airplanebooksbriefcase business cogs cross election entertainment fish house law lockmedicalpeopleselfservices socialtax

Kommunerisannuinnaq aalajangersimasunik paasissutissaqarpoq

Kommune toqqaruk
Nalinginnaasumik paasissutissiineq
Innuttaasut tamarmik nalunaartussaatitaapput. Tassa imaappoq illit innuttaasutut meeqqamik atugarissaanngitsumik pasitsaassaqaruit tamanna inunnik isumaginnittunut nalunaarutigissallugu pisussaavutit. Meeraq atugarissaanngitsoq tassaasinnaavoq annersagaasarsimasoq, sumiginnagaasarsimasoq imaluunniit kinguaassiuutitigut atornerlunneqarneranik pasitsaassimaneqartoq.

Nalunaartussaatitaaneq pilersinneqarpoq meeqqat ilaqutariillu namminneq akiorsinnaanngisaminnik ajornartorsiutillit ikiorniarlugit.

Pinngitsoorani nalunaartussaatitaaneq
Kikkulluunniit inuussutissarsiutigalugu meeqqanik inuusuttunillu sullitaqartut pinngitsooratik nalunaartussaatitaapput. Tassa kikkulluunniit meeqqat atuarfianni sulisut – ilinniartitsisut, pedelit asaasullu – pisussaapput meeqqat atugarissaanngitsut immikkut eqqumaffigissallugit inunnillu isumaginnittunut nalunaarutigissallugit.

Atuarfimmi aqutsisunit paasineqarpat meeqqamik atugarissaanngitsoqartoq, pisussaapput tamanna nalunaarutigissallugu. Nalunaarneq taama ittoq allakkiaassaaq paasissutissanillu assigiinngitsunik imaqassalluni, soorlu:
  • Meeqqap aqqa inuuialu
  • Angajoqqaat angajoqqaatulluunniit oqartussaassuseqartut aqqi
  • Nalunaarnermi patsisaasoq
  • Meeraq aatsaat siullermeerluni nalunaarutigineqarnersoq

Angajoqqaat tamarmik piumasaqarsinnaatitaapput qitornartik nalunaarutigineqarsimappat paasitinneqassallutik. Nalunaarutip meeqqap ikiorserneqarnissaanut naliliinermi tunngavigineqartussaavoq.