airplanebooksbriefcase business cogs cross election entertainment fish house law lockmedicalpeopleselfservices socialtax

Qamuteralannik nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq Nalinginnaasut

Nalinginnaasumik paasissutissiineq
Nalunaarsortinneri
Qamuteralaat inatsit malillugu nalunaarsorneqarsimasussaapput.
Piumasaqaatit
Qamuteralaat nalunaarsortinniarukku politiinut saaffiginnissaatit.

Makku nassassavatit:
Qamuteralak – nalunaarsuinermi qamuteralak ajoquteqannginnersoq politiit nalilissavaat. Annermik qulliit, unittaatit aquutaalu politiit eqqumaffigissavaat.
Sillimmasiisimanermut uppernarsaat
Nalunaarsuinermi immersugassaq immersorsimasoq aammalu atsiorsimasoq. Piginnittoq pillugu paasissutissat immersugassami aammalu sillimmasiisimanermut uppernarsaammi assigiissapput.

Nalunaarsuinermi immersugassaq

Malugiuk
Malugiuk stelnummer politiinut takutinnerani salinneqarsimassammat aammalu ersarissammat.

Illoqarfimmi politeeqarfeqanngitsumi najugaqaruit politeeqarfik qaninnerpaaq attavigissavat, isumaqatigiissutigissavarsilu qanoq ilillutit qamuteralak nalunaarsortissanerlugu aammalu nummerpladenik pissarsissanerlutit.

Nalunaarsuinermut ilisarnaatit
Nalunaarsuisimanermut uppernarsaammut nalunaarsuinermut ilisarnaatit marluk aammattaaq tigussavatit. Ilisarnaatit qamutip saneraanut illugiinnik imaluunniit motoorip qalequtaanut nipputsissavatit. Isumannanngitsumik ikkunniarukkit ikkussivissat eqqiarluarsimasariaqarpoq. Ikkussivissap kissasseqqarnissaa pisariaqarsinnaavoq, imaassinnaavoq tagiartorneratigut.

Atuiunnaarluni nalunaaruteqarneq
Qamuteralaat pigisavit nalunaarsorneqarsimanera kissaatigiunnaarukku, taassuminnga atuinnaarnerit nalunaarutigissavat. Politiit attaviginerisigut taamaaliorsinnaavutit. Assersuutigalugu tunissagaluarukku taamaaliussaatit. Tamatuma kingorna piginnittup nutaap pisussaaffigaa qamuteralak imminut nalunaarsortissallugu.

Qamuteralammik piginnittup nutaap imminut nalunaarsoreersimalerpagu, qamuteralaap ilinnut nalunaarsorsimajunnaarneranut politiit nalunaarfigissavaatsit.

Nalunaarsuinermi ilisarnaatit
Qamuteralaat atorunnaarlugu nalunaaruteqareeruit, nipputsitassanik ilisarnaateqanngitsunik, nalunaarsuinermi ilisarnaatit qaavinut nipputsitassannik, politiit tunissavaatsit. Aammattaaq piiginnarsinnaavatit. Eqqumaffigiinnassavat ilisarnaatit eqqortumik ikkussimanngippata qalipaataa ajoqusersinnaammat.
Ingerlatseriaaseq
Nalunaarsuinermi uppernarsaat
Politiit nalilerpassuk suut tamarmik pissusissamisoortut, nalunaarsuinermi uppernarsaat politiit ilinnut tunniutissavaat aammalu assinganik sillimmasiisarfiit nassissallugu.
Allannguineq
Nalunaarsuereernermi paasissutissat, qamut pillugu immersukkami nalunaarsorneqarsimasut, allanngorsimappata, allannguineq politiinut nalunaarutigineqassaaq. Tamatuma kingorna politiit nutaamik nalunaarsuinermi uppernarsaasiussapput. Taamaattorli najukkamik allannguinermi atunngilaq.
Piffissarititaasut
Piginnittoq allanngorpat piginnittup - piginnittup nutaap - piaarnerpaamik – nutaamillu piginnittoqalerneraniit kingusinnerpaamik sapaatip akunneri pingasut qaangiutsinnagit – qamut pillugu nalunaartussaatitaavoq, qamut atorunnaarsinneqareersimanngippat.
Inatsisit
Kalaallit Nunaanni qamutit nalunaarsorneqartarnerat pillugu Nalunaarut nr. 573 31. maj 2013-imeersoq.
Allaaserisat attuumassutillit
Politeeqarfik Ilulissat
Postboks 505
3952 Ilulissat

Oqarasuaat: (+299) 70 14 22
Fax: (+299) 94 44 04
Oqarasuaat angallattagaq: (+299) 54 38 22
E-mail: grl-ilulissat@politi.dk

Politeeqarfik Qaanaaq
Postboks 86
B-243
3971 Qaanaaq

Oqarasuaat: (+299) 70 14 28
E-mail: grl-qaanaaq@politi.dk
Nittartagaq: www.politi.gl

Politeeqarfik Pituffik
Postboks 120
B-252-B
3970 Pituffik

Oqarasuaat: (+299) 70 14 29
E-mail: grl-pituffik@politi.dk
Nittartagaq: www.politi.gl
Politeeqarfik Upernavik
Postboks 30
Niuertup Ottup Aqq B-88
3962 Upernavik

Oqarasuaat: (+299) 70 14 27
E-mail: grl-upernavik@politi.dk
Nittartagaq: www.politi.gl
Politeeqarfik Uummannaq
Postboks 39
Radioqarfiup Aqq B-1100
3961 Uummannaq

Oqarasuaat: (+299) 70 14 26
E-mail: grl-uummannaq@politi.dk
Nittartagaq: www.politi.gl