Studielån sananeqarsinnaanngikkallarput, attaveqaatikkut ajutooqqaneq peqqutaalluni, Ilinniagaqarnersiuteqartitsivimmit suliaq aaqqinnissaa sulissutigineqarpoq.

Atuakkat kalaallisut allatat

Maana qinnuteqarit

Atuakkiortut naqiteriviillu atuakkanik saqqummersitserusuttut Naalakkersuisut Kulturimut aningaasaliissutaannut tapiiffigineqarnissaminnut qinnuteqarsinnaapput.

Namminersorlutik Oqartussat Kulturimut aningaasaliissutaannut qinnuteqarsinnaatitaapput:
• Inuit ataasiakkaat
• Kattuffiit/peqatigiiffiit/suliniaqatigiit
• Atuakkanik saqqummersitsisarfiit

Tapiissutit tunniunneqartassapput atuakkat kalaallisut allaqqasut saqqummersinneqarnissai tapersersorniarlugit, pingaartumik meeqqanut inuusuttuaqqanullu atuakkianut. Atuakkat kalaallisuunngorlugit nutsikkat saqqummersinnissaannut tapiisoqarsinnaavoq. Taamatuttaaq atuakkat immiussat saqqummersinneqarnissai, kiisalu atuakkiornermut pikkorissarnerit assigisaalu taperneqarsinnaallutik..

Makkununnga atorusullugit tapiissutit qinnuteqaatigineqarsinnaanngillat:
• Suliniutinut ingerlareersut, aningaasatigut amigartoorutigilikkannut matussutissatut
• Sakkunik, atortunik, pequtinik, atortorissaarutinik, PC-mik assigisaanillu pisissutissatut
• Sullivissamik pioreersunik iluarsaanissamut, imaluunniit nutaamik sanaartornissanut

Aningaasat tapiissutit tunniunneqarsimasunut naatsorsuutaannik tunniussinissannut pisussaaffeqarputit. Tapiissutit tamakkiisumik imaluunniit ilaannakorlugit utertinneqarnissaat pisinnaavoq, ima pisoqarsimappat:
• Aningaasatigut sinneqartooruteqarpat
• Pilersaarutitit piviusunngorsimanngippata imaluunniit tapiissutit atorfissaasa siunertarisaanut atorsimanngippata

150.000 koruunit sinnerlugit tapiiffigitissimaguit naatsorsuuserisoq kukkunersiuisoq akuerisaq atorneqassaaq.

Atuakkanut kalaallisut allatanut saqqummersitsinissannut Namminersorlutik Oqartussat Kulturinut aningaasaliissutaaannut qinnuteqassaguit, qinnuteqarnermut immersugassaq aningaasanullu missingersuut immersorneqassapput:

NemID-qaruit
Attaveqaatitigut toqqaannartumik qinnuteqarsinnaavutit.

NemID-qanngikkuit
Kulturikkut aningaasanik qinnuteqarniaruit immersugassaq immersoriarlugu allanik pappialanik pisariaqartunik kakkiussillutit uunga nassiussissaatit: ikin@nanoq.gl

Imaluunniit

Immersugassaq aniseriarlugu, immersoriarlugu uunga nassiullugu: ikin@nanoq.gl

Malugiuk qinnuteqaatit fax-ikkut nassiussinnaannginnakku.

Qinnuteqaativit suliarineqarnera tiguneqarneraniit sapaatit akunneri ikinnerpaamik 6-it qaangiuppata aatsaat piareerneqarluni akineqarsinnaanera naatsorsuutigissavat.

Taamaattumik qinnuteqaatinnut tunngatillugu apeqqutissaqassaguit/nalornissuteqassaguit paasereersimanissai/inissereersimanissai isumageriissavatitaammalu aningaasat tapiissutigineqartut atornissai eqqarsaatigalugu qinnuteqaativit piffissaagallartillugu nassiunnissaa isumagissavat.

Qinnuteqarfissami ulluliussat qaangerukkit itigartinneqassaatit.

Qinnuteqarnissamut killiliussaapput 1. februar, 1. maj aamma 1. september.

Tapiissutit atorneqanngitsut qinnuteqarfissamut tulliuttumut ukiumi tassani nuunneqassapput.

Qinnuteqaativit aalajagiiffigineqarnera pillugu IKIIN-imut naammagittaalliuutigisinnaanngilat. Taamaattorli aalajagiineq eqqartuussivimmut saqqummiussinnaavat.

Ilinniartitaanermut, Kultureqarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl
Innuttaasumut

sullissivik.gl-imut tikilluarit

Sullissivik Innuttaasumut isilerputit. Suliffeqarfiutilimmut nuunniaruit, qulaani ‘Suliffeqarfiutilimmut’ toqqassavat.