Sulisitsisut Allattoqarsimaffiat, Akileraartarnermut Aqutsisoqarfiup ingerlataraa, Kalaallit Nunaannilu sulisitsisut tamarmik tassani nalunaarsorneqassallutik. Sulisitsisut Allattorsimaffianniit isumagineqarpoq sulisitsisut pisinnaatitaaffitik eqqortinneraat nakkutigissallugu.
Kalaallit Nunaanni sulisitsisuuguit pisussaaffeqarputit, soorlu:
- Akileraartarnermut Aqutsisoqarfimmi, Sulisitsisut Allattorsimaffianni nalunaarsimassaatit
- Sulisuit skattekort-ii tigussavatit paasissutissallu nalunaarsorlugit
- Sulisuit akissarsineri tamaasa A-nik akissarsiaasa akileraarutissartai naatsorsussavatit
- Sulisuit sulinngiffeqarnerminni aningaasarsiassaasa akileraarutissaat malittarisassat aalajangersimasut tunngavigalugit naatsorsussavatit
- Sulisuit isertitaat A-t, akileraarutaallu A-t akissarsineri tamaasa naatsorsortassavatit
- Sulisuit isertitaat A-t naatsorsuusiortassavatit
- Qaammatip siuliani sulisuit isertitaat A-t, akileraarutaallu A-t qaammatit tamaasa sukumiisumik nassuiaatikkut nassiuttassavatit
- Qaammatip siuliani isertitat A-t akileraarutissartaat qaammatit tamaasa akilertassavatit
- Sulisoqarnermut akitsuut (AMA), nalunaarutigalugulu akilissavattaaq
Sulisitsisutut nalunaarsuinermi, nalunaaruteqarnissamilu immersuiffissat sukumiisut Sulisitsisut Allattorsimaffiannit imaluunniit Akileraartarnermut Aqutsisoqarfiup nittartagaanut www.aka.gl -imut, imaluunniit ornigulluni saaffiginninnikkut pineqarsinnaapput.
