airplanebooksbriefcase business cogs cross election entertainment fish house law lockmedicalpeopleselfservices socialtax

Traktorinik qamutinillu motoorilinnik nalunaarsuineq, nalunaarsuinermik allannguineq aammalu atuiunnaarnermik nalunaaruteqarneq

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Traktorit qamutillu motoorillit, namminneq oqimaassutsimikkut 2.000 kg-nik oqimaannerusut, inatsit malillugu nalunaarsorneqarsimasussaapput.
Piumasaqaatit
Nalunaarsortinneri
Traktorit imaluunniit qamutit motoorilik nalunaarsortinniarukku politiinut saaffiginnissaatit. Makkua nassassavatit:

Traktori imaluunniit qamut motoorilik – nalunaarsuinermi biili ajoquteqannginnersoq politiit nalilissavaat. Annermik qulliit, unittaatit aquutaalu politiit eqqumaffigissavaat.
Sillimmasiisimanermut uppernarsaat
• Akileraarutip akilersimaneranut uppernarsaat
Nalunaarsuinermi immersugassaq immersorsimasoq aammalu atsiorsimasoq. Piginnittoq pillugu paasissutissat immersugassami aammalu sillimmasiisimanermut uppernarsaammi assigiissapput.


Nalunaarsuinermi immersugassaq


Malugiuk
Malugiuk stelnummer politiinut takutinnerani salinneqarsimassammat aammalu ersarissammat.

Illoqarfimmi politeeqarfeqanngitsumi najugaqaruit politeeqarfik qaninnerpaaq attavigissavat, isumaqatigiissutigissavarsilu qanoq ilillutit traktorit imaluunniit qamutit motoorilik nalunaarsortissanerlugu aammalu nummerpladenik pissarsissanerlutit.


Atuiunnaarluni nalunaaruteqarneq
Traktorivit imaluunniit qamutivit motoorillip nalunaarsorneqarsimanera kissaatigiunnaarukku, qamummik atuinnaarnerit nalunaarutigissavat. Assersuutigalugu tunissagaluarukku taamaaliussaatit. Tamatuma kingorna piginnittup nutaap pisussaaffigaa qamut imminut nalunaarsortissallugu.

Traktorimik imaluunniit qamummik motoorilimmik atuisuujunnaarlutit nalunaaruteqarniaruit nummerplade politiinut tunniutissavat.

Traktorimik imaluunniit qamummik motoorilimmik piginnittup nutaap imminut nalunaarsoreersimalerpagu, ilinnut nalunaarsorsimajunnaarneranut politiit nalunaarfigissavaatsit.
Ingerlatseriaaseq

Nalunaarsuinermi uppernarsaat
Politiit nalilerpassuk suut tamarmik pissusissamisoortut, nalunaarsuinermi uppernarsaat politiit ilinnut tunniutissavaat aammalu assinganik sillimmasiisarfiit nassissallugu.
Sillimmasiininni normut imaluunniit policenummer nalunaarsuinermi uppernarsaammi allaqqavoq.

Nummerpladet
Nalunaarsuinermut uppernarsaat tigugukku nummerplade ilanngullugu tigussavat, taannalu qamutip siornganut ikkunneqassaaq.

Allannguineq
Nalunaarsuereernermi paasissutissat, qamut pillugu immersukkami nalunaarsorneqarsimasut, allanngorsimappata, allannguineq politiinut nalunaarutigineqassaaq. Tamatuma kingorna politiit nutaamik nalunaarsuinermi uppernarsaasiussapput. Taamaattorli najukkamik allannguinermi atunngilaq.
Piffissarititaasut
Piginnittoq allanngorpat piginnittup - piginnittup nutaap - piaarnerpaamik – nutaamillu piginnittoqalerneraniit kingusinnerpaamik sapaatip akunneri pingasut qaangiutsinnagit – qamutit pillugit nalunaartussaatitaavoq, qamutit atorunnaarsinneqareersimanngippata.
Inatsisit
Kalaallit Nunaanni qamutit nalunaarsorneqartarnerat pillugu Nalunaarut nr. 573 31. maj 2013-imeersoq.
Allaaserisat attuumassutillit