airplanebooksbriefcase business cogs cross election entertainment fish house law lockmedicalpeopleselfservices socialtax

Namminersorlutik Oqartussat Kulturimut aningaasaliissutaat

Kulturimut aningaasaliissutinik qinnuteqarit
Nalinginnaasumik paasissutissiineq

Eqqumiitsuliortut eqqumiitsuliornissaminnut aningaasanik pissarsinissaminnik akuttunngitsumik ajornartorsiuteqarsinnaasarput. Namminersorlutik Oqartussat nunatsinni kulturimik tapersersuiumapput taamaattumillu eqqumiitsuliortutut suliallit suliaminnik suliniutiminnillu naammassinninnissaminnut Namminersorlutik Oqartussat Kulturimut aningaasaliissutigisartagaannik qinnuteqaateqarsinnaapput.

Nalinginnaasumik kulturilerinermut tipsimit lottomillu aningaasaliissutinit C-nit tapiissutissanik qinnuteqaateqarsinnaavutit. Tamanna ilanngutassiani matumunnga attuumassuteqartuni atuarlutit paasisaqarfiginerusinnaavat.

 

Piumasaqaatit

Namminersorlutik Oqartussat Kulturimut aningaasaliissutigisinnaasaannut makku qinnuteqarsinnaatitaapput:
• Inuit ataasiakkaat
• Kattuffiit
• Suleqatigiit
• Pisortat suliffeqarfiutaat

Kulturimut aningaasaliissutit pingaarnertut inuussutissarsiutigalugu eqqumiitsuliortunut nunatsinni najugaqartunut pilersitsisartunullu tunniunneqarnerusarput. Tassunga tunngatillugu inuussutissarsiutigalugu eqqumiitsuliortoq eqqumiitsuliornerit ilaannik ilinniagaqarsimasuuvoq misilittagalerujussuullunilu.

Tamatuma saniatigut timersoqatigiiffiit peqatigiiffinni aaqqissuussinernut tunngatillugu eqqumiitsuliortut angalanernut aningaasartuutaasa matussutissaannik tapiissutissanik qinnuteqaateqarsinnaapput.

Aningaasat suliniutinut allanut eqqumiitsuliornermi qaffasissumik pitsaassusilinnut aamma tunniunneqarsinnaapput.

Makku tapiiffigineqarsinnaanngillat:
• Piffissaq qinnuteqarfiusussaq sioqqullugu amigartoorutinut matussutissat imaluunniit sulianut
• Sakkunik, atortunik, pequtinik, atortorissaarutinik, qarasaasiamik assigisaanillu pisissutissatut
• Iluarsaassilluni nutaamilluunniit sanalluni

Qinnuteqaatit ilanngussalluunniit qinnuteqaateqarnissamut killissaritittaasup kingornatigut tiguneqartut Namminersorlutik Oqartussanit Kulturimut aningaasaliissutigisartagaannik tapiiffigineqarnissamik qinnuteqaatinik suliaqarnerni ilanngullugit eqqarsaatigineqassanngillat.

 

Qinnuteqarneq

Namminersorlutik Oqartussat kultureqarnermut aningaasaliissutaannit tapiiffigineqarnissaq qinnuteqaatiginiarukku, qinnuteqarnermi immersugassaq immersussavat.

Kultureqarnermut aningaasanut qinnuteqarfissaq (word dokument)
Kultureqarnermut aningaasanut qinnuteqarfissaq (pdf-fil dokument)

Qinnuteqaammut aningaasanut missingersuusiaq immersugassaq (excel dokument)
Qinnuteqaammut aningaasanut missingersuusiaq immersugassaq (pdf-fil dokument)

Qinnuteqaatit fax-ikkut nassiussinnaanngilat.

Qinnuteqaatissannut piumasaqaatit paasilluarusukkukkit Ilinniartitaanermut, Kultureqarnermut, Ilageeqarnermut Naalakkersuisoqarfik attaveqarfigisinnaavat uunga sianerlutit (+299) 34 57 44 imaluunniit e-mailimut: ikin@nanoq.gl.

NemID-mik peqaruit
NemID-mik peqaruit Kulturimut aningaasaliissutissanik attaveqaatitigut toqqaannartumik qinnuteqaateqarsinnaavutit.

NemID-mik peqanngikkuit
NemID-mik peqanngikkuit qinnuteqarnissamut immersugassaq immersoriarlugu allanik pappialanik pisariaqartunik kakkiussillutit uunga nassiussissaatit: ikin@nanoq.gl.

 


Suleriaatsit

Naatsorsuutigissavat qinnuteqaativit suliarineqarnera tiguneqarneraniit sapaatit akunneri ikinnerpaamik 6-it qaangiuppata aatsaat piareerneqarluni akineqarsinnaammat. Taamaattumik qinnuteqaatinnut tunngatillugu apeqquteqarfigineqarnissat naatsorsuutigissavat aammalu aningaasanik atuinissaq eqqarsaatigalugu qinnuteqaativit piffissaagallartillugu nassiunnissaa isumagissavat.

 

Allannguut

Tapiissutit tunniunneqartut pillugit naatsorsuutinik tunniussisussaatitaavutit. Tapiissutisiarisimasatit tamakkiisumik imaluunniit ilaannakorlugit utertinneqarnissaat pisinnaavoq, ima pisoqarsimappat:
• Aningaasatigut sinneqartooruteqalersimaguit
• Suliat pilersaarutitit naammassineqanngippata

 

Piffissaliussat

Qinnuteqarnissamut killiliussaapput 1. februar, 1. maj aamma 1. september.

Ukiup ataatsip iluani, qinnuteqaammi siuliani pissarsiarisimasat sinneri (tassa atunngitsuukkat) qinnuteqaqqinnermi tullermut ilanngunneqartassapput/tapiliunneqartassapput.

 

Naammagittaalliuuteqarneq

Qinnuteqarfigisavit aalajangersimanerat eqqorsorinngikkukku taakkununnga naammagittaalliutigisinnaanngilat, naammagittaalliuuteqassaguilli taamaallaat eqqartuussuvik aqqutigisinnaavat.

 

Allaaserisat attuumassutillit