Inuussutissarsiutitigut ilinniartitaanerit

Nalinginnaasumik paasissutissiineq

Kalaallit Nunaanni inuussutissarsiutinut ilinniartitaanerit tassaapput inuussutissarsiummut aalajangersimasumut sammisut sulinermik ilinniarfiit. Taakku assersuutigalugu tassaasinnaapput assassornikkut, allaffissornikkut imarsiornikkulluunniit inuussutissarsiutit.

Inuussutissarsiutinut ilinniarneq agguaqatigiissillugu ukiunik sisamanik sivisussuseqarpoq. Ilinniartitaanernut taakkununnga ilisarnaataasoq tassaavoq ilinniarnerit nikerarfiusuunerat. Tamanna isumaqarpoq atuarfimmiinnerup aamma suliffimmut misiliinerup akornanni nikerartoqartoq. Atuarfimmiinnermi ilinniartoq atuagarsornikkut ilisimasaqalissaaq, suliffimmilu misiliinerup ingerlanerani ilinniagaqartup atuagarsornikkut ilisimalikkani suliffeqarfimmi atussallugit. Ilinniartitaanerit ilarujussui Kalaallit Nunaanni naammassineqarsinnaapput, kisianni aamma ilinniartitaanerit ilaat Danmarkimi atuarfimmiinnissamik pisariaqatitsillutik.

Piffissat suliffimmik misiliiffiusut amerlanertigut sulisitsisumik ilinniarnissaq pillugu isumaqatigiissuteqarnissamik pisariaqartitsisarput.

Danmarkimi
Danmarkimi inuussutissarsiutitigut ilinniartitaanerit Kalaallit Nunaannitulli tassaapput, inuussutissarsiummut aalajangersimasumut sammisut sulinermik ilinniarfiit. Ilinniarneq atuarfimmi suliffimmilu misiliisarnerup akornanni nikerartumik ingerlanneqartarpoq, aamma nalinginnaasumik tunngaviusumik pingaarnertullu ingerlatsinermik imaqarpoq. Ilinniagassat 105-iusut 300-it sinnerlugit alloriarnertallit imaluunniit immikkut ilinniagassartaqartut akornanni toqqaasinnaavutit.

Meeqqat atuarfiata kinguninnguatigut imaluunniit kingusinnerusukkut aallartissinnaavutit. Danmarkimi inuussutissarsiutitigut ilinniakkamik aallartitsinissamut apeqqutaavoq qassinik ukioqarnersutit aamma suna tunuliaqutarinerit.

Danmarkimi inuussutissarsiutitigut ilinniartitaanerit pillugit annertunerusumik paasisaqarusukkuit uani atuarsinnaavatit

Piumasaqaatit

Ilinnialernissamut aallartinniaruit inuussutissarsiummut ilinnialissaguit sungiusarluni suliffissamik nassaarsimasariaqarputit.

Tamatuma saniatigut inuussutissarsiutinut ilinniarnerit ilaanni meeqqat atuarfianni soraarummeernermi angusatit ilinniartitsissutini aalajangersimasuni agguaqatigiissillugit angusat minnerpaaffissaqartarput.

Inuussutissarsiutinut ilinniarneq pillugu ilinniarfiit nittartagaanni sukumiinerusumik paasisaqarsinnaavutit, imaluunniit inuussutissarsiutinut ilinniarfimmi ilinniartunut siunnersortimik oqaloqateqarsinnaallutit.

Inuussutissarsiutinik ilinniagassat ilinniarneq pillugu nittartakkakkut takusinnaavatit uani www.sunngu.gl.

Malugiuk
Karakterinik amigaateqaruit, imaluunniit meeqqat atuarfianni misilitsinnermi angusinngitsoorsimaguit, Majoriaq -arfinni tamani qaffassarnissamut periarfissaqarpoq.

Qinnuteqarneq

Inuussutissarsiutinik ilinniarusukkuit sungiusarlutit suliffissannik nammineq ujaasissaatit.

Ilinniarniaruit najukkanni Majoriamiqinnuteqassaatit, allatullu siunnersortikkusukkuit ikiorsinnaavaatsit.

Maluginiassavat kollegiamik imaassinnaavoq tunineqanngitsutit. Kollegiamik ingerlaannartumik tunineqanngikkuit tamanna immikkut Majoriaq aqqutigalugu qinnutigissavat.

Ilinniarnissamut ilinniagaqarnersiuteqarnissamullu qinnuteqarfissat uani nassaarisinnaavatit www.sunngu.gl.

Atuarfiit assigiinngitsut

Isumassuinermik, peqqinnermut perorsaanermullu soqutigisaqarpit:
• Peqqissaanermik Ilinniarfik, Center for Sundhedsuddannelser, Nuuk: www.pi.gl
• Perorsaanermik Ilinniarfik, Socialpædagogisk Seminarium, Ilulissat (Isumaginninnermik ikiortinngorniarfik): www.pi.sps.gl

Allaffissornermi, niuernermi niuernermilu sullissinermik soqutiginnikkuit:
• Niuernermik Ilinniarfik, Handelsskolen, Qaqortoq: www.cak.gl
• Niuernermik Ilinniarfik, Handelsskolen, Nuuk: www.ninuuk.gl

Inuussutissalerinernik, nunalerninermik takornarialerinermillu soqutigisaqarpit:
• Niuernermik Ilinniarfik, Handelsskolen, Qaqortoq: www.cak.gl
• INUILI, Inuussutissalerinermik Ilinniarfik, Narsaq: www.inuili.com
• Upernaviarsummi nunalerinermik ilinniarfik: www.nunalerineq.gl

Aatsitassarsiornermik, sanaartornermik assartuinermillu soqutigisaqarpit:
• Sanaartornermik Ilinniarfik, Bygge & Anlægsskolen, Sisimiut: www.kti.gl
• Saviminilerinermik Ilinniarfik, Jern & Metalskolen, Nuuk: www.kti.gl

Aalisarnermik, piniarnermik imarsiornermillu soqutigisaqarpit:
• Imarsiornermik Ilinniarfik, www.maritim.gl

Majoriaq

Majoriaq Illoqqortoormiut
Postboks 23
3980 Illoqqortoormiut

Oqarasuaat: 99 10 12
Fax: 99 11 12
E-mail: lomr@sermersooq.gl

Majoriaq Nuuk
Jens Kreutzmann-ip aqq. nr. 7
Postboks 550
3900 Nuuk

Oqarasuaat: 36 63 60
Fax: 34 97 10
E-mail: piareersarfiknuuk@sermersooq.gl

Majoriaq Paamiut
Postboks 520
3940 Paamiut

Oqarasuaat: 36 66 04
Fax: 68 16 95
E-mail: pero@sermersooq.gl

Majoriaq Tasiilaq
Postboks 98
3913 Tasiilaq

Oqarasuaat: 98 13 10
Fax: 98 13 08
E-mail: elia@sermersooq.gl

Ilinniartitaanermut, Kultureqarnermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl

Inuussutissarsiutitigut ilinniartitaanerit

Inatsisit