airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Inaarutaasumik naatsorsuummi ikippallaartunik amerlavallaartunilluunniit akileraarsimanersutit naatsorsorneqartarpoq. Akileraartarnermut Aqutsisoqarfimmi tamanna naatsorsorneqartarpoq, ukiumi aningaasarsiorfiusumi akileraarutitit katinnerat akileraarutissavinnut naatsorsukkanut sanilliunnerini tamanna nassaarineqartarpoq. Inaarutaasumik akileraarutissavit aningaasarsiatit akileraaruteqaataasussat tunngavigalugit naatsorsorneqartarput.

Akileraarnikippallaarsimaguit akiligassinneqassaatit. Taakkuuppullu akileraarutissat sinnerinik taaneqartartut.

Akileraarpallaarsimaguit utertoorutigissavatit. Taakku tassaapput akiliivallaarsimanermi utertitassat.
Akileraarutissat sinneri
Akileraarutissat sinnerit amerlanerpaamik 18.000 koruunit tikillugit (16.981 koruunit aamma akitsuut 6% ilanngullugu) siumoortumik nalunaarummut ukiumut tulliuttumut naatsorsorneqassaaq. Taannalu isumaqarpoq akileraartarnermut allagartanni ilanngaatissatit atorlugit akileraarutissat sinneri Akileraartarnermut Aqutsisoqarfimmut akilersussagitit.

Akileraarutissat sinneruttut 18.000 koruuninit amerlaneruppata, ukiumut tulliuttumut naatsorsuutit qaavatigut sinneruttut pingasorarterutikkaarlugit akiligassiissutigineqassapput.

Malugiuk
Siumoortumik nalunaarsuinermi naatsorsuutinnut nuukkusunngikkukkit, kingusinnerpaamik 20. november akilissavatit.
Akiliivallaarsimanermi utertitassat
1. januar 2017 aallarnerfigalugu check-inik atuisinnaaneq unitsinneqarpoq. Taamaattumik aningaasanik pisassalinnut tunniussineq tamarmi aningaaseriviit aqqutigalugit pisassaaq. Akileraartarnermut Aqutsisoqarfiup aningaasanik nuutsinermut atatillugu registrerings normu, konto normulu nalunaarsuiffimmini pigisani atorlugit taamaallaat nuutsisalissaaq.

Akileraartarnermut Aqutsisoqarfiup aningaaserivinnut paasissutissat piginngikkunigit aningaasanik tunniussisinnaanngilaq, nuussassaraluillu tamanna pillugu uninngatikkallarneqartassallutik. Akileraartarnermut Aqutsisoqarfiup aningaaserivinnut paasissutissat tassalu registrerings normu, konto normullu aatsaat nalunaarutigineqarpata aningaasat nuunneqartassallutik.

Pisortanut akiitsoqaruit utertoorutissannit akilersinneqassapput. Tamatumunnga atatillugu akiliisimalluni naatsorsuutit allagarsiissutigissavatit.
Inaarummik naatsorsuutit takukkit
NemID-mik peqaruit
NemID-mik peqaruit inaarummik naatsorsuutit 21. august 2017 Imminut sullinnikkut takusinnaavatit. Imminut sullinneq toorukku NemID-millu isertaatit atorlugu iserlutit, tassa aallarteriaannanngorputit.

NemID-mik peqanngikkuit
Augustip naanerani inaarummik naatsorsuummik tigusaqassaatit. Taanna illit najukkattut inuit aqqisa allattorsimaffianni nalunaarsorsimaffigisannut nassiunneqassaaq.

Inaarummik naatsorsuutit annaasimagukkit Akileraartarnermut Aqutsisoqarfimmut saaffiginninnikkut assilinera pisinnaavat.
Piffissaliussaq
Akileraarutit sinneruttut akiligassiissutit pingasorarterutinngorlugit avinneqarsimasut kingusinnerpaamik akiliiffissaata ullui tassaapput 1. september, 1. oktober aamma 1. november.

Akileraarutit sinneruttut piffissaq eqqorlugu akilerneqarsimanngitsut qaammatikkaartumik 1 procentimik ernialersorneqassapput.

Siumoortumik nalunaarsuinermi naatsorsuutinnut nuukkusunngikkukkit, kingusinnerpaamik 20. november akilissavatit.

Nammineerlutit nalunaarsuiffinni aningaaserivimmi kontuit normua allassimagukku, augustip naanerani kontunnut ikineqassapput. Imminut sullinnikkut 9. august 2016 tungaanut kontuit normuata ‘aallaaviusumik paasissutissat’ ataatigut paasissutissiissutiginissaanut periarfissaqarputit, tassa akileraarutitigut utertoornissat naatsorsuutigissagukku.
Allaaserisat attuumassutillit