Ilinniagaqarnermi taarsigassarsiat akilersorneranni tapiissutinik ikiorserneqarnissamik qinnuteqarit

Nalinginnaasumik paasissutissiineq

Ukiumi ullorsiuteqarfiusumi qaangiuttumi – ukioq akiliiffiusumik taaneqartartoq – ilinniagaqarnermi taarsigassarsiavit taarsersornerani akilertakkavit angeqqataat tapiissutit matussusertarpaat. Tassa imaappoq ilinniagaqarnermi taarsigassarsiavit taarsersorneranni akilertakkavit akilereerneranni ukiumik qaangereerpagu, ilinniagaqarnermi taarsigassarsiavit taarsersornerannut akilertakkannut tapiissutinik aatsaat qinnuteqarsinnaavutit.

Tapiissutilli ukioq taanna tapiissuteqarfigineqarnissamik qinnuteqarfigisanni – ukioq tapiissuteqarfiusumik taaneqartartoq – 1. december aallarnerfigalugu akiitsuit sinnerisa tamarmiusut sinnersimassanngilaat.

Piumasaqaatit

Tapiissutinik taamaallaat pissarsisinnaavutit imaassimappat:

Illit ilinniakkannik naammassinnissimasutit imaluunniit kipititsisimasutit
Ilinniagaqarnermi taarsigassarsiat pissusissamisuunngitsumik ilinniagaqarnersiutinik pissarsisarsimanermit patsiseqanngippat
Ikinnerpaamik ukiumi ullorsiuteqarfiusumi tapiiffigineqarnissaq pillugu qinnuteqarnissat sioqqullugu, 6.000 koruuninik utertitsillutit akiliisimaguit
Aningaasat amerlassusiat illit utertillugu akilersimasat, ukiumi akiliiffiusumi ernianit sipporneqarsimappat
Tapiissutit pillugit qinnuteqarnissat sioqqullugu Kalaallit Nunaanni sivikinnerpaamik qaammatini pingasuni aalajangersimasumik najugaqarsimanissat

Qinnuteqarneq

Ilinniagaqarnermi taarsigassarsiat akilersorneranni tapiissutinik ikiorserneqarnissat qinnuteqaatiginiarukku, periutsit marluk atorlugit qinnuteqarsinnaavutit:

NemID’qaruit
NemID’eqaruit NemID atorlugu isersinnaavutit toqqaannartumillu sullissivik.gl-ikkut qinnuteqarlutit.

Imminut sullinneq qulaaniittoq tooruk NemID’lu atorlugu iseriarlutit aallartillutit.

NemID’qanngikkuit
NemID’qanngikkuit immersuiffissaq naqitissavat atsiorlugulu kingornagullu Ilinniagaqarnersiuteqartitsivimmut nassiullugu. Taamatut iliorsinnaavutit imminut sullinnissamut aaqqiissut ’Ilinniagaqarnermi taarsigassarsiat akilersorneranni tapiissutinik ikiorserneqarnissamik qinnuteqarit’ iserfigineratigut.

Qinnuteqarnermut ilanngutissavatit:

Najugaqarnermi uppernarsaatip assilinera
Akiliuteqarnermut uppernarsaatit

Qinnuteqarnissamut killissaliussat

Ukioq naallugu qinnuteqarsinnaavutit.

Allaaserisat attuumassutillit

Ilinniagaqarnermi taarsigassarsiat akilersorneranni tapiissutinik ikiorserneqarnissamik qinnuteqarit

Inatsisit