airplanebooksbriefcase business cogs cross election entertainment fish house law lockmedicalpeopleselfservices socialtax

Atuakkanik kalaallisuunik saqqummersitsinissamut tapiissutit

Tapiissutinik uani qinnuteqarit

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Immikkut taperneqanngikkaanni Kalaallit Nunaanni atuakkamik saqqummersitsiniarneq ajornakusoorsinnaasarpoq. Namminersorlutik Oqartussat Nunatsinni kulturilerineq tapersersorusuppaat, taamaattumik atuakkiortut naqiterisarfiillu atuakkanik kalaallisut allatanik saqqummersitsinissaminnut Namminersorlutik Oqartussat Kulturimut aningaasaliissutaannut qinnuteqarnissaminnut periarfissinneqarput.

 

Piumasaqaatit

Namminersorlutik Oqartussat Kulturimut Aningaasaliissutaannut makku qinnuteqarsinnaatitaapput:
• Inuit ataasiakkaat
• Kattuffiit/peqatigiiffiit/suliniaqatigiit
• Atuakkanik saqqummersitsisarfiit

Atuakkanut kalaallisut oqaasertalinnut saqqummersitassanut, pingaartumillu meeqqanut inuusuttuaqqanullu tulluussagaanerusunut siuarsaarusulluni atuakkiassanut tapiissutit tunniunneqartassapput. Atuakkat kalaallisut oqaasertaqanngitsut kalaallisuunngorlugit nutsikkat saqqummersinnissaannut tapiisoqarsinnaavortaaq. Taamatuttaaq taperneqarsinnaasutut ammatinneqassapput, soorlu atuakkiat oqaasertaannik tusarnaagassanik immiussanik suliat, kiisalu soorlu atuakkiornermik pikkorissarnermut assigisaallu.

Makkununnga atorusullugit tapiissutit qinnuteqaatigineqarsinnaanngillat:
• Suliniutinut ingerlareersut, aningaasatigut amigartoorutigilikkannut matussutissatut imaluunniit
• Sakkunik, atortunik, pequtinik, atortorissaarutinik, PC-mik assigisaanillu pisissutissatut
• Sullivissamik pioreersunik iluarsaanissamut, imaluunniit nutaamik sanaartornissanut

Aningaasat tapiissutit tunniunneqarsimasunut naatsorsuutinik tunniussinissannut pisussaaffeqarputit. Tapiissutit tamakkiisumik imaluunniit ilaannakortumik utertissavatit, imak pisoqarsimappat:
• Aningaasatigut sinneqartooruteqarpat
• Pilersaarutitit piviusunngorsimanngippata imaluunniit tapiissutit siunertaanngitsumut atorsimappata

 

Qinnuteqarneq

Atuakkanut kalaallisut allatanut saqqummersitsinissannut Namminersorlutik Oqartussat Kulturinut aningaasaliissutaaannut qinnuteqassaguit, periutsit marluk atorlugit qinnuteqarsinnaavutit:

NemID-qaruit
Sullissivik.gl-imi imminut sullinniaruit NemID-mik peqaqqaassaatit. NemID netbank-imut atortakkavit assinga atuinnarsinnaavat.

Tassunga tunngasut annerusumik atuakkit, taavalu NemID-mik piniarlutit

Imminut sullinneq aallarteriannguaruk

NemID-mik peqanngikkuit
NemID-mik peqanngikkuit qinnuteqaat immersugassaq immersoriarlugu ilanngussassat ilannguttariallit ilanngullugit allakkatigut uunga nassiutissavatit: ikin@nanoq.gl

Kisianni qinnuteqaatit fax-ikkut nassiussinnaanngilatit.

Qinnuteqaatissannut piumasaqaatit paasilluarusukkukkit Ilinniartitaanermut, Kultureqarnermut Ilageeqarnermullu Naalakkersuisoqarfimmut, uunga sianerlutit (+299) 34 50 00 imaluunniit e-mail: ikin@nanoq.gl attaveqarsinnaavutit.

 

Qinnuteqaatip ingerlanneqarnera

Ilimagissavat qinnuteqaativit suliarineqarnera tiguneqarneraniit sapaatit akunneri ikinnerpaamik 6-t qaangiuppata aatsaat naammassineqarsinnaasoq. Taamaattumik isumatusaarnerussaaq illit nammineerlutit qinnuteqaatinnut tunngasut misissugassat suulluunniit qulaajareersimassagitit, aamma aningaasat siunertannut atorlugit aallartinnginnerini qinnuteqaatit sapinngisamik siusinaartumik nassiukkukku.

 

Piffissaliussat

Kingusinnerpaamik qinnuteqarfissaapput 1. februar, 1. maj aamma 1. september.

Ukiup ataatsip iluani, qinnuteqaammi siuliani pissarsiarisimasat sinneri atunngitsuukkat agguagassanut tullermut ilanngunneqartassapput/tapiliunneqartassapput.

 

Naammagittaalliuuteqarneq

Qinnuteqaatip aalajangiinera naammagittaalliutigisinnaanngilat, kisianni aalajangiussaq eqqartuussuvimmut saqqummiussinnaavat.

 

Allaaserisat attuumassutillit