiiffigineqarnissaq qinnuteqaatiginiarukku, qinnuteqarnermi immersugassaq immersussavat.

Filmiliornermut qinnuteqarnermi immersuiffissiaq

Qinnuteqaammut aningaasanut missingersuusiaq immersugassaq (excel dokument)
Qinnuteqaammut aningaasanut missingersuusiaq immersugassaq (pdf-fil dokument)

Qinnuteqaammut ilanngussassat suut ilanngutissaneritit qinnuteqaatitut immersugassami takusinnaavatit.

fax atorlugu qinnuteqaat nassiussinnaanngilat.

NemID-mik atuisunut
NemID-qaruit, kultureqarnermut aningaasaliissutinut qinnuteqarsinnaavutit nittartakkakkut.

NemID-mik atuisuungikkuit
NemID-qanngikkuit, Qinnuteqaatit ilanngussanik ilaqartoq uunga nassiutissavat ikin@nanoq.gl

 

Ingerlatseriaaseq

Qinnuteqaativit inaarlugu suliarineqarnissaa sivikinnerpaamik sapaatit akunnerinik 6-inik sivisussuseqarnissaa naatsorsuutigissavat. Taamaammat aningaasat atornissaat sioqqullugu apeqqutigisinnaasavit qulaajaaffigisimanissaat isumagisariaqarpat piffissaalluarallartillugulu tapiiffigineqarnissamik qinnuteqarlutit.

Qinnuteqarnermi piffissaliussaq kingulleq eqquutsinngikkukku imaluunniit ilanngussassat pisariaqartut ilanngussimanngikkukkit, nalinginnaasumik itigartinneqassaatit.

 

Allannguut

Tapiissutitut aningaasaliissutinik pissarsisimaguit, Naalakkersuisoqarfimmut naatsorsuutinik tunniussinissamut pisussaaffeqarputit, taassumalu siunertamut tapiissutit atorsimaneritit nalunaarsussavaa. Aningaasat utertillugit tunniutissavatit imaattoqarsimappat:
• Sinneqartooruteqarsimaguit
• Siunertamut aningaasat atorsimanngikkukkit

 

Piffissaliussat

Qinnuteqarnissamut killiliussaq tassaavoq 1. februar

 

Naammagittaalliorneq

Qinnuteqaatinut aaliangiussat allaffissornikkut oqartussaasunut allanut maalaarutigineqarsinnaanngillat, eqqartuussiveqarnikkulli ingerlatinneqarsinnaapput.