airplanebooksbriefcase business cogs cross election entertainment fish house law lockmedicalpeopleselfservices socialtax

Nammineq nalunaarsugassat qanoq immersussanerlugu takujuk


Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Nammineerluni nalunaarsuiffik tassaavoq, ukiumi aningaasarsiorfimmi aningaasarsiannik A-nik B-nillu kiisalu aningaasartuutinik ilanngaatigisinnaasannik naatsorsuiffik. Immersugassaq Akileraartarnermut Aqutsisoqarfimmit naqitaareerluni nassiunneqartarpoq, tassani allaqqasarput paasissutissat assersuutigalugu illit sulisitsisunnit aningaaserivinniillu nassiunneqarsimasut.

Nammineerlutit nalunaarsuiffissat najukkatut nalunaarsimaffinnut nassiunneqassaaq. Nammineerlutit nalunaarsuiffissami paasissutissat eqqunngippata, pisussaavutit Akileraartarnermut Aqutsisoqarfik naqqiissutinik paasitissallugit. Taamaaliussaatillu nammineerluni nalunaarsuiffimmi paasissutissat naqqissorneratigut. Taamaaliunngikkuit inaarummik naatsorsuiffimmi ilinnut tunngasumi kukkusumik naatsorsuisoqassaaq aammalu 'aalajangiissamaarneq pillugu allakkanik' Akileraartarnermut Aqutsisoqarfimmit allaffigineqassaatit.

Nammineerlutit nalunaarsuiffik naqqiissutitalik Akileraartarnermut Aqutsisoqarfimmut kingusinnerpaamik 1. maj nassiutissavat. Nammineerlutit nalunaarsuiffiit naqitaq tamakkiisumik akuerigukku, allamik iliuuseqaqqittariaqanngilatit.
Aalajangiissamaarneq pillugu allakkat
Akileraartarnermut Aqutsisoqarfiup paasissutissat naqereersimagaluarai nammineerlutit paasissutissat eqqortuunersut misissussavatit. Imaassinnaammat sulisitsisunnit paasissutissat tamakkerlugit pissarsiarisimanngikkaat.

Nammineerlutit nalunaarsuiffinni paasissutissat eqqunngitsut iluarsinngikkukkit, Akileraartarnermut Aqutsisoqarfimmit ‘aalajangiissamaarneq pillugu allakkanik’ tunineqassaatit taannalu tunngavigalugu ilimagisat naapertorlugit isertitatit aalajangersarneqassallutik. Akileraarutissaviit 200 koruunit 2.000 koruunillu akornanni amerlatigisunik ilaneqassallutik, namminersorlutillu inuussutissarsiuteqaruit 200 koruunit 5.000 koruunillu akornanni ilaneqassallutik.
Imatut iliussaatit
Nammineerlutit nalunaarsuiffinnut periutsit pingasut atorlugit naqqiissuteqarsinnaavutit:
  • Attaveqaatitigoortumik NemID atorlugu Imminut sullinnikkut
  • Attaveqaatitigoortumik NemID atornagu Akileraartarnermut Aqutsisoqarfiup nittartagaatigut
  • Allakkatigut, nammineerlutit nalunaarsuiffiit iluarsisaq allakkerivikkut Akileraartarnermut Aqutsisoqarfimmut nassiunneratigut

Akileraarutit sippuutaannik utertoornissat naatsorsuutigigukku, nammineerlutit nalunaarsuiffimmut aningaaserivimmi kontuit normua allassinnaavat. Ukiut tamaasa taamaaliortassaatit.

Ukioq akileraarfiusoq 2015 eqqarsaatigalugu, 2016-imi 9. august sioqqullugu Aallaaviusumik paasissutissani ilinnut tunngasuni aningaaserivimmi kontuit normua eqqortoq allassavat. Pisortanut akiitsoqanngikkuit akileraarutit sippuuteqarsimappata konto normut taanna atorlugu Akileraartarnermut Aqutsisoqarfimmit inaarummik naatsorsuutinut atatillugu nuussisoqassaaq.

Pisortanut akiitsoqaruit akiitsutit utertooruteqannginninni akiliutitut atorneqassapput, tamatumalu kingorna akiliuteqarsimaneq pillugu allagarsitinneqassaatit.

Attaveqaatitigoortumik NemID atorlugu Imminut sullinneq
NemID-qaruit Imminut sullinneq aqqutigalugu nammineerlutit naatsorsuiffiit naqqissorsinnaavat. Imminut sullinneq tooruk NemID-lu atorlugu iserit, tassanngaanniit aallarteriaannanngorputit.

Imminut sullinneq aallartiguk

Attaveqaatitigut NemID atornagu Akileraartarnermut Aqutsisoqarfiup nittartagaatigut
NemID-qanngikkuit nammineerlutit naatsorsuiffiit Akileraartarnermut Aqutsisoqarfiup nittartagaatigut naqqissorsinnaavat. Nammineerlutit naatsorsuiffiit naqitakkut kode allaqqasoq allassavat, taannalu atorlugu Akileraartarnermut Aqutsisoqarfiup nittartagaatigut imminut sullinniarluni isissutigissavat. 1. maj kingorna kontup normuata allannissaa periarfissaassanngilaq, taamaattumik ukioq akileraarfiusoq 2015-imut tunngatillugu 2016-imi 9. august sioqqullugu Akileraartarnermut Aqutsisoqarfimmut kontui normua eqqortoq nalunaarutigissavat.

Akileraartarnermut imminnut sullinneq aallartiguk

Akileraartarnermut Aqutsisoqarfimmit nammineerlutit naatsorsuiffiit naqitaq tigoreersimagukku aatsaat Akileraartarnermut Aqutsisoqarfiup nittartagaatigut imminut sullinnikkut nammineerlutit naatsorsuiffiit naqqissorsinnaavat.

Allakkatigut, nammineerlutit nalunaarsuiffiit iluarsisaq allakkerivikkut Akileraartarnermut Aqutsisoqarfimmut nassiutissavat
Nammineerlutit naatsorsuiffiit attaveqaatitigoortumik naqqissornagu, nammineerlutit naatsorsuiffiit naqitaq allakkatigut tigusaq atorlugu toqqaannartumik naqqissorsinnaavat, taannalu allakkerisarfikkut Akileraartarnermut Aqutsisoqarfimmut nassiullugu.
Piffissaliussaq
Nammineerlutit nalunaarsuiffik naqqiissutitalik Akileraartarnermut Aqutsisoqarfimmut kingusinnerpaamik 1. maj nassiutissavat.

Immikkut ittumik pisoqartillugu nammineerlutit naatsorsuiffimmik nassiussinissaq kinguartissinnaavat kingusinnerpaamik 1. juni, assersuutigalugu perulutsitsisoqarnera pissutigalugu.