airplanebooksbriefcase business cogs cross election entertainment fish house law lockmedicalpeopleselfservices socialtax

Pisortaniit Digitaliusumik Allakkat

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq

Digitaliusumik Allakkerinikkut pisortatigut oqartussaasut aamma innuttaasut suliffeqarfiillu akornanni isumannaatsumik digitalimik attaveqaqatigiinneq periarfissaalissaaq. Digitaliusumik Allakkerinermik periarfissarititaasoq e-Boksimit ingerlanneqarpoq.

e-Boksi tassaavoq internetsikkut digitaliusumik allakkanik allagarsiivik, tassanilu digitalimik allakkat pingaarutillit pisortatigut oqartussaasuneersut ataatsimut isumannaatsumik katersorneqartarput. e-Boksi sumiikkaluaraanniluunniit atorneqarsinnaavoq taamaalilluni qarasaasiakkut, tabletsikkut oqarasuaatikkulluunniit angallattakkamiit atorneqarsinnaalluni.

 

Piumasaqaatit

Juni 2017-imi Naalakkersuisut inatsit Pisortaniit Digitaliusumik Allakkanut tunngasoq akueraat, tassanilu allassimavoq 1. april 2020 aallarnerfigalugu innuttaasut suliffeqarfiillu pisortanit oqartussaasuniit digitaliusunik allagarsisalernissaat piumasaqaataasumik atuutilissasoq.

 

Akigititat

e-Boksip atornera akeqanngilaq aamma e-Boksikkut qanoq amerlatigisunik allagarsisoqarsinnaanera killeqanngilaq.

 

e-Boks NemID-lu

e-Boksimut iserniaruit NemID-it atortariaqarpat.
NemID tassaavoq imminut sullinniarluni pisortanut namminerlu inuttut atorfissanut isertaat isumannaatsoq.

NemID atorlugu atuisutut ilisarnaatit (bruger-id) isertaatillu (adgangskode) atussavatit, soorlu netbankimut pisortallu nittartagaannut.

NemID atorlugu iserniaruit atuisutut ilisarnaatit (bruger-id) allariarlugu isertaatit (adgangskode) allassavat. Tamatuma kingorna nøglekortimiit kode-q (kisitsitit 8-sut) allassavatit imaluunniit NemID app-eq atorlugu iserniarnerit uppernarsarumallugu akuersillutit.

NemID pillugu paasissutissat allat uani atuarsinnaavatit

 

e-Boksitaarit

2019-ip ingerlanerani ukiakkut e-Boksitaarsinnaalissaatit.

 

Pisussaajunnaarsitsineq

Kalaallit innuttaasut 15-ileereersimasut tamarmik suliffeqarfiillu Kalaallit Nunaanni CVR-imut nalunaarsorsimasut tamarmik digitaliusumik allakkanik allagarsiivimmik atuinissaminnut pisussaaffeqarput, tassuunami digitaliusumik pisortatigut oqartussaasunit allagarsisassammata.

Taamaattoq immikkut ittumik inissisimagaanni digitalimik allagarsisarunnaarsitaasoqarsinnaavoq.

Innuttaasut immikkut ittumik inissisimasut Digitaliusumik Allagarsisannginnissartik qinnutigisinnaavaat, kommunerisaminni Innuttaasunut sullissivinnut ornigullutik saaffiginninnermikkut. Innuttaasut suliffeqarfiillu digitaliusumik allagarsisarunnaarnissaminnut tunngavissat 2019-ip ingerlanerani ukiakkut saqqummiunneqarumaarput.

 

Killiliussat

1. april 2020 aallarnerfigalugu innuttaasut suliffeqarfiillu, pisortanit oqartussaasuniit digitaliusunik allagarsisalernissaat piumasaqaataasuimik atuutilissaaq.

 

Pisortatigut oqartussaasunut paasissutissat immikkut ittut

Pisortatigut oqartussaasut e-Boksi aqqutigalugu allagarsisarusuttut suliffimminni atortorissaarutiminnit e-Boksimut attaveqalernissartik namminneq akisussaaffigissavaat.

Tamannali Digitalimik Sullissinermut Aqutsisoqarfik suleqatigalugu pissaaq, pissutigalugu attaveqalernissaq pitinnagu attaveqalernissamut isumaqatigiissut atsiorneqaqqaartussaammat.

Digitaliusumik allagarsititsisarnissamut ikaarsaarnissaq pillugu paasissutissat Digitalimik Sullissinermut Aqutsisoqarfimmit ataavartumik digitalpost.gl-ikkut saqqummiunneqartarumaarput.

 

Attavissaq

Digitaliusumik Allakkerineq pillugu apeqqutissaqaruit oqaasissaqaruilluunniit Digitalimik Sullissinermut Aqutsisoqarfik attaveqarfigisinnaavat ugguuna digitalpost@nanoq.gl

 

Inatsisit