airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Nioqqutissanik eqqussuinermi akitsuutit tassaapput nioqqutissanik Kalaallit Nunaannut eqqussiguit akiligassatit. Akitsuutit tassaapput toqqaannanngitsumik akileraarutinik taaneqartartut.

Nioqqutissat ilaat eqqunneqarneranni akitsuusigassaapput. Allat akitsuusigaanngillat, ima paasillugu, nioqqutissat eqqunneqarnerini akilertariaqanngitsut. Aammattaaq nioqqutissaqarpoq eqquteqqusaanngitsunik.

Nioqqutissat akitsuuserneqartussaasut Kalaallit Nunaannut nassiussimagukkit, inuk nioqqutissanik tigusisoq tassaavoq eqqussinermi akitsuutinik akiliisussaq.

Kangerlussuarmi, Narsarsuarmi Kulusummilu eqqussanik nakkutilliisoqartarpoq.
Akigititat
Nioqqutissat ilaat eqqunneqarneranni akitsuusigaapput, soorlu nerisassat. Akigititat takussutissami ‘Kalaallit Nunaannut eqqussinermi akitsuutit allattorsimaffianni’ takusinnaavatit.

Eqqussinermi akitsuutit allattorsimaffiat
Akiliineq
Eqqussinermi akitsuut nassiussanik naammassinnittartumut imaluunniit Akileraartarnermut Aqutsisoqarfimmut akilissavat. Ullut 14-it qaangiutsinnagit akitsuut akilereersimassavat. Akiliinngikkuit Akileraartarnermut Aqutsisoqarfiup pisiatit tigummiinnarsinnaavai.

Namminersorlutit suliffiuteqaruit imigassanik tupanillu akileraarutitaqanngitsunut malittarisassat malillugit annertunerusunik eqqussiniaruit, Akileraartarnermut Aqutsisoqarfimmut eqqussisinnaanermik immikkut ittumik qinnuteqaqqaassaatit. Taamatullu akitsuutit akileriikkatit Akileraartarnermut Aqutsisoqarfimmut saaffiginninnikkut utertissinnaavatit.
Nioqqutissat akileraaruteqanngitsut
Nioqqutissat akileraaruteqanngitsut tassaapput nioqqutissat eqqussuinermi akitsuutinik akiliuteqarfigisariaqanngisatit. Kalaallit Nunaannut nioqqutissat suut aamma nioqqutissat ataasiakkaat qanoq amerlatigisut eqqussinnaaneritit pillugit ersarilluinnartunik maleruagassaqarpoq.

Nioqqutissat akileraaruteqanngitsut pillugit takussutissaq

Umiatsiat aamma umiatsianut kingoraartissamaatit eqqunneqarnerannut akitsuusiisoqarneq ajorpoq.
Nioqqutissat eqquteqqusaanngitsut
Makku eqqunnissaat inerteqqutaavoq:
• Motorcykelit
• Ikiaroornartut
• Iisartakkat nukkassaatit (doping)
• Immiassat, sungarnitsussat (humle) akuutissallu allat angerlarsimaffimmi aalakoornartulinnik imigassaliornermi atorneqartartut
• Nioqqutissat Cites pillugu maleruagassanut ilaasut
Inatsisit
Nioqqutissanik eqqussuinermi akitsuutit pillugit inatsisit Akileraartarnermut Aqutsisoqarfiup nittartagaani takusinnaavatit.