Studielån sananeqarsinnaanngikkallarput, attaveqaatikkut ajutooqqaneq peqqutaalluni, Ilinniagaqarnersiuteqartitsivimmit suliaq aaqqinnissaa sulissutigineqarpoq.

Film-iliornermik ingerlatsinermut tapiissutinik qinnuteqarit

Maana qinnuteqarit

FIlmiliorneq akisusinnaagajuttarpoq - tamanna piviusulersaarutinik, oqaluttualianik kiisalu eqqumiitsulianik film-iliornernut atuuppoq. Taamaattumik filmiliornissamut tapiissutinik qinnuteqarnissannut periarfissaqarputit. Filmit makkununnga tunngasut:

• Oqaluttualiat
• Piviusulersaarusiat, eqqumiitsuliortutut immikkut ersersitsisut pingaarnerutillugit
• Naliginnaasumik piviusulersaarusiat

Tv-kkut isiginnaagassiat uani tapiiffigineqarsinnaanngillat.

 

 

Aningaasat qinnutigineqarsinnaapput nunatsinni najugaqartunit, pingaarnertut akissarsiutigalugu filmiliortartunit. Filmiliornermik ingerlatsisoq nunatsinni najugalik suleqateqarsinnaavoq nunat avannarlerniit nunat allaniilluunniit.

Filmiliornissamik suliniummut tapiiffigineqarnissaq qinnuteqaatiginiarukku, qinnuteqarnermi immersugassaq immersussavat.
 
Qinnuteqaammut ilanngussassat suut ilanngutissaneritit qinnuteqaatitut immersugassami takusinnaavatit.

Fax atorlugu qinnuteqaat nassiussinnaanngilat.

NemID-mik atuisunut
NemID-qaruit, kultureqarnermut aningaasaliissutinut qinnuteqarsinnaavutit nittartakkakkut.

NemID-mik atuisuungikkuit
NemID-qanngikkuit, Qinnuteqaatit ilanngussanik ilaqartoq uunga nassiutissavat ikin@nanoq.gl

 

Naatsorsuutigissavat qinnuteqaativit suliarineqarnera tiguneqarneraniit sapaatit akunneri ikinnerpaamik 6-it qaangiuppata aatsaat piareerneqarluni akineqarsinnaammat. Taamaattumik qinnuteqaatinnut tunngatillugu apeqquteqarfigineqarnissat naatsorsuutigissavat aammalu aningaasanik atuinissaq eqqarsaatigalugu qinnuteqaativit piffissaagallartillugu nassiunnissaa isumagissavat.

Qinnuteqarfissami ulluliussat qaangerukkit itigartinneqassaatit.

Tapiissutitut aningaasaliissutinik pissarsisimaguit, Naalakkersuisoqarfimmut naatsorsuutinik tunniussinissamut pisussaaffeqarputit, taassumalu siunertamut tapiissutit atorsimaneritit nalunaarsussavaa. Aningaasat utertillugit tunniutissavatit imaattoqarsimappat:

• Sinneqartooruteqarsimaguit
• Siunertamut aningaasat atorsimanngikkukkit


Qinnuteqarnissamut killiliussaapput 1. februar, 1. maj aamma 1. september.

 

Qinnuteqarfigisavit aalajangersimanerat eqqorsorinngikkukku taakkununnga naammagittaalliutigisinnaanngilat, naammagittaalliuuteqassaguilli taamaallaat eqqartuussivik aqqutigisinnaavat.

 

Ilinniartitaanermut, Kultureqarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.