airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Eqquiniaasitsinermi akileraarut tassaavoq, aningaasannanniarluni katersinermi kikkut tamarmik Nunatta Karsianut akiligassaat. Akileraarut taama ittoq taaneqartarpoq, eqqugassat ilanngaataannit akileraarutissat.

Eqquiniaasitsinerni tamani eqquiniaasitsinermi akileraarummik akiliisoqassaaq, assersuutigalugu bingo, banko, kikkulluunniit unammisinneqarnerini eqqugassanik nalilinnik.
Eqquiniaasitsinermi aningaasaannaat nioqqutissallu pineqarput. Akileraarut akilerneqassaaq peqatigiiffik matoqqasumilluunniit eqquiniaasitsigaluarpat, assersuutigalugu timersoqatigiiffiit imaluunniit peqatigiiffiit soorlu bingortitsigaluarpata, eqquiniaasitsigaluarpata kikkulluunniit ornissinnaasaannik.

Eqquiniaasitsiniaruit kikkunnut tamanut ammasumik, kikkut tamarmik peqataaffigisinnaasaannik, soorlu illoqarfimmi katerisimaartoqartillugu, taava kommunimit politiinillu akuersissummik peqqaassaatit. Assersuutigalugu illoqarfimmi nuannannermuusinnaavoq.

Paatsuungassuteqaruit Akileraartarnermut Aqutsisoqarfiup akitsuuserivia attavigisinnaavat.
Akigititat
Eqqukkat siulliit 200 koruuniuppata, eqquiniaasitsinermi akileraarusiisoqassanngilaq. Eqquiniaasitsinermi eqqukkat nalingisa 200 koruuninit amerlaneruppata, taakku 15 %-iinik akileraarusiisoqartassaaq.

Assersuutigalugu 300 koruuninik eqquisoqarpat, taava 100 koruunit akileraaruserneqassapput, pissutigalugu 200 koruunit siulliit akileraarutaasussaanngimmata. 100 koruunip 15 %-ia tassa 15 koruunit. Ima isumaqarpoq 300 koruuninik eqquisoqarpat, 15 koruuninik eqquiniaasitsinermi akileraarusiisoqassaaq.

Aamma tamanna atuutissaaq, eqqugassat nioqqutissaappata, biilit nioqqutissalluunniit allaagaluarpata.

Qarasaasianni Excel-imik ikkusimasoqarpat, eqquiniaasitsinermi akileraarut immersuiffissami ataaniittumi naatsorsorsinnaavat.

Naatsorsuinermi immersuiffissaq (Excel)
Akilersuineq
Illit nammineq eqquiniaasitsinermi akileraarutaasussaq naatsorsussavat. Eqquiniaasitsinermi nalunaarut atorlugu nalunaaruteqassaatit Akileraartarnermullu Aqutsisoqarfiup kontuanut akiliillutit. Nalunaarut kontullu normua Akileraartarnermut Aqutsisoqarfimmut saaffiginninnikkut pissarsiarisinnaavatit.

Eqqugassat tamaasa eqquiniaasitsinermi nalunaarummi allassavatit – aamma eqqugassat 200 koruunit ataallugu nalillit.

Eqquiniaasitsinermi nalunaarut immersussavat eqquiniaasitsinermilu akileraarut eqquiniaasitsereernerup kingorna ullut 14-it qaangiutsinnagit akilerlugit. Eqquiniaasitsinermi akileraarutit piffissaagallartillugu akilerneqarsimanngippata, akiligassat 2 %-inik ilaneqassapput. Tamanna aamma atuutissaaq eqquiniaasitsinermi nalunaarutini immersorneqarsimasuni eqqunngitsumik nalunaaruteqartoqarsimappat.

Allakkerivinni, aningaaserivinni imaluunniit Akileraartarnermut Aqutsisoqarfikkut toqqaannartumik akiliisinnaavutit. Akileraartarnermut Aqutsisoqarfimmi aningaasanik akiliuteqartoqarsinnaanngilaq, kortit akiliutit kisimik atorneqarsinnaapput.
Inatsisit
Eqquiniaasitsinermi akileraarutit pillugit inatsisit Akileraartarnermut Aqutsisoqarfiup nittartagaani takusinnaavatit.
Akileraartarnermut Aqutsisoqarfik
Postboks 1605
3900 Nuuk

Oqarasuaat: 34 65 00
Fax: 32 20 42
E-mail: tax@nanoq.gl
Nittartagaq: www.aka.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00