Utaqqiisaasumik isissutissamik inniminniineq

Isissutissat puigorsimagukku imaluunniit taanna atuuffissaminik qaangiisimappat, utaqqiisaasumik isissutissamik peqartariaqarputit. Taanna pissarsiarisinnaavat periutsit pingasut atorlugit:

• Toqqaannartumik attaveqaatitigoortumik nemid.nu aqqutigalugu utaqqiisaasumik isissutissamik inniminniigit isissutissarlu ilinnut nassiutsillugu
• Innuttaasunut sullissivimmit utaqqiisaasumik isissutissamik pissarsigit
• Netbank-imut NemID atortarukku, illit aningaaserivinni utaqqiisaasumik isissutissamik pissarsigit

Aningaaseriviit tamakkerlutik utaqqiisaasumik isissutissamik ingerlaannartumik ilinnut tunniussisinnaanngillat.

Kinaassutsimut uppernarsaat atorsinnaasoq
Innuttaasunut sullissivik aningaaserivillu kinaassutsimut uppernarsaammik atorsinnaasumik takutitsinikkut taamaallaat utaqqiisaasumik isissutissamik tunniussisinnaapput.

Kinaassutsimut uppernarsaatit atorsinnaasut allassimaffiat

Ammartitseqqinneq
Toqqaannartumik attaveqaatitigoortumik utaqqiisaasumik isissutissamik inniminniisimaguit imaluunniit illit najukkanni innuttaasunut sullissivimmiit utaqqiisaasumik isissutissamik pissarsisimallutit, NemID-ip imminut sullissiffianut isissaatit utaqqiisaasumillu isissutissat atorlugu NemID ammaqqillugu. Illit nammineerlutit isissutissat pilersereerukku, pisarnittut NemID atorsinnaaleqqissavat.

Illit aningaaserivinniit utaqqiisaasumik isissutissamik tunineqarsimaguit, NemID ammaqqinniarlugu illit netbank-innut isissaatit.