airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Meeqqat atuarfianni atuartitsinerup nalinginnaasup saniatigut arlalinnik suliassaqarpoq akisussaaffinnillu immikkut ittuusunik. Taamaappoq atuartut pitsaanerpaamik atuartinneqarnissaat qulakkeerniarlugu.

Suliat akisussaaffiillu immikkut ittut tassaasinnaapput:
  • Atualersussanik ilinniartitsinermi siunnersorti
  • Immikkut ittumik atuartitsinermi siunnersorti
  • Atuarfimmi siunnersorti
  • Atuarfimmi inerisaasoq
  • Immikkoortortami aqutsisoq
  • Perorsaanermi ikiorti
  • Atuartitsissutini siunnersorti
  • Atuarfimmi atuagaatilerisoq

Atuarfimmi sulisut tassaapput akisussaaffinnik immikkut ittunik suliaqartut.
Atualersussanik ilinniartitsinermi siunnersorti
Siunnersortit meeqqat atualersussat pillugit meeqqerivinni perorsaasut qanimut suleqatigaat, meeqqerivimmit atuarfimmut ikaarsaarnerup oqinnerpaamik pisarnissaa anguniarlugu.
Immikkut ittumik atuartitsinermi siunnersorti
Siunnersortit atuartut immikkut ittumik atuartinneqartut pillugit angajoqqaanik, ilinniartitsisunik, PPR-mik (Perorsaanermik tarnip pissusiinillu siunnersuisarfik), atuarfiup aqutsisuinik aamma oqartussaqarfiit assigiinngitsunik suliallit suleqatigiiffiannik qanimut suleqateqartarput, immikkut ittumik atuartinneqartut tapersersorneqarnissaat ikiorserneqarnissaallu anguniarlugit.
Atuarfimmi siunnersorti
Atuarfimmi siunnersortit klassini annerni atuartut suliffissat ilinniarfissallu tungaatigut periarfissarsiornerini ikiuuttarput, atuartut meeqqat atuarfiata kingorna ingerlariaqqinnissaannik siunnersuisarnissaq anguniarlugu.
Atuarfimmi inerisaasoq
Atuarfimmi inerisaasut atuarfimmi perorsaanikkut ineriartorneq pillugu atuarfimmi aqutsisunik suleqateqartarput, atuarfiup sulisullu perorsaanikkut ineriartortuarnissaat anguniarlugit.
Immikkoortortami aqutsisoq
Atuarfiit annerit immikkoortortanut agguataagaapput, ilaatigut atuartitaanermi agguataarinerit alloriarfiit pingasut malillugit, immikkoortortamilu aqutsisut atuarfimmi aqutsisut sulisullu allat akornanni attaveqaataapput.
Perorsaanermi ikiorti
Perorsaanermi suleqataasut meeqqanut inuusuttuaqqanullu atuartuusunut sunngiffimmi neqeroorutinik kiisalu inuusuttunut inersimasunullu unnukkut atuartitsinermi neqeroorutinik suliaqarput.
Atuartitsissutini siunnersorti
Atuartitsissutini siunnersortit atuartitsissutini ataasiakkaani atuartunik ilinniartitsisunillu siunnersuinermik suliaqarput.
Atuarfimmi atuagaatilerisoq
Atuarfinni atuakkanik atorniartarfilinni atuakkanik atorniartitsisartoqassaaq atuartunut sulisunullu atuakkanik atorniarnerini ikiuuttussamik, atuartut sulisullu atuagassaannik paasissutissaannillu ujartuinerini ikiuunnissaq anguniarneqarpoq.