airplanebooksbriefcase business cogs cross election entertainment fish house law lockmedicalpeopleselfservices socialtax
Nalinginnaasumik paasissutissiineq

Namminersorlutik Oqartussat nunatsinni kulturikkut inuuneq tapersersorusuppaat taamaattumillu eqqumiitsuliortut kulturikkut sulinerminnut legat-inik, eqqumiitsuliortut qaammammut isertitaqalernissaannik qulakkeerinnittunik, qinnuteqaateqarnissaminnut periarfissaqarput.

Piumasaqaatit

Kulturikkut sulinermut legati inuussutissarsiutigalugu eqqumiitsuliornermik suliaqartunut pilersitsisunullu kiisalu eqqumiitsuliortutut piukkunnartunut qaammammut akissarsiassaat qulakkeerniarlugit tunniunneqartarput.

Qinnuteqartut nunatsinni aalajangersimasumik najugaqartunut tunniunneqartarput makkunanilu suliaqartuussallutik:

• assilialiorluni eqqumiitsuliorneq
• atuakkiorneq
• isiginnaartitsivimmi eqqumiitsuliornernut
• nipinik eqqumiitsuliortunut (erinarsornerit nipilersornerillu)
• filmiliorneq
• assassorluni sulineq
• eqqumiitsulianik ilusilersuinerit

Tapiissutit tunniunneqartut pillugit naatsorsuutinik tunniussisussaatitaavutit. Aningaasat eqqumiitsulianik ingerlatsinernut atunngikkukkit legatit uterteqquneqarsinnaapput.

 

Akigititat

Legatit ukioq ataasiakkaarlugit tunniunneqarsinnaapput aamma qaammatikkuutaartumillu legatit 22.000 koruunit tunniunneqartassallutik.

 

Qinnuteqarneq

Kulturimut tunngasunik suliaqartunut tapiissutit qinnuteqaatiginiarukkit, qinnuteqarnermi immersugassaq immersussavat.

Kulturimik sulialinnut aningaasaliissutit - qinnuteqarfissaq (Word)

Qinnuteqaatit fax-ikkut nassiussinnaanngilat.

NemID-mik peqaruit
NemID-eqaruit kulturikkut aningaasanik attaveqaatitigut toqqaannartumik qinnuteqarsinnaavutit.

NemID-mik peqanngikkuit
NemID-mik peqanngikkuit qinnuteqarnissamut immersugassaq immersoriarlugu allanik pappialanik pisariaqartunik kakkiussillutit uunga nassiussissaatit: ikin@nanoq.gl.

 

Suleriaatsit

Naatsorsuutigissavat qinnuteqaativit suliarineqarnera tiguneqarneraniit sapaatit akunneri ikinnerpaamik 6-it qaangiuppata aatsaat piareerneqarluni akineqarsinnaammat. Taamaattumik qinnuteqaatinnut tunngatillugu apeqquteqarfigineqarnissat naatsorsuutigissavat aammalu aningaasanik atuinissaq eqqarsaatigalugu qinnuteqaativit piffissaagallartillugu nassiunnissaa isumagissavat.

Qinnuteqarfissami ulluliussat qaangerukkit itigartinneqassaatit.

Piffissaliussat

Qinnuteqarnissamut killiliussaapput 1. februar, 1. maj aamma 1. september.

 

Naammagittaalliuuteqarneq

Qinnuteqarfigisavit aalajangersimanerat eqqorsorinngikkukku taakkununnga naammagittaalliutigisinnaanngilat, naammagittaalliuuteqassaguilli taamaallaat eqqartuussuvik aqqutigisinnaavat.

 

Allaaserisat attuumassutillit