airplanebooksbriefcase business cogs cross election entertainment fish house law lockmedicalpeopleselfservices socialtax

GUX-imut qanoq qinnuteqassanersutit videomi takujuk

Ilinniarnertuunngorniarfimmut (GUX) qinnuteqarit

Ilinniarnertuunngorniarfimmut attaveqaatitigut toqqaannartumik 1. december 2017 qinnuteqartoqarsinnaalissaaq.

Nalinginnaasut
Ilinniarnertuunngorniarneq (GUX) Aasianni, Sisimiuni, Nuummi aamma Qaqortumi atuagarsorluni inuusuttunut ilinniarfiuvoq. GUX ilinniarnermi sammivinnik amerlasuunik periarfissiivoq, soqutigisannut tulluarsarneqarsimalluni aamma siunissami ilinniagaqarnissannut tulluussagaavoq.

GUX ukiunik pingasunik sivisussuseqarpoq aamma Kalaallit Nunaanni nunanilu allani ilinniarfinnut ingerlaqqiffiusunut isissutaasinnaalluni.
Tunngaviusumik ilinniarneq ilinniakkallu sammivia
GUX tunngaviusumik ilinniarnermik aamma ilinniakkap sammivianik immikkoortortaqarluni aaqqissugaavoq.

Tunngaviusumik ilinniarneq
Tunngaviusumik ilinniarneq ukiup affaanik sivisussuseqarpoq. Tunngaviusumik ilinniarneq ilinniarnertuunngorniarfinni tamani assigiippoq. Tunngaviusumik ilinniarnermi atuartitsissutit tassaapput kalaallisut, qallunaatut, tuluttut, matematik, kulturilerineq, science, ilinniariaaseq aamma timersorneq. Tunngaviusumik ilinniarnerup kingorna ilinniakkap sammivianik ilinniarneq aallartinneqartarpoq.

Ilinniakkap sammivianik ilinniarneq
Ilinniakkap sammivia tassaavoq immikkoortumi aalajangersimasumi ilinniartitsissutit arlallit. Ilinniakkat sammivii toqqarneqarsinnaasut katillugit qulingiluaapput (9), ukiumiillu ukiumut, ilinniarfimmiillu ilinniarfimmut ilinniakkatigut sammiviit allanngorarsinnaallutik. Taakku saniatigut timersorneq pingaarnertut GUX Nuummi ukiunik sisamanik sivisussuseqartoq toqqarneqarsinnaavoq.

Ilinniakkap sammivianik toqqaaneq
GUX-imi aallartinnginninni ilinniakkap sammivia sorleq toqqarusunnerlugu nalunaarutigissavat. Nalunaarutigisassat pituttuisussaanngilaq. Tunngaviusumik ilinniarnerpit ingerlanerani aatsaat aalajangivissaatit.
Soqutigisat malillugu aamma kommunerisanni ilinniakkap sammivia ilinniarneqarsinnaasoq malillugu ilinniakkap sammivia toqqassavat. Ilinniakkap sammivia kommunerisanni neqeroorutigineqanngippat kommunerisavit avataani ilinniakkap sammivianik toqqaasinnaavutit.

Quppersagaaqqat ataanniittut ilinniakkat sammiviinik assigiinngitsunik annertunerusumik paasisaqarusukkuit atuarsinnaavatit.

Ilinniarnertuunngorniarneq pillugu ilitsersuinermi atortussat

Ilinniarnertuunngorniarneq pillugu annertunerusumik paasisaqarfigerusullugu sunngu.gl-imut iserit
Piumasaqaatit
GUX-imi aallartissaguit toqqaannartumik – Inatsisitigut minnerpaamik karakteeri E angusimassavat (tassaasoq karakteri 2, 7-trinsskala naapertorlugu):
  • 10. klassemi tamani angusannut tunngatillugu karakteeriliinerit
  • aalajangersimasumik qulequtsiilluni suliassami
  • tamani inaarutaasumik misilitsinnerni pinngitsoorani ingerlanneqartussani
GGS 7-trins
   A     12 A: Naammassisamut pitsaalluinnartumut
   B     10 B: Naammassisamut ajunngivissumut
   C      7 C: Naammassisamut pitsaasumut
   D      4 D: Naammassisamut ajorpallaanngitsumut
   E      2 E: Naammassisamut naammattumut
  FX      0 Fx: Naammassisamut naammaginanngitsumut
   F     -3 F: Naammassisamut akuerineqarsinnaanngilluinnartumut


Aammattaaq ilinniartut immikkut akuerineqarnikkut aallartissinnaapput, kisiannili ilinniagaqalernissamik qulakkeerinniffigineqanngillat. Aamma periarfissaavoq ilinniagaqalernissamut misilitsinneq aqqutigalugu tiguneqarnissaq. Meeqqat atuarfianni naammassereernerup kingornatigut siusinnerpaamik upernaakkut misilitsinneq tiguneqassaaq.
Qinnuteqarneq
GUX-imi tiguneqarniarlutit qinnuteqarniaruit, qinnuteqarnermi immersugassaq najukkanni Majoriarmut tunniutissavat, sullissivik.gl aqqutigaluguluunniit qarasaasiakkut attaveqaat toqqaannartoq atorlugu qinnuteqarsinnaavutit.

Qinnuteqarfissap killigaa 1. marts.

NemID-qaruit
NemID-eqaruit NemID atorlugu isersinnaavutit toqqaannartumillu sullissivik.gl-ikkut qinnuteqarlutit.

Imminut sullinneq qulaaniittoq tooruk NemID-lu atorlugu iseriarlutit aallartillutit.

Eqqaamallugu
Sullissivik.gl-ikkut GUX-imut qinnuteqassaguit qinnuteqarnermut uppernarsaat takussutissatut toqqussallugu pingaaruteqarpoq.

Qinnuteqarninni mail-it allakkukku uppernarsaat mail-ikkut pissarsiarissavat.

NemID-qanngikkuit
NemID-qanngikkuit qinnuteqaammik ’Kalaallit Nunaanni ilinniakkanut aamma ilinniagaqarnersiutinut qinnuteqaat immersugassaq’ aqqutigalugu aallersinnaavutit Majoriarmullu illoqarfigisamiittumut tunniullugu imaluunniit qinnuteqaat immersoreernikoq nassiullugu.

Ilitsersuut atuaruk qinnuteqarnissamut immersugassap pappialartaata immersornissaanut

Isiginnaagassiaaraq ilitsersuut takuuk - GUX-imut qanoq qinnuteqassaanga?

Isiginnaagassiaaraq takuuk GUX-imi ilinniakkat sammivii pillugit

Malugiuk
Ilinniakkamut tiguneqarnissat qinnutigigukku, imaanngilaq ilinniartut inaannik ingerlaannartumik tunineqarnissat naatsorsuutigissagit.
Piffissaliussat
Qinnuteqarfissamut 1. marts killigitinneqarpoq.
Majoriaq – Majoriat siunnersuisarfiupput atuarfiillu, illoqarfinni annerni tamani nunaqarfimmilu ataatsimi inissisimasut.
Majoriaq Ilulissat
Postboks 1003
3952 Ilulissat

Oqarasuaat: 94 76 70
Fax: 94 37 89
E-mail: sillit@attat.gl
Majoriaq Kangaatsiaq
Postboks 530
3955 Kangaatsiaq

Oqarasuaat: 87 10 48
Fax: 87 10 49
E-mail: kaqv@qaasuitsup.gl
Majoriaq Qasigiannguit
Kantinevej 6
Postboks 111
3951 Qasigiannguit

Oqarasuaat: 91 46 52
Fax: 91 15 26
E-mail: piaqas@qaasuitsup.gl
Majoriaq Qeqertarsuaq
Postboks 142
3953 Qeqertarsuaq

Oqarasuaat: 92 15 75
E-mail: qeq_piareersarfik@qaasuitsup.gl
Majoriaq Qaanaaq
Postboks 90
3971 Qaanaaq

Oqarasuaat: 97 28 20 / 97 28 21
Fax: 97 16 49
E-mail: piareersarfikqnq@greennet.gl
Majoriaq Upernavik
Postboks 84
3962 Upernavik

Oqarasuaat: 96 10 99
Fax: 96 14 78
E-mail: stiupv@greennet.gl
Majoriaq Uummannaq
Postboks 20
3961 Uummannaq

Oqarasuaat: 95 15 55
E-mail: sti@qaasuitsup.gl
Majoriaq Aasiaat
Postboks 387
3950 Aasiaat

Oqarasuaat: 89 47 66
E-mail: piaas@qaasuitsup.gl
Ilinniartitaanermut, Kultureqarnermut Ilisimatusarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikiin@nanoq.gl
Nittartagaq: www.naalakkersuisut.gl