airplanebooksbriefcase business cogs cross election entertainment fish house law lockmedicalpeopleselfservices socialtax

Aallaasinik piniutinik eqqussineq annissinerlu

Kommunerisannuinnaq aalajangersimasunik paasissutissaqarpoq

Kommune toqqaruk
Aallaasinik piniutinik eqqussineq annissinerlu

Eqqussineq
Aallaasit piniutit eqittaannartakkat tamarmik Kalaallit Nunaannut eqqunneqarsinnaallutillu paarineqarsinnaapput, taamaammallu akuersissummik peqarnissaq piumasaqaataanngilaq. Taamaattorli dansk-it nunanilu allani oqartussat nunanit taakkunannga aallaammik annissisinnaalersinnak Kalaallit Nunaannut aallaammik eqqussinissamut akuersissummik peqarnissat piumasarisarpaat. Taamaammat Kalaallit Nunaannut aallaammik eqqussiniaruit akuersissummik peqassaatit:

  • Nunani allani aallaammik piniummik pisiguit
  • Danmark-imiit imaluunniit nunanit allaniit Kalaallit Nunaannut nuukkuit aallaammillu piniummik nassataqaruit


Aallaammik eqqussinissamut akuersissummik qinnuteqarniaruit, immersugassaq immersussavat.

Aallaammik eqqussinissamut qinnuteqarnissamut immersugassaq. (Immersuiffissaq taamaallaat dansk-isut allassimavoq)

Immersugassaq immersorneqarsimasoq politiinut tunniulluguluunniit nassiussinnaavat. Immersugassaq aamma politiinut e-mail-ikkut nassiussinnaavat. E-mail-i immersugassami takuneqarsinnaavoq.


Annissineq

Aallaammik piniummik Kalaallit Nunaanniit annississaguit, annissinermi siunertaasoq aallaavigalugu, politiiniit akuersissummik imaluunniit oqaaseqaammik pissarseqqaassaatit:

  • Danmark-imut imaluunniit nunamut allamut nuunniaruit, annissinissamut akuersissummik peqassaatit
  • Nunani allani sunngiffeqarlutit angalaninni aallaammik piniummik nassataqarniaruit, akuersissummik peqarnissap pisariaqannginnera pillugu oqaaseqaammik peqassaatit

Aallaammik annissinissamut qinnuteqarniaruit immersugassaq immersussavat.

Aallaammik annissinissamut qinnuteqarnissamut immersugassaq. (Immersuiffissaq taamaallaat dansk-isut allassimavoq)

Immersugassaq immersorneqarsimasoq politiinut tunniulluguluunniit nassiussinnaavat. Immersugassaq aamma politiinut e-mail-ikkut nassiussinnaavat. E-mail-i immersugassami takuneqarsinnaavoq.


Malugiuk

Aallaammik eqqussinissamut imaluunniit annissinissamut qinnuteqarninniit akuersissut allakkatigut sapaatit akunneri marluk missaasa ingerlaneranni pissarsiarissavat.
Allaaserisat attuumassutillit