airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Qamutinik motoorilinnik pigisaqartut aqqusinernik tamanit angallaffigineqartuni angallatillit ukiumut marloriarlutik akiliisarnissaat Akileraartarnermut Aqutsisoqarfimmit isumagineqartarpoq. Aningaasat motoorinut akitsuutigitineqartut aqqusinernut tamanit angallaffiusunut iluarsaassinernut atorneqartarput.

Qamutinik motoorilinnik peqartut tamarmik, inuinnaat suliffeqarfiillu, motoorimut akitsuummik akiliisinneqartarput. Motoorimut akitsuutip qanoq annertutiginissaanut qamutit qanoq oqimaatsigineri apeqqutaavoq.

Motoorinut akitsuummik akiliisinneqarneq ajortunik peqarpoq.
Akigititat
Motoorimut akitsuutip qanoq annertutiginissaanut qamutit motoorillit qanoq oqimaatsiginersut apeqqutaavoq:
• Qamutit motoorillit 1.000 kg-t tikillugit oqimaassusillit: ukiumut 6.554 kr.-nik akitsuuteqarput
• Qamutit motoorillit 1.001 kg-miit 1.200 kg-t angullugit oqimaassusillit: ukiumut 10.049 kr.-nik akitsuuteqarput
• Qamutit motoorillit 1.201 kg-miit 1.500 kg-t angullugit oqimaassusillit: ukiumut 10.747 kr.-nik akitsuuteqarput
• Qamutit motoorillit 1.501 kg-miit 1.800 kg-t angullugit oqimaassusillit: ukiumut 15.231 kr.-nik akitsuuteqarput
• Qamutit motoorillit 1.800 kg-t angullugit oqimaassusillit: ukiumut 17.575 kr.-nik akitsuuteqarput
• Motorcykelit: ukiumut 3.540 kr.-nik akitsuuteqarput

Motoorit akitsuutaannut akit nalunaarsuiffimmi takusinnaavatit uani ‘Qamutit motoorillit akitsuutaannut nalunaarsuiffik 1. april 2013-imeersoq’.

Qamutit motoorillit akitsuutaannut nalunaarsuiffik 2013-imeersoq
Akiliisinneqarneq ajortut
Motoorinut akitsuummik akiliisinneqarneq ajortunik peqarpoq. Tassaappullu:
• Qatserutit
• Ambulancit
• Savaatillit aamma tuttuutillit qamutaat motoorillit
• Nunat allamiut aallartitaasa qamutaat motoorillit
• Ilaatigullu innarluutillit qamutaat motoorillit
• Qamutit motoorillit innaallagiaannarmik imaluunniit brintiinnarmik ingerlasut 1. januar 2019-ip tungaanut

Innarluutillit qamutaat motoorillit tamatigut akiliisussaatitaanngillat. Akiliinngitsoorniaruit qinnuteqaatigissavat. Qinnutiginiarukku kommunerisanni sullissisoq saaffigissavat.

Snescooterit sanasullu qamussui angisuut qamutitut motoorilittut taagorneqartut akornanniinngillat.
Akilersuineq
Motoorimut akitsuut ukiumut marloriarluni akilerneqartassaaq, kingusinnerpaamik 20. april aamma 20. oktober akiliisoqartassalluni. Motoorinut akitsuut Akileraartarnermut Aqutsisoqarfiup isumagisaraa. Piffissaq eqqorlugu motoorinut akitsuut akilinngikkukku ilassummik 500 koruuninik akiliissaatit.

Motoorinut akitsuut aningaaserivikkut, allakkerivikkut Akileraartarnermulluunniit Aqutsisoqarfimmut akilersinnaavat. Akileraartarnermut Aqutsisoqarfimmi aningaasaannarnik akiliisoqarsinnaanngilaq, akiliut korti atortariaqarpoq.

Malugiuk
Qamutit motoorillit nummerplade-at ilanngullugu tunineqarpata, pisisup tunisisullu akunnerminni motoorimut akitsuutip akilerneqarnissaa isumaqatigiissutigissavaat.

Assersuutigalugu qamutinik tunisisup motoorimut akitsuut akilersimappagu, pisisup tunisisullu isumaqatigiissutigissavaat, pisisup motoorimut akitsuut akileriigaq isumagisassarilissagaa, imaluunniit pisisup tunisisup motoorinut akitsuummut akiliutigisimasai utertissagai.
Allaaserisat attuumassutillit