airplanebooksbriefcase business cogs cross election entertainment fish house law lockmedicalpeopleselfservices socialtax

Akileraarutit akilernissaannik kinguartitsinissamut qinnuteqarneq

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Akileraartarnermut Aqutsisoqarfiup aningaasarsianik akileraaruteqataasussanik annertussusiliinera akileraarummut akiligassannut tunngaviusoq, imaluunniit naatsorsuineq eqqunngitsuusoq isumaqaruit taamaalillutillu akileraarutinik annertuallaamik akiliinissat annertuallaartoq, taava naammagittaalliuteqarsinnaavutit. Qanoq iliorsinnaanerit pillugu atuarsinnaavat uani:

Akileraarneq pillugu naammagittaalliuut

Akileraarusiinernik aalajangiisartut naammagittaalliuutinnik suliaqartussaapput. Naammagittaalliuutivit Akileraarusiinernik aalajangiisartut suliarineqarnera naammassitserlugu, aallaavittut isigalugu nalinginnaasumik akileraarutissatit akilertartussaavatit. Taamaattoq akiliuteqarnissamut kinguartitsinissaq qinnuteqaatigisinnaavat. Tamatuma kingunerisaanik, naammagittaalliutivit Akileraarusiinernik aalajangiisartunit suliarineqarnerata nalaani, akileraarutit ilaat eqqunngitsumik akilersinniarneqartutut isumaqarfigisavit, akilinnginnissaat qinnuteqaatigisinnaavat.

Akiliuteqarnissamut kinguartitsineq tamakkiisuusinnaavoq ilaannakuulluniluunniit. Ukiut sisamat sinnerlugit kinguartitsineq pisinnaanngilat.
Piumasaqaatit
Kinguartitsinissaq pissarsiarissagukku Akileraarusiinernik aalajangiisartut piumasarisinnaavaat sillimmasiissasutit, assersuutigalugu aningaaseriviup qulakkeerinninnera imaluunniit illumik, biilimik imaluunniit umiatsiamik qularnaveeqqusiinikkut. Tamatuma kingunerisaanik assersuutigalugu illit illut, biilit imaluunniit umiatsiat tunisariaqalersinnaavat, imaattoqarpat:
• Naammagittaalliuutinik taperserneqanngikkuit
• Akileraarutit suliassiinivit ingerlanerani kinguartinneqarsimasut akilersinnaanngikkukkit

Nalinginnaasumik taamaallaat kinguartitsisinnaavutit Akileraarusiinermik aalajangiisartut isumaqarpata, naammagittaalliuutit tamakkiisumik ilaannakuusumilluuniit taperserneqarumaartoq.
Qinnuteqarneq
Kinguartitsineq qinnuteqaatiginiarukku qinnuteqaatit uunga nassiutissavat:

Akileraarusiinermik aalajangiisartut
Postboks 1037
3900 Nuuk
Akileraartarnermut Aqutsisoqarfik
Postboks 1605
3900 Nuuk

Oqarasuaat: 34 65 00
Fax: 32 20 42
E-mail: tax@nanoq.gl
Nittartagaq: www.aka.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00
Akileraartarnermut Aqutsisoqarfik
Siunnersuineq Nakkutilliinerlu
Postboks 1605
3900 Nuuk

Oqarasuaat: 34 50 00
Fax: 32 20 42
E-mail: tax@nanoq.gl
NIttartagaq: aka.gl