Majoriami meeqqat atuarfianni inaarutaasumik misilitsitsinera (FA)

Nalinginnaasumik paasissutissiineq

Kikkulluunniit Nunatsinni ilinniagaqalernissamut periarfissaqassapput. Meeqqat atuarfianni tunngaviusumik ilinniartitaaneq ilinniagaqalernissanut tamanut tunngaviuvoq.

Karakteerimik amigaateqaruit imaluunniit meeqqat atuarfiat naammassisimanngikkukku, taava Majoriap ukiumik ataatsimik sivisussuseqartumik (aggustimiit juunimut) atuartitsinissamut neqeroorutigisinnaavaa, taannalu oqaluttariarsornermik allattariarsornermillu misilitsinermik naggaserneqartarpoq. Misilitsinneq meeqqat atuarfiannit ingerlariaqqissinnaanissamut naammassissutaassaaq, taamatullu kingorna siunertamisut atorneqarsinnaasussamik.

Imaappoq FA-mi naammaginartumik angusaqarlutit naammassisaqaruit, assersuutigalugu GUX-imi inuussutissarsiutinullu ilinniartitaanerni akuerineqarnissamut qinnuteqarsinnaalissaatit. Ilinniagassamik toqqaanissaq apeqqutaalluni karakteerit qaffasissusaat nikerarsinnaasut maluginiassavat.

Malugiuk
Majoriat ilaannamininngui kisimik FA-mik neqerooruteqartarput. 1. januar 2016 aallarnerfigalugu neqerooruteqartartut illoqarfinni makkunaniissapput; Qeqertarsuaq, Ilulissat, Aasiaat, Kangaatsiaq, Sisimiut, Maniitsoq, Nuuk, Qaqortoq aamma Tasiilaq. Fag-illu neqeroorutigineqartartut ilinniarfiit pineqartut akornanni nikerarsinnaasarput.

Fag-it

Atuartitsissutaasut misilitsissutaasullu meeqqat atuarfianni atuartitsissutigineqartartut pingaarnerit tallimat ikinnerpaamik ingerlanneqartarput:

Kalaallisut
Danskisut
Tuluttut
Matematikki
Fysikki

Fag-it ilaat misilitsinninni naammaginartumik angusaqarfigigukku, fag-imi tassani misilitseqqittariaarutissaatit.

Akuerineqarnissamut piumasaqaatit

FA-mi atuarnissamut akuerineqassaguit, taava:

meeqqat atuarfiannit anereersimassaatit
15-it 16-illu qaangerlugit ukioqassaatit
piginnaanngorsarneq iliuusissasut pilersaarummut ilaatinneqassaaq

Ilinniagaqarnersiuteqarneq

FA-mi atuarneq ilinniagaqarnersiuteqarfiusinnaavoq ilaatigullu aamma kollegiami inissarsisinnaassallutit.

Ilinniarnermi atortussat tamavimmik akeqanngillat.

Qinnuteqarneq

FA-mi atuarumallutit qinnuteqarniaruit qinnuteqarnissamut immersuiffissaq immersussavat. Taanna najukkanni Majoriami taamaallaat pissarsiarisinnaavat. Immersuiffissaq immersoreerukku najukkanni Majoriamut tunniutissavat.

Eqqaamallugu ilanngunneqassammata:

Kuisinnermut allagartaq
Atuarfimmi angusaqarsimanermut uppernarsaatit (karakteerit)
Najugaqarnermut uppernarsaat
Katissimaguit tamatumunnga uppernarsaat

Majoriat tamarmiunngillat FA-mi atuartitsinissamik neqerooruteqarsinnaasut. Illoqarfinni allani najugarinngisanni FA-mik ingerlataqarnissamut akuerineqarnissannik qinnuteqarsinnaavutit. Taamaattorli maluginiassavat kollegiani inissaaleqisoqarsinnaasarmat aammalu Majoriani ataasiakkaani pineqartunut inissat killeqarsinnaammata. Taamaattumik inissarsisinnaaneq ajornakusoortorujussuusinnaavoq. Taamaattumik ukioq atuarfiusoq aallartitsinnagu FA-mik ingerlataqarnissamut inissannik isumannaarerusukkuit piffissaagallartillugu qinnuteqassaatit.

Siunnersuineq

FA pillugu apeqqutissaqaruit imaluunniit FA-mi atuarnissamut qinnuteqarniaruit, najukkanni Majoriamut saaffiginnissaatit. Tassani makku pillugit siunnersortissinnaavutit:

Majoriat sorliit FA-mik neqerooruteqartarnersut
FA-mik ingerlataqarnerup nalaani ilinniagaqarnersiuteqartarneq
Illoqarfinni kommuninilu allani FA-mik ingerlataqarnissamut qinnuteqartarnerit
Najugarisami Majoriami kollegiani najugaqartarneq
FA-mut qinnuteqarnermi akuerineqarnissamut periuseq
FA-mik ingerlataqarnissamut piumasaqaatit
FA-mi fag-it sorliit atuartitsissutigineqartarnersut
FA-mi inaarutaasumik misilitsittarneq
Iliuusissanut pilersaarut ilinnut tunngasoq

Qinnuteqarnissamut killiliussat

FA-mi atualernissamut piffissaq qinnuteqareerfiusussaq Majoriamit Majoriamut nikerarsinnaasarput. Najukkanni Majoriap ilisimatissinnaavaatit illoqarfinni assigiinngitsuni qinnuteqarnissamut killiliussat qaqugumut killeqarnersut.

Allaaserisat attuumassutillit

Majoriami meeqqat atuarfianni inaarutaasumik misilitsitsinera (FA)

Inatsisit